MATTHEW 2:11 - Navajo Bible

¹¹ áko kin góne' yah ajookai nít'éé' ashkii áłts'íísígíí bimá Mary t'áá bił dajiiłtsą́, áko Jesus bich'į' nitsidazdeezgo'go bich'į' nidahodzisá, índa hanaalye'é da'ílíinii ąą ádajiilaago, óola áádóó tsin bijeeh łikání halchinii fránkinsens índa mir wolyéii baa dajiiznil.

MATTHEW 2:11 ပူးပေါင်းရင်းမြစ်များ

GENESIS 43:11

Áko hazhé'é Ízrel áhodííniid, T'áá aaníí t'áá ákót'éego kódaohnééh; kéyahgi aneest'ą' ts'ídá yá'ádaat'éehii nihiyéél dabiyi'go t'áá níík'eh diné bich'į' dadohjááh; éí ch'óh bijeeh áłch'į́į́dígo áádóó tsés'ná bitł'izh áłch'į́į́dígo áádóó jeeh łikání halchinígíí áádóó tłah ílíinii mir wolyéii áádóó neeshch'íí' t'áá ał'ąą ádaat'éii índa álman wolyéhígíí bił dadohjááh.

I KINGS 10:10

Óola neeznádiindóó ba'aan naadiin tálent bíighahgo áádóó spáis wolyéhígíí t'áá íiyisí t'óó ahayóigo índa tsé da'ílíinii aláahgo naat'áanii baazhnínil; díí spáis wolyéhígíí Shííbadóó asdzą́ą́ naat'ááh éí aláahgo naat'áanii Sálaman yeinínilígíí t'áadoo ákónéelą́ą'go baa nááná'nil da.

I KINGS 10:2

Áko diné lą'í áádóó spáis wolyéhígíí áádóó óola índa tsé da'ílíinii ghą́ą́'ask'idii bá deiíłjiidgo Jerúsalemjį' yił níná, áádóó Sálaman yaa níyáago t'áá át'é biyi'di yee nitsíkeesígíí yee yił ahił hoolne'.

PSALMS 2:12

Doo nihich'į' báhodoochįįłígíí biniyé índa deínókááhgóó doo ádadoohdįįł da biniyé biYe' nilíinii t'óó baa ádadiyoht'aah. Diné éí Diyin God yaa deidzólíhígíí t'áá ałtso bił dahózhǫ́.

PSALMS 45:8

Mir áádóó álooz índa káshiya daolyéii łikání dahalchinígíí ni'éé' bąąh dahalchin; aláahgo naat'áanii bikin góne' áívori bee naashch'ąą'ii ákóne' tsin bąąh tł'óół daneelzhee'ígíí dadiits'a'go nił hóóshǫǫd.

PSALMS 72:10

Társhishdóó índa táyi'dę́ę́' kéyah hadaaz'áádóó aláahgo naat'áanii danilíinii hada'iilée doo, Shíibadóó índa Síibadóó aláahgo naat'áanii nilíinii aa yílyáii haidoonił!

PSALMS 72:15

Aláahgo naat'áanii nízaadgóó hináa doo. Shíiba hoolyéédóó óola baa ha'níił doo. T'áá áłahjį' ałdó' bá sohodizin doo, áádóó shá bíighah baa ha'niih doo.

PSALMS 95:6

Haa'íyee', bich'į' yaa ádadii'níiłgo bich'į' nidahodiidlaał, Bóhólníihii ánihiilaii bich'į' nitsidadidiigoh!

EXODUS 30:23

Spáis ts'ídá yá'ádaat'éehii nídidíínił: ak'ah ílíinii mir wolyéii ashdladi neeznádiin shékel bíighahgo áádóó sínaman wolyéego łikání halchinii ashdladi neeznádiin ałníí'dóó; éí naakidi neeznádiindóó ba'aan ashdladiin bíighahgo, áádóó akaz łikání halchinígíí kálamas wolyéii naakidi neeznádiindóó ba'aan ashdladiin bíighahgo

EXODUS 30:34

Áádóó Bóhólníihii éí Mózes áyidííniid, Spáis łikání dahalchinii nídidíínił: éí stáktii wolyéhígíí áádóó ánika wolyéhígíí índa gálbanam wolyéhígíí áádóó tsin bijeeh dilidgo łikání halchinii fránkinsens wolyéii bił t'áá bízhání nídidíínił; t'áá ahidaałt'éego dah dahidiidloh doo,

SONG OF SOLOMON 3:6

Háíyee' níléí honoojíídę́ę́' łid yadaat'i' nahalingo tsin bijeeh łikání halchinii mir áádóó fránkinsens wolyéii índa ádíjihí nidahaniihígíí bee bits'áhoní'áago yigááł.

ISAIAH 60:6

Mídiyan kéyah áádóó Íífah kéyahdę́ę́' ghą́ą́'ask'idii t'óó ahayóí nik'íidoodǫ́ǫ́s; éí Shííba kéyahdę́ę́' t'áá ałtso óola áádóó tsin bijeeh dilidgo łikání halchingo náhániihígíí naa deidooyééł, áádóó Bóhólníihii yaa dahaniihígíí yaa ch'ídahodoo'ááł.

LEVITICUS 6:15

Áko náá'iiłniihii éí ak'áán nááhániihii ak'áán áádóó ak'ah ła' índa tsin bijeeh dilidgo łikání halchinii fránkinsens wolyéii t'áá át'é bóóltą'go bílák'ee hadeezbingo hanéíjihgo bikáá' náá'iiniihí yikáa'jį' néidiłi'go łikání halchingo bee ééhániihii át'éego Bóhólníihii bich'į' nááyiiłniih doo.

MALACHI 1:11

Jó, háá'át' ááhdóó aná'át'áahjį' ał'ąą dine'é bitahgóó shízhi' ayóó át'ée doo. Índa t'áá ałtsogóó tsin bijeeh dilidgo łikání halchinii áádóó nááhániihii chin bąąh ádinii shich'į' náádayiiłniih doo. Háálá ał'ąą dine'é bitahgóó shízhi' ayóó át'ée doo, ní t'áá ałtsoní bee Bóhólníihii.

NUMBERS 7:14

óola łeets'aa' nímazí t'ááłá'ígo shékel wolyéii neeznáá dah hidiidloh bíighahgo éí bii' tsin bijeeh dilidgo łikání halchinii hadeezbingo,

NUMBERS 7:86

Óola łeets'aa' nímazí naakits'áadahgo éí bii' tsin bijeeh dilidgo łikání halchinii hadadeezbingo łá'í ní'ánígo níbaal bii' hodílzingi shékel choo'íinii neeznáá dah hidiidloh; éí óola łeets'aa' nímazí t'áá át'é ahídawóltą'go éí shékel wolyéii t'ááłáhídi neeznádiindóó ba'aan naadiin dah hidiidloh.

MATTHEW 1:18

Jó, kót'éego Jesus Christ ho'dizhchį́. Hamá Mary éí Jóseph yił ahaa doot'ashgo yił aha'deet'ą́, nidi t'ah doo yił ahaít'aashgóó, Níłch'i Diyinii bibee adziilii bee iz'niiltsąądgo bééhoozin.

MATTHEW 12:46

Jesus éí diné áłah nilínígíí t'ah bich'į' yájíłti'go, jó'akon, hamá índa hatsilíké hach'į' hadadiidzih daaníigo tł'óo'di naazį́.

MATTHEW 14:33

Nít'éé' tsinaa'eeł yii' naháaztánígíí hach'į' nitsidadeezgo'go ádaaní, T'áá aaníí Diyin God biYe' nílį́į́ lá.

MATTHEW 2:10

Sǫ' dajiiłtsą́ągo t'áá íiyisí bąą hoł dahóózhǫǫd,

MATTHEW 2:2

Háadiyee' Jew dine'é Aláahgo biNanit'a'í yizhchį́? Jó, ha'a'aahdi bisǫ' deiiltsą́, áko bich'į' nidahodiidlaał biniyé niikai.

LUKE 2:16

Áko tsxį́įłgo ákǫ́ǫ́ jíkaigo, Mary áádóó Jóseph índa awéé' éí béégashii yii' nída'alchoshígíí yii' sitį́įgo bik'íjíkai.

LUKE 2:38

Áko íídą́ą́' ákwe'é jiníyáago Bóhólníihii bich'į' ahéésniizį́į́', áádóó Jerúsalemgi kéédahat'ínígíí yisdádoo'niłgo nidayólíhígíí t'áá ałtso bich'į' awéé' baa nahodzisne'.

JOHN 19:39

Nít'éé' Nikodíímas ałdó' ákwii níyá, éí átséédą́ą́' tł'ée'go Jesus baazhníyáhígíí éí spáis wolyéii łikání halchinii mir áádóó álooz wolyéhígíí ałtaanásdziidgo neeznádiindi daats'í dah adiidlohgo jiníyį́.

REVELATION 19:10

Áko biyaajį' nitsidinígo' bich'į' nahodeeshłaał biniyé, nidi áshidííniid, T'áadoo ánít'íní! Ni áádóó nik'isóó Jesus baa hane'ii dayoodlánígíí yił nidaal'a'í ła' ásht'į́. Diyin God bich'į' nahółá! Háálá Jesus baa hane'ii bee náásgóó ádahodooníiłii bee baa dahojilne'.

REVELATION 5:8

Naaltsoos néidii'ą́ągo, ha'át'íí shį́į́ dahináanii dį́'ígíí índa naadiin dį́į́' hastóí t'ááłá'í nítínígo tsin tł'óół bąąh daneelzhee'go bee nida'a'néii dah dayítįįh, índa óola łeets'aa' biyi'dóó tsin bijeeh dilidgo łikání halchinígíí bii' hadadeezbingo dah dayíkaah, éí Diyin God bidiyį́į́' bisodizin ádaat'éego, éí yił Dibé Yázhí nilíinii bidáahjį' tsé'yaa daneeshjool.

I SAMUEL 10:27

Nidi diné doo yá'ádaashóonii ádadííniid, Hait'éegoshą' díí diné yisdánihidoonił? Áádóó dahojoołxáago bąą t'áadoo hada'iiznil da. Nidi t'áadoo baa nídzíst'įįd da.