MATTHEW 2:12 - Navajo Bible

¹² Áádóó na'iigeełgo Hérad baa nínáánóhkááh lágo ho'doo'niidgo, nák'ee'ąągo hakéyahgóó aníjookai.

MATTHEW 2:12 ပူးပေါင်းရင်းမြစ်များ

GENESIS 31:24

Áko Síriya dine'é nilíinii Léíban wolyéii tł'ée'go Diyin God biłee haa honíle'go áhodííniid, Ádaa áhólyą́; t'ááká yá'át'éehgoda, doodaii' nichxǫ́'ígoda Jéíkab bich'į' hawóódziih lágo.

EXODUS 1:17

Nidi asdzání ha'niyóodii Diyin God yidísin, áko Ííjip binanit'a'í hach'į' yee haadzíi'ii t'áadoo bik'ehgo ádziidzaa da, áko ashiiké nidahachíhígíí t'áá dahináago ájiilaa.

DANIEL 2:19

Ákohgo tł'ée'go Daniel bił áhoodzaago éí doo bééhózin da yę́ę bich'į' ííshjání silį́į́', áko Daniel éí Diyin God yá'ąąshdi hólóonii yaa haznih.

MATTHEW 1:20

Nidi díí yaa nitsíkees nít'éé' nayiiyeełgo Bóhólníihii bidiyingo naal'a'í bich'į' yit'íní í'diilyaago ábíłní, Jóseph, David biye' nílíinii, Mary ne'asdzą́ą́ yileehígíí t'áadoo bik'ee nił yé'í, háálá Níłch'i Diyinii bibee adziilii bee iz'niiltsąąd.

MATTHEW 2:13

Áko dah nízhdiikaigo, jó'akon, Jóseph nayiiyeełgo Bóhólníihii bidiyingo naal'a'í bich'į' yit'íní í'diilyaago ábidííniid, Nídiidááh, áádóó ashkii áłts'íísígíí bimá bił ts'ídá tsxį́įłgo Ííjipgóó dohkááh. Nił náhweesh'ne'jį' áadi nihighan doo, háálá Hérad éí ashkii yidiyoołhééł biniyé háidínéeztą́ą́'.

MATTHEW 2:19

Nidi Hérad daaztsą́ą́dóó bik'ijį', jó'akon, Ííjipgi Jóseph nayiiyeełgo Bóhólníhii bidiyingo naal'a'í bich'į' yit'íní í'diilyaago

MATTHEW 2:22

Nít'éé' Judíyagi Arkiléíyas éí bizhé'é Hérad yę́ę bitsásk'ehgi naat'áanii nilį́įgo jíínii'go biniinaa ákǫ́ǫ́ nízhdoo'néłígíí béédzísdzííd, áko baa nináájiisgeelgo honáá'ílnii'go Gálilii kéyahgóó jiníná.

MATTHEW 27:19

Áádóó bikáá'dóó ánihwiit'aahii bikáá'dóó dah dzizdáago, hwe'asdzą́ą́ haa níł'a'go ání, Eii diné t'áá ákogi át'éii ts'ídá t'áadoo baa nánít'íní, háálá abínídą́ą́' biidiiyeelgo yéego bik'ee ti'hwiisénii'.

LUKE 2:26

Áádóó Bóhólníihii biChrist t'áadoo jiiłtséhí anoonééł doo yizdoołtséeł daígíí Níłch'i Diyinii hoł yééhoosįįd.

ACTS 10:22

Áko diné yíkaígíí ádaaní, Korníílyas, siláo neeznádiingo binanit'a'í jílíinii, diné t'áá ákogi ááníiłii índa Diyin God yidísinii jílį́įgo, Jew dine'é t'áá ałtso yá'át'éehgo haa ch'ídahwii'aahii jílį́, t'áá éí diyingo naal'a'í yee hooł'a'ii bik'ehgo haghandi díínáałgo saad nits'ą́ą́dóó jididoots'į́į́ł biniyé níká dah nihizhdiił'a'.

ACTS 4:19

Nidi Peter índa John ázhdííniid, T'áá nihí baa nitsídaahkees, Diyin God yiníł'į́įgo nihíjí nihik'eh dahoniil'į́įgo daats'í yá'át'ééh, doodaii' Diyin God bik'eh honiil'į́įgo daats'í yá'át'ééh.

ACTS 5:29

Nidi Peter áádóó daal'aadii hadaasdzíi'go ádaaní, Diné biláahgo Diyin God ts'ídá bik'eh dahoniil'į́į dooleeł.

I CORINTHIANS 3:19

Háálá nihokáá' dine'é bibee hódzáanii éí Diyin God binááł doo áháyą́ át'é. Diyin God bizaad bee ak'e'ashchíinii ání, Honiidzą́ daznízinii t'áá hó hanahagizígíí bee tsístł'ah jiikáahgo Diyin God áhósin.

HEBREWS 11:7

Nóah hwe'oodlą' bee éí ádahodooníiłii t'ah doo ádahanééhdą́ą́' Diyin God ho'níłnii', áko hozdósingo ha'áłchíní yisdádookah biniyé tsinaa'eeł hasht'ejiilaa. Ákót'éego nihokáá' dine'é bá nihozhní'ą́, áádóó t'áá ákogi át'éii hwe'oodlą' bee shójoost'e'.

HEBREWS 8:5

Éí yindaal'a'go yá'ąąshdi hodiyingo haz'ą́ągi na'al'a'ígíí bida'jił'į́ índa bichaha'oh dajílį́ nahalingo bindajil'a'. Mózes níbaal bii' hodílzinii áyi'niilaa yę́ędą́ą́' Diyin God kóníigo nabineeztą́ą́', Díí t'áá ałtso bik'ehgo ádadíílíłígíí dziłghą́ą'di nich'į' ííshjání áshłaaígíí ts'ídá t'áá éí bik'ehgo baa honíyą́ągo ádadíílííł.