MATTHEW 2:6 - Navajo Bible

⁶ Júdah bikéyahgi Béthlehem nílíinii, Júdahgi naat'áanii danilíinii bitahdóó doo akéédę́ę́' ánít'ée da, háálá nits'ą́ą́dóó naat'áanii shidine'é Ízrel yoo'ish dooleełii ch'ídoogááł.

MATTHEW 2:6 ပူးပေါင်းရင်းမြစ်များ

GENESIS 49:10

Naat'á gish Júdah doo bighadootį́įł da; Éí Sháíloh níyáajį' naat'áanii bigish bikee' bita'dę́ę́' doo hadootį́įł da, Áádóó éí bá diné áłashdooleeł.

II SAMUEL 5:2

Hoolzhiizhdę́ę́' Saul aláahgo nihinanit'a'í nilį́ yę́ędą́ą́', ni lą́ą Ízrel dine'é niidlíinii dah nihidini'eezh áádóó yah anánihííní'eezh, áádóó Bóhólníihii ándííniid, Shidine'é Ízrel ba'íłtso' índa Ízrel dine'é aláahgo binanit'a'í nílį́į doo.

I CHRONICLES 2:51

áádóó Sálma ałdó' éí Béthlehem bizhé'é dzizlį́į́' índa Héíref ałdó' éí Beth-géíder bizhé'é dzizlį́į́'.

I CHRONICLES 5:2

Azhą́ Júdah hak'isóó biláahgo áhóodziil nít'éé' áádóó hats'ą́ą́dóó aláahgo naat'áanii hazlį́į́', nidi Jóseph éí alą́ąjį' yizhchínígíí bee bóhólníihii bíí' silį́į́'.

EZRA 2:21

Béthlehem kin shijaa'dóó diné neeznádiindóó ba'aan naadiin táá'.

ISAIAH 40:11

Na'niłkaadii nahalingo bidibé ya'ałtso'; bigaan yee dibé yázhí áłah ánáyoodlííł, áádóó bijéíts'iin yíyółtą'go neiijaah, índa ádaałts'íísígíí bimá yił hazhó'ó yaa áhályą́.

MICAH 5:2

Nidi nihí, Béthlehem Éfratahdóó dine'é danohłíinii, azhą́ Júdah dine'é miil yilt'éego bitahgi ánółch'į́į́dí nidi, nihits'ą́ą́dóó Ízrel dine'é binanit'a'í éí t'áá ałk'idą́ą́' hool'áádę́ę́' naagháii shá ch'ídoogááł.

NUMBERS 24:19

Jéíkab dine'é bits'ą́ą́dóó bóhólníih dooleełii hahodooleeł; kin haal'áagi dadzidziihígíí áhodi'dooldįįł.

MATTHEW 2:1

Hérad aláahgo naat'áanii nilį́įgo yoołkááł yę́ędą́ą́' Judíya kéyah biyi' Béthlehemgi Jesus yizhchį́, nít'éé' jó'akon, ha'a'aahdę́ę́' Jerúsalemjį' hastóí dahóyáanii yíkaigo kódaaní,

MATTHEW 28:18

Áko Jesus haa níyáago kóníigo hach'į' haadzíí', Yá'ąąshdi áádóó nahasdzáán bikáa'gi bee ídahólníihii t'áá ałtso shaa deet'ą́.

JOHN 21:16

Naakidi aleeh góne' ánááhodoo'niid, Sáíman, John biye' nílíinii, da' ayóósh'áshííní'ní? Áko ánáábizhdi'ní, Aoo', Bóhólníihii; ayóó'ánósh'níigo nił bééhózin. Áádóó ánááhodoo'niid, Shidibé baa áhólyą́.

JOHN 7:42

Da' doósh Diyin God bizaad bee ak'e'ashchínígíí áníi da, Christ éí David bits'ą́ą́dóó oochíiłii jílį́į doo, t'áá David kééhat'į́į́ nít'é'ídóó, Béthlehem kin haal'áhídóó?

EPHESIANS 1:22

Áko t'áá ałtsoní bik'i jidées'eezgo áhoolaago bee hóhólnííh, áádóó da'oodlání t'áá ła' bizhi'ee bá nahoji'áago áhoolaa.

COLOSSIANS 1:18

Atsiits'iin éí ats'íís yił ałhee hinánígi át'éego Jesus éí da'oodlání t'áá ła' bizhi'ee bee bóhólnííh; hó bee hodeeyáii jílį́, áádóó ts'ídá t'áá ałtsojį' aląąjį' dzizį́į doo biniyé aninéédę́ę́' átsé hinááh nídzísdlį́į'ii jílį́.

HEBREWS 7:14

Háálá nihiBóhólníihii t'áadoo bahat'aadí Júdah bits'ą́ą́dóó oochíiłii nilį́įgo bééhózin, áko éí dine'é danilínígíí bitahdóó náá'iiłniihii danilį́į dooleełgi Mózes t'áadoo yeiníst'įįd da.

REVELATION 11:15

Ákohgo diyingo naal'a'í tsosts'id góne'ígíí bidilní yee ádííniidgo, yá'ąąshdi ayóó át'éego iinéé' dadiists'ą́ą'go kódadííniid, Nihokáá' bee óhólníihgo bił haz'áanii éí nihiBóhólníihii índa biChrist bee bóhólníihgo bił haz'áanii silį́į́', éí hool'áágóó ahóyéel'áágóó yinant'áa doo.

REVELATION 2:27

T'áá shiTaa' bits'ą́ą́dę́ę́' bee óhólníihii shee hazlį́'ígi át'éego bee hóhólníihgo áhodeeshłííł. Béésh hał bee binazhnit'áa doo; ásaa' ííł'íinii bileets'aa' nihídazdeestsxis nahalingo nihídadidooltsxisgo ałtso dadidoozéí.

REVELATION 7:17

Háálá bikáá'dóó nahat'áii ałníi'gi Dibé Yázhí nilíinii dah sidáii éí haa áhályą́ą doo, áádóó tó hináanii hadaazlį́į́góó há naagháa doo, índa Diyin God éí dahanák'eeshto' t'áá át'é há deidoot'oł.