MATTHEW 2:4 - Navajo Bible

⁴ áko aláahgo nááda'iiłniihii índa bee haz'áanii yínda'niłtinii t'áá ałtso áłah áyiilaago háadi Christ doochíłígíí yína'ídééłkid.

MATTHEW 2:4 ပူးပေါင်းရင်းမြစ်များ

II CHRONICLES 34:13

éí ałdó' hééł nideiyéhígíí índa t'áá da'níł'ąą ádaat'éego binda'anishii yik'i dadéez'į́į́', áádóó Líívai dine'é ła' naaltsoos ííł'íní áádóó naat'áanii danilíinii índa dáń'da'ditį́į́h yaa ádahalyáanii danilį́.

II CHRONICLES 34:15

Áádóó Hilkáíyah éí Shéífan naaltsoos ííł'íní áyidííniid, Bóhólníihii bikin bii' sohodizin góne' bee haz'áanii naaltsoos bee si'ánígíí bik'íníyá. Áko Hilkáíyah éí naaltsoos Shéífan yeiní'ą́.

II CHRONICLES 36:14

Náá'áłdó' aláahgo nááda'iiłniihii áádóó diné t'áá ałtso t'áá íiyisí bee haz'áanii dayiizti'; ał'ąą dine'é bidoo daaldinii t'áá át'é bik'ehgo yaa naaskai, áko Jerúsalemgi Bóhólníihii bikin bii' sohodizin dílzingo ats'éidiní'áanii dayííłchxǫ'.

EZRA 10:5

Ákohgo Ézra nídii'na'go aláahgo nááda'iiłniihii áádóó Líívai dine'é índa Ízrel dine'é t'áá ałtso díí saadígíí bik'ehgo ádee hadahididoodzihgo ájiilaa. Áádóó índa ádee hadahideesdzíí'.

EZRA 7:6

Díí Ézra éí Bábilan kin haal'áádóó dashdiiyá, áko Ízrel dine'é biBóhólníihii Diyin God éí Mózes bibee haz'áanii aidiní'áanii jiichįįhgo bínazh'niłtin nít'éé', áádóó t'áá jókeedígíí t'áá ałtso éí aláahgo naat'áanii haidii'aah, háálá haDiyin God Bóhólníihii hak'i dah doolnih.

NEHEMIAH 12:7

Séílu, Éímak, Hilkáíyah índa Jedéíyah daolyé. Díí éí Jéshuwa bíyoołkááłdą́ą́' nááda'iiłniihii áádóó dabik'isóó yiláahgo bídahólnííh nít'éé'.

PSALMS 2:2

Nihokáá'góó aláahgo naat'áanii hasht'e'ádadiilyaa, áádóó Bóhólníihii Diyin God jílíinii índa Ak'ah Bik'i Yadziiziidgo Jíísį́į'ii t'áá bił naat'áanii danilíinii hach'į' nídahididookah biniyé ahidahidiikaigo kódaaní,

JEREMIAH 8:8

Áko ha'át'íí biniyé ádadohní, Dahoniidzą́ągo Bóhólníihii bibee haz'áanii nihił hólǫ́? Nidi shoo, naaltsoos ííł'íní tó bee ak'e'alchíhí doo ákót'éégóó yee ak'e'ashchį́įgo wooch'ííd áyiilaa.

MALACHI 2:7

Náá'iiłniihii éí ił ééhózinii yee yáłti'go doo nahjį' kódooníił da nít'éé' áádóó bee haz'áanii bee diné nazhnitin doo nít'éé', háálá t'áá ałtsoní bee Bóhólníihii binaal'a'í jílį́.

MATTHEW 13:52

Áko ánáábizhdoo'niid, Éí bąą bee haz'áanii yínda'niłtinii t'ááłá'í nítínígo yá'ąąshii bee bóhólníihgo bił haz'áanii yíhooł'aahii silį́į'ii, éí diné léi' kin bee bóhólníhígíí binaalye'é da'ílíinii bitahdóó ádaaniidíii índa t'áá da'ałk'idą́'ígíí ch'íyiiníiłii nahalin.

MATTHEW 2:3

Hérad aláahgo naat'áanii nilíinii díidí yidiizts'ą́ą'go niseeltłah, áádóó Jerúsalemgi kéédahat'íinii ałdó' t'áá ałtso ákódaadzaa,

MATTHEW 2:5

Nít'éé' ádahodííniid, Judíya kéyah hoolyéii biyi' Béthlehemgi lą́ą, háálá kót'éego Diyin God yá halne'ii yee ak'e'ashchį́:

MATTHEW 21:15

Nidi aláahgo nááda'iiłniihii índa bee haz'áanii yínda'niłtinii éí ádahooníiłii ayóó ádaat'éii baa nijiyáhígíí, áádóó kin bii' sohodizin bił haz'ą́ą́ góne' áłchíní, David biYe' nilíinii baa ha'niih doo! daaníigo dadilwoshgo dayiiłtsą́ągo doo bił dahóózhǫǫd da,

MATTHEW 21:23

Nít'éé' kin bii' sohodizin bił haz'ání góne' yah ajííyáago, diné nazhnitingo aláahgo nááda'iiłniihii índa diné yá aląąjį' naazíinii haa yíkaigo ádaaní, Ha'át'íí bee óhólnííh shį́įshą' bik'ehgo díidí baa naniná, áádóó háishą' díí bee óhólnííh neidiní'ą́?

MATTHEW 26:3

Ákohgo aláahgo nááda'iiłniihii [áádóó bee haz'áanii yínda'niłtinii] índa Jew dine'é yá aląąjį' naazíinii éí aláahgo náá'iiłniihii, Kéíyafas wolyéhígíí, bighangi áłah silį́į́',

MATTHEW 26:47

T'ahdii yájíłti'go Júdas, naakits'áadahígíí ła' nilíinii níyá, áádóó aláahgo nááda'iiłniihii índa diné yá aląąjį' naazíinii bits'ą́ą́dóó diné t'óó ahayóí diltłish índa tsihał dayíjáahgo yił haa nánízą́.

MATTHEW 27:1

Abínígo aláahgo nááda'iiłniihii índa diné yá aląąjį' naazíinii Jesus deidiyoołhéełgo yaa nídaast'įįd,

MATTHEW 7:29

háálá naat'áanii ídlį́įgo na'nitinígíigi át'éego naz'neeztą́ą́', bee haz'áanii yínda'niłtinii nahalingo éí dooda.

MARK 8:31

Áko náhozhdíníitą́ą'go áhojiní, Diné Silį́į'ii ts'ídá lą'ígóó ti'hwiidoonih, áko diné yá aląąjį' naazíinii áádóó aláahgo nááda'iiłniihii índa bee haz'áanii yínda'niłtinii doo dahodínóozįįł da, áko hodi'yoolyééł, áádóó táá' yiską́ągo náázhdidoodááł.

LUKE 20:19

T'áá ákwii oolkiłígíí biyi' bee haz'áanii yínda'niłtinii índa aláahgo nááda'iiłniihii hodi'dooltsoł ch'ééh daniizį́į́', nidi diné yéédaaldzid, háálá éí hane' bee ak'idi'dootį́įłii binahjį' bí baa níjít'į́įgo bee hadzoodzíi'go yaa ákodaniizį́į́'.

LUKE 23:10

Áko aláahgo nááda'iiłniihii índa bee haz'áanii yínda'niłtinii t'áá chaałída hak'i dahodii'aahgo naazį́.

JOHN 18:3

Áko Júdas éí aláahgo nááda'iiłniihii índa Férisii danilíinii bits'ą́ą́dę́ę́' siláo índa bindanit'a'í ła' ba'í'nilgo ákwe'é yił yíkai, bee hool'iní nidaadlo'í áádóó honooyééł índa dadeeníinii dayíjáahgo.

JOHN 3:10

Jesus hach'į' hanáánáádzíi'go áhodííniid, Ízrel dine'é nanítin, da' ákoósh díí doo bik'i'diitįįh da?

JOHN 7:32

Áko diné yíl'áhígíí ákót'éego saad bighą́ągo éí Férisii danilíinii deidiizts'ą́ą'go, aláahgo nááda'iiłniihii áádóó Férisii danilíinii éí Jesus deidoołtsoł biniyé siláo adeis'a'.

JOHN 8:3

Nít'éé' bee haz'áanii yínda'niłtinii índa Férisii danilíinii asdzání ła' adiléé lágo yik'ídaaskaigo Jesus yaa deizlóóz, áko diné biníi'gi dah hoosį'go,

ACTS 23:9

Áádóó ayóó át'éego hahodíídláád, áko bee haz'áanii yínda'niłtinii Férisii yich'ijí danilíinii ła' saał nídiijée'go ádaaní, Diné doo bąąhági áát'įįdgóó nihił béédahoozin. Níłch'i nilíinii, éí doodaii' diyingo naal'a'í ła' bich'į' haadzíi'go [haa'íshą' Diyin God t'áadoo bich'į' nideiildzilí doo].

ACTS 4:5

Biiskání diné yinanit'a'í danilíinii áádóó diné yá aląąjį' naazíinii índa bee haz'áanii yínda'niłtinii Jerúsalemgi áłah silį́į́'.

ACTS 6:12

Diné áádóó diné yá aląąjį' naazíinii índa bee haz'áanii yínda'niłtinii yádahóółchįįdgo, hach'į' dah diijée'go dahasił, áádóó diné ándaha'áii bidááhdóó nidahazlóóz,