MATTHEW 2:18 - Navajo Bible

¹⁸ Réímahgi iinéé' diists'ą́ą́', yínííł yee chanahałe'go áádóó yichago índa ayóó át'éego atíńdindleeh, Réíchel ba'áłchíní náás ahoolchíiłii yaa yicha, ha'íídóolniiłígíí doo yinízin da, háálá áłchíní yę́ę ábi'disdįįd.

MATTHEW 2:18 ပူးပေါင်းရင်းမြစ်များ

GENESIS 37:30

Hak'isóó baa náádzídzáago ábizhdííniid, Ashkii doo áadi da. Áko shíshą' háájí deeshááł?

GENESIS 42:36

Hazhé'é Jéíkab áhodííniid, Sha'áłchíní shighadahisooh'nil. Jóseph éí ádin; Símiyan ałdó' ádin. Áádóó k'ad Bénjamin bił dah náádoohkááh. Díidí t'áá ałtso shik'ijį' daazlį́į́'.

JOB Naaltsoos Biyi' Job Baa Hane'ii 14:10

Nidi diné éí daaztsą́ągo yóó'ábi'diil'įįh, áádóó áadi hodi'niiłdzi'. T'áá aaníí diné haayołgo háadi éí nááhódlǫ́ǫ łeh?

JEREMIAH 31:15

Bóhólníihii kóní, Réímah kin haal'áagi iinéé' diists'ą́ą́'. Yínííł yee chanahałe'go áádóó ayóó át'éego atínídindleeh. Réíchel ba'áłchíní náás ahoolchíiłii yaa yicha, ba'áłchíní biniinaa habidi'yoolníhígíí doo yinízin da, háálá éí ábi'disdįįd.

JEREMIAH 4:31

Asdzání i'niiłchíihgo bił hodiniihígi át'éego yichago awéé' ts'ídá áłtsé yidoołchíiłii k'adę́ę yiłchí nahalingo Záíyan bich'é'é bíká i'doolwołígíí yiniyé dah doolnihgo ch'ééh didziihgo índa yichago da'agháanii bąąh nanííłna' biniinaa dooládó' hojooba' ádíshníi da! níigo diséts'ą́ą́'.

EZEKIEL 2:10

shidáahgi náyoostahgo atínídazhdindleeh dooleełígíí áádóó yínííł dajílį́į dooleełígíí índa ti'dahojooníih dooleełígíí bikáá'dę́ę́' áádóó bine'dę́ę́' bee bik'eda'ashchį́.

MATTHEW 2:17

Éí Diyin God yá halne'ii Jeremáíyah kóníigo yee haadzíí' yę́ę bohoolyaa:

LUKE 8:52

Áko t'áá ałtso at'ééd éí yaa ák'idadiit'aahgo daacha, nidi ábizhdííniid, T'áadoo daahchaí, háálá at'ééd doo daaztsą́ą da, nidi t'óó ałhosh.

REVELATION 8:13

Ákohgo déé'į́į́' nít'éé' diyingo naal'a'í léi' yá ałníi'gi yit'ahgo ayóó íits'a'go áníigo diséts'ą́ą́', nahasdzáán bikáa'gi kéédahat'ínígíí bich'į', Doo hojooba' ájíníi da! doo hojooba' ájíníi da! doo hojooba' ájíníi da! níigo, háálá diyingo nidaal'a'í táa'go k'adę́ę dilní yee ádaaniih.