MATTHEW 2:2 - Navajo Bible

² Háadiyee' Jew dine'é Aláahgo biNanit'a'í yizhchį́? Jó, ha'a'aahdi bisǫ' deiiltsą́, áko bich'į' nidahodiidlaał biniyé niikai.

MATTHEW 2:2 ပူးပေါင်းရင်းမြစ်များ

PSALMS 2:6

Záíyan shidził diyinii bighą́ą́'dóó aláahgo naat'áanii shá nant'áa dooleełii dah biníłdá.

PSALMS 45:11

Áko aláahgo naat'áanii ayóó áníínílninígíí yidánoolníi doo. NiBóhólníihii nilínígíí bąą bich'į' hodíínísin.

ISAIAH 60:3

Áádóó ał'ąą dine'é ne'adinídíinjį' nidookah índa aláahgo naat'áanii danilíinii ne'adinídíín hoonaał jį' nidookah.

JEREMIAH 23:5

Bóhólníihii ání, Jó, bich'į' yoołkááł, David bidine'é ahoolchíiłii éí bits'ą́ą́dóó t'áá ákogi át'éego ats'áoz' a' ła' hadínóoséełgo yidootsoh; éí aláahgo naat'áanii nilį́įgo hóyą́ągo nant'áa doo. Kéyah t'áá náhwiist'ą́ą́ nít'éé' doo haada yit'éégóó áádóó t'áá ákogi át'éego ááníił doo.

JEREMIAH 30:9

nidi Bóhólníihii haDiyin God áádóó aláahgo honanit'a'í David há nábiideesįįłgo bá nidajil'a' doo.

ZECHARIAH 9:9

Záíyan bich'é'é nílíinii, ayóó át'éego nił nihoozhǫǫh; Jerúsalem bich'é'é nílíinii, nił hózhǫ́ǫgo dílwosh. Aláahgo niNanit'a'í ts'ídá t'áá ákogi át'éii índa yisdánídoołtéełgo a'ohgo át'éego índa télii, jó, éí télii yázhí yik'i dah sidáago nich'į' bił yigááł, jó'akon.

NUMBERS 24:17

Yiideestsééł, nidi k'ad éí dooda; dínéesh'įįł, nidi áyídíjį' éí dooda; Jéíkab dine'é bits'ą́ą́dóó Sǫ' hadoogááł índa Ízrel dine'é bits'ą́ą́dóó Naat'á Gish hahodooleeł; éí t'áá ałch'ishjí Mó'ab dine'é atíidoolííł áádóó Sheth dine'é t'áá ałtso iidoołdįįł.

MATTHEW 2:3

Hérad aláahgo naat'áanii nilíinii díidí yidiizts'ą́ą'go niseeltłah, áádóó Jerúsalemgi kéédahat'íinii ałdó' t'áá ałtso ákódaadzaa,

MATTHEW 21:5

Záíyan bich'é'é bił dahołne', Jó'akon, Aláahgo niNanit'a'í nilíinii a'ohgo í'dólzingo télii, Jó, éí télii yázhí yik'i dah sidáago nich'į' bił yigááł.

MATTHEW 27:11

Áádóó nít'éé' Jesus éí naat'áanii bidááhdę́ę́' nizhníyáago nahódééłkidgo ání, Da' niísh Jew dine'é Aláahgo biNanit'a'í nílį́? Áko Jesus áhodííniid, Jó, bee háínídzíí'.

LUKE 19:38

áko ádaaní, Aláahgo Naat'áanii, Bóhólníihii bízhi' bee bi'dójíigo yigáłígíí bik'ihojidlíi doo! Yá'ąąshdi hózhǫ́ǫ doo, índa aghánáhóó'áadi ni'deezlíid doo!

LUKE 2:11

háálá díí jį́ David bikin haal'áhígi Yisdá'iiníiłii nihá yizhchį́, éí Christ Bóhólníihii nilį́.

LUKE 23:3

Áko Páílat, Da' niísh Jew dine'é Aláahgo biNanit'a'í nílį́? hałníigo nahódééłkid. Áko ábizhdííniid, Jó, bee háínídzíí'.

LUKE 23:38

Kót'éego ałdó' [Gríik áádóó Látin índa Hííbrew k'ehjí bee ak'e'alchíhígíí] bee ak'e'ashchį́įgo hak'igi dah yistą́, Díidí Jew dine'é Aláahgo biNanit'a'í nilį́.

JOHN 1:49

Natháneiyel ánááhodoo'niid, Na'nitiní, Diyin God biYe' nílį́į́ lá! Ízrel dine'é Aláahgo biNanit'a'í nílį́į́ lá!

JOHN 12:13

Áko páam bi'iil dayiizti' áádóó hadááh yíkaigo hadadeeshghaazhgo ádaaní, Baa ha'niih doo! Bóhólníihii bízhi' bee bi'dójíigo yigáłígíí, Ízrel dine'é Aláahgo biNanit'a'í nilíinii, bik'ihojidlíi doo!

JOHN 18:37

Páílat ánáádoo'niid, Da' ákoósh aláahgo naat'áanii nílį́? Jesus ánááhodoo'niid, Jó, aláahgo naat'áanii nishłínígíí bee háínídzíí'. Jó, t'áá aaníinii baa hashne' doo biniyé shi'dizhchį́, índa díí biniyé nahasdzáán bikáa'gi níyá. T'áá ádzíłtso t'áá aanííjí dajílíinii éí dashizdiits'a'.

JOHN 19:19

Áko Páílat kót'éego yee ak'e'ashchį́įgo tsin ałnáoszid yąąh dah yiztą́; Jesus Názarethdóó, Jew dine'é Aláahgo biNanit'a'í, níigo bikáá'.

JOHN 20:28

Thomas éí Jesus áyidííniid, ShiBóhólníihii áádóó shiDiyin God!

JOHN 5:23

áko diné t'áá ałtso t'áá aTaa' hoł danilínígi át'éego aYe' hoł danilį́į doo. T'áá háiida aYe' doo hoł nilínígíí éí aTaa' nilíinii biníł'a'ígíí ałdó' doo hoł nilį́į da.

JOHN 9:38

Áko ázhdííniid, Bóhólníihii, k'ad lą́ą ooshdlą́, áko bich'į' nitsizhdinígo'go nahodzisá.

HEBREWS 1:6

Áádóó náá'áłdó', Diyin God éí áłtsé yizhchíinii nahasdzáán yikáa'gi yiníł'a'dą́ą́' ání, Bíni'dii Diyin God bidiyingo nidaal'a'í t'áá ałtso bich'į' nidahałáa doo.

REVELATION 22:16

Shí Jesus nishłíinii da'oodlání áłah nídaadleehii díí hane'ígíí bee bił hodoonih biniyé shidiyingo naal'a'í nihich'į' ííł'a'. David bihétł'óól índa bits'ą́ą́dóó yichíiłii, yikáít'áahjį' sǫ' bits'ádi'nílíidgo haagháahii nishłį́.