MATTHEW 2:8 - Navajo Bible

⁸ Áko Béthlehemgóó ho'níłnii'go áhodííniid, Nihílááh, ts'ídá haleebee awéé' hadanohtá, áko bik'ínohkaigo hane' shaa nídadooh'ááł, áko shí ałdó' ákǫ́ǫ́ deesháałgo bich'į' nahodeeshłaał.

MATTHEW 2:8 ပူးပေါင်းရင်းမြစ်များ

II SAMUEL 17:14

Áádóó Ábsalam índa Ízrel dine'é t'áá ałtso ádadííniid, Árkadóó dine'é Húshai kót'é nínígíí éí Ahíthofel kót'é dííniidígíí biláahgo yá'át'ééh, háálá Bóhólníihii éí yee haadzíi'go Ahíthofel yá'át'éehgo kót'é dííniidígíí nahjį' kólyaa; Bóhólníihii éí doo yá'áshóonii Ábsalam yik'ijį' kwíidoolííł biniyé.

I KINGS 19:2

Nít'éé' Jézebel hane' yił naal'a'ígíí ła' Iiláíjah yich'į' ayííł'a'go ání, Yiską́ągo kóhoodzaago diné nisíníłtseed yę́ęgi át'éego doo ákóniishłaa ládą́ą́' shí ałdó' t'ah yówehgo shidiyin danilíinii ákódashidoolííł.

PROVERBS 21:30

Hódzą́ áádóó bee ak'i'diitįįhii índa na'nitin doo ła' Bóhólníihii yik'ijį' nilį́į da.

LAMENTATIONS 3:37

Bóhólníihii doo yee haadzíi'iishą' háí yee hadoodzihgo áádóó bohodoolníiłgo yíneel'ą́?

MATTHEW 2:1

Hérad aláahgo naat'áanii nilį́įgo yoołkááł yę́ędą́ą́' Judíya kéyah biyi' Béthlehemgi Jesus yizhchį́, nít'éé' jó'akon, ha'a'aahdę́ę́' Jerúsalemjį' hastóí dahóyáanii yíkaigo kódaaní,

MATTHEW 2:7

Nít'éé' Hérad éí hastóí dahóyáanii yíkaígíí t'áá nant'inee hágo yidííniidgo, ts'ídá haa'í hoolzhishgo sǫ' dajiiłtsánígíí hats'ą́ą́dóó bił bééhoozin.

MATTHEW 2:9

Aláahgo naat'áanii áhodííniidígíí dazdiizts'ą́ą'go dah náázhdiikai, nít'éé' jó'akon, ha'a'aahdi sǫ' dajiiłtsánígíí halą́ąjį' nihináánádzáago ashkii áłts'íísí sitínígíí bikáa'gi niiltłah.