MATTHEW 21:3 - Navajo Bible

³ Áko t'áá háiida ha'át'íhída nihidííniidgo, Jó, Bóhólníihii choidooł'įįł, didoohniił, áko t'áá áko áádę́ę́' nihił yi'doołnih.

MATTHEW 21:3 ပူးပေါင်းရင်းမြစ်များ

I KINGS 17:9

Nídiidáahgo Sáídan bikin haal'á Zárefath hoolyéejį' dínááh; ákwe'é kééhót'į́į doo; jó, ákwii asdzání bąąh áhásdįįdii léi' naa áhályą́ą doogo bee bich'į' haasdzíí'.

EZRA 1:1

Pérzha dine'é aláahgo binanit'a'í Sáíras nant'áago t'ááłá'í náhááh góne' Jeremáíyah éí Bóhólníihii bizaad yee haadzíi'ii bohodoolnííł biniyé Bóhólníihii éí Pérzha dine'é aláahgo binanit'a'í Sáíras biníłch'i yidiisnáá', áko aláahgo naat'áanii bee bóhólníihgo bił haz'áanii t'áá nidahonees'ą́ą́góó baa nahodoonihgo áyiilaa índa bee ak'e'ashchį́įgo ałdó' áyiilaago ání,

EZRA 1:5

Júdah dine'é áádóó Bénjamin dine'é dabizhé'é yę́ę ba'áłchíní yá aląąjį' naazíinii áádóó nááda'iiłniihii índa Líívai dine'é danilíinii éí Diyin God haníłch'i dayidiis'náa'ii t'áá ałtso bił Jerúsalemgi Bóhólníihii bikin ádoolnííł biniyé dashdidookahgo hasht'e'ádazhdiilyaa.

EZRA 7:27

Danihizhé'é yę́ę biBóhólníihii Diyin God baa ha'niih le'; éí Jerúsalem kin haal'áagi Bóhólníihii bikin bii' sohodizin t'áadoo bee nóoshónígóó ádoolnííł biniyé aláahgo naat'áanii kót'éego bijéí yee tsíideeskééz.

PSALMS 24:1

Nahasdzáán éí Bóhólníihii bí áádóó bee hadít'éii ałdó' t'áá ałtso bí; nahasdzáán índa yikáá' kéédahat'íinii ałdó' bíí' danilį́,

MATTHEW 21:2

kóbijiníigo, Nihílááh, náwónaanídi nihidááhjí kin sinilíjį' doh'aash, t'áá áko ákwii télii ła' biyázhí bił dahaastł'ǫ́ǫgo bik'ídooh'ash; éí k'e'dooh'ałgo shaa nídooh'ish.

MATTHEW 21:4

Díí kóhóót'įįdígíí Diyin God yá halne'ii kóníigo yee haadzíi'ii bohodoolnííł biniyé ádzaa:

JOHN 17:2

háálá baa hidííní'ánígíí t'áá ałtso iiná doo ninít'i'ii yeididoo'ááł biniyé nihokáá' dine'é nináneel'ą́ąjį' bee hóhólníihgo íinilaa.

JOHN 3:35

aTaa' éí aYe' ayóó'áyó'ní, áko t'áá ałtsoní yílák'eidíí'ą́.

ACTS 17:25

t'áadoo le'é nidi doo yídin nilį́į da, diné nidi doo bíká oolyeed át'ée da, háálá t'áá bí, iiná áádóó bee ní'dídzihii índa t'áá ałtsoní diné t'áá ałtso yeidii'aah.

II CORINTHIANS 8:16

Shí nihaa hą́ą́h nisinígi át'éego Diyin God éí Táítas hajéí tł'ááhdę́ę́' nihaa hą́ą́s nízingo áhoolaaígíí bąą bich'į' baa ahééh nisin.

II CORINTHIANS 8:9

Háálá nihiBóhólníihii Jesus Christ bibee ajooba' nihił béédahózin, jó, éí azhą́ at'į́į nidi, bahojoobá'í silį́į́', háálá nihá bahojoobá'í silį́'ígíí binahjį' nihí da'dooht'įįł.

JAMES 1:17

Yá'ádaat'éehii índa ts'ídá t'áá ákóne' ádaat'éii t'áá ałtso yá'ąąshdę́ę́' aTaa' bee da'di'nídíín áyiilaii bits'ą́ą́dę́ę́' nihaa hidit'aah. Diyin God doo łahgo óonééh át'ée da, doo chaha'oh náhoodleełígi át'ée da.

I SAMUEL 10:26

Saul ałdó' Gíbiyah kin haal'áadi bighango ákǫ́ǫ́ dah nídiidzá áádóó Diyin God éí diné bijéí deidiisná'ígíí ałdó' ákǫ́ǫ́ hoł nákai.