MATTHEW 2:5 - Navajo Bible

⁵ Nít'éé' ádahodííniid, Judíya kéyah hoolyéii biyi' Béthlehemgi lą́ą, háálá kót'éego Diyin God yá halne'ii yee ak'e'ashchį́:

MATTHEW 2:5 ပူးပေါင်းရင်းမြစ်များ

GENESIS 35:19

Áko Réíchel daaztsą́ągo Éfrathgóó atiinígíí bíighahgi łeeh bi'dooltį́; t'áá ákwe'é Béthlehem hoolyé.

MATTHEW 2:1

Hérad aláahgo naat'áanii nilį́įgo yoołkááł yę́ędą́ą́' Judíya kéyah biyi' Béthlehemgi Jesus yizhchį́, nít'éé' jó'akon, ha'a'aahdę́ę́' Jerúsalemjį' hastóí dahóyáanii yíkaigo kódaaní,

MATTHEW 2:4

áko aláahgo nááda'iiłniihii índa bee haz'áanii yínda'niłtinii t'áá ałtso áłah áyiilaago háadi Christ doochíłígíí yína'ídééłkid.

JOHN 7:42

Da' doósh Diyin God bizaad bee ak'e'ashchínígíí áníi da, Christ éí David bits'ą́ą́dóó oochíiłii jílį́į doo, t'áá David kééhat'į́į́ nít'é'ídóó, Béthlehem kin haal'áhídóó?

JOSHUA 19:15

Kátath kin haal'áii, Néíhalal kin haal'áii, Shímran kin haal'áii, Ídalah kin haal'áii índa Béthlehem kin haal'áii; kin dah naazhjaa'ígíí t'áá bił naakits'áadahgo kin hadaas'áhígíí Zébyulan dine'é bíí' daazlį́į́'.

JUDGES 17:7

Áko Júdah kéyahgi Béthlehem kin shijaa'dóó dinééh léi' naagháá nít'éé'; éí Júdah bighandóó nijigháago Líívai dine'é jílį́įgo ákwii t'óó átsééd kééhojit'į́.

RUTH 1:1

Ákódzaago ándahodii'aahii bídahólníihgo yoołkááł yę́ędą́ą́' Ízrel dine'é bikéyahgi hodííchįįd. Áko Béthlehem kin shijaa'gi Júdah kéyahdóó diné léi' dah diiyáago t'óó átsééd ch'aajookahgo Mó'ab kéyahgóó jíkai.

RUTH 1:19

Áko t'áá ájíłah dashdii'áazhgo Béthlehem kin shijaa'di níjít'áázh. Áko Béthlehemgi jiní'áazhgo t'áá át'é kintahgóó t'óó hak'ee bił adahóóyóí, áko ádaaní, Da' díísh Neiyómii át'į́?

RUTH 2:4

Áádóó jó, Béthlehem kin shijaa'dę́ę́' Bó'az níyáago da'ayizhígíí áyidííniid, Bóhólníihii nihił hólǫ́ǫ doo. Áko áńdahodoo'niid, Bóhólníihii nik'ijidlí.

RUTH 4:11

Ákohgo kin haal'á bidáń'dítį́įhgi diné áłah silį́'ígíí t'áá ałtso áádóó hastóí ałdó' ádaaní, Oo'íinii lá daniidlį́ ni. Bóhólníihii éí asdzání nighan góne' yah adoogáłígíí díí yá íidoolííł: Réíchel áádóó Líyah éí t'áá áłah Ízrel dine'é k'ee'ąą yiyííłąądígi át'éego ná áyóle'. Éfata haz'ą́ągi ít'į́į doo áádóó Béthlehemgi ts'ídá néého'dílzin doo.

I SAMUEL 16:1

Bóhólníihii éí Sámuel áyidííniid, Haash nízáágóó Saul baa yínííł nílį́į doo; shą́ą́', nináałgo Ízrel dine'é binanit'a'í jílį́į́ nít'éé' nidi doo honiizį́į' da? Ak'ah ni'adee' bii' hadíłbin, áádóó Béthlehem kin shijaa'dóó diné nilíinii Jésii bighangóó nideesh'aał, háálá éí biye'ké bitahdóó ła' aláahgo naat'áanii dooleełgo ádá nídiishtį́.