MATTHEW 24:4 - Navajo Bible

⁴ Áko Jesus hach'į' haadzíi'go áhodííniid, Ádaa ádahołyą́, áko diné doo ła' yóó'adanihidínóo'ah da.

MATTHEW 24:4 ပူးပေါင်းရင်းမြစ်များ

JEREMIAH 29:8

Háálá Ízrel dine'é biDiyin God, t'áá ałtsoní bee Bóhólníihii ání, Áhodoonííł yaa dahalne'ii índa nihá nida'ídíłkidii nihitahgóó nidaakaígíí nihida'dóleeh lágo índa yaa nideizyeelii yee nihił dahalne'go t'áadoo bá deísółts'ą́'í.

JEREMIAH 37:9

Bóhólníihii kóní, Kaldíya dine'é doo kojį' náádadoo'néeł da, dadohníigo t'áadoo ádinda'ohdlo'í. Áádę́ę́' yee' náádoo'nééł.

MARK 13:22

Háálá Christ ádahodil'íinii índa t'óó ádahodil'į́įgo dahalne'ii dahodooleełgo álílee k'ehgo bee éédahózinii índa bik'ee t'óó ił ahayóigo ádahooníiłii ádeił'į́į doo, áko yídaneel'ą́ą́ ládą́ą́' Diyin God atah yiyiizlá'ígíí nidi yóó'adeidínóo'ah.

LUKE 21:8

Áko ázhdííniid, Ádaa ádahołyą́, áko doo yóó'adanihidi'nóot'ah da, háálá lą'í, Shí Christ ásht'į́, daaníigo shízhi' yee ádadójíigo nidahidookah áádóó, K'ad áajį' ahoolzhiizh! daaníigo. T'ááká bikéé' dah dahidoohkááh yíila'.

GALATIANS 6:3

Háálá diné t'áadoo nilíní da nidi ayóó ánísht'é nízinii, éí ádina'adlo'go át'é.

EPHESIANS 4:14

Áko kodóó áłchíní nahalingo na'nitin ałtah áát'eełii t'áadoo bee nídahííníilghaałí, diné bina'adlo'ii áádóó bindahagiz dayiichįįhii t'áadoo t'áá ádzaagóó nihíni' ádahale'í.

EPHESIANS 5:6

T'ááká diné ła'da saad t'áadoo dabiniyéhíii yee nihida'dóleeh yíila', háálá ákódaat'éhígíí biniyé Diyin God t'óó báhádzidgo bibee até'él'íinii éí diné doo ak'eh dahół'íinii bik'i dahwiileeh.

COLOSSIANS 2:18

Ła'da ádaa hojoolbá'í í'dólzinii áádóó diyingo nidaal'a'í yich'į' nahałáii t'ááká bikéé' dah dadoohkááh yíila', háálá ákódaaht'į́įgo Diyin God nihaidooléełii yits'ánihidínóo'ah. Azhą́ t'áadoo yoo'íní da nidi, Shił áhát'į́, níigo éí t'áá ts'ísee k'ehgo nitsíkeesgo t'áadoo biniyéhígóó ádaa ha'niih.

COLOSSIANS 2:8

Ła'da nihokáá' dine'é bił ééhózinígíí bik'ehgo ak'i'diitįįhii índa t'áadoo nánídlínígóó anót'ááh nilíinii yee danihółnééh lágo. Jó, nihokáá' dine'é bi'é'él'į' yik'ehgo ádaat'é, índa nihokáá' dine'é binahagha' ałtah áát'eełii yik'ehgo ádaat'é, éí doo Christ yik'ehgóó ádaat'ée da.

II THESSALONIANS 2:3

Diné ła' ts'ídá t'ááká ha'át'éegoda nihi'dóleeh lágo. Háálá diné bi'oodlą' yits'ą́ąjį' dínóojahígíí átsé ádoonííł, áádóó diné bąąhági át'éii yee sizíinii, í'doodįįłjį' bá nihoot'áanii yit'íní ádoolnííł, áadi índa Bóhólníihii nídoodáłígíí beidoołkááł.

I John 4:1

Ayóó'ánihósh'níinii, Níłch'i Diyinii shii' hólǫ́, daanínígíí t'áadoo t'áá ałtso deinohdlání, nidi éí t'áá ałtso nidaałkaah, t'áá daats'í aaníí Diyin God biNíłch'i Diyinii bii' dahólǫ́. Háálá t'óó ádahodil'į́įgo dahalne'ii nihokáá'góó t'óó ahayóí deíkááh.