MATTHEW 18:3 - Navajo Bible

³ áko ájíní, T'áá aaníígóó ánihidishní, Doo łahgo át'éego dahinohnáágóó índa doo áłchínígi át'éego ída'doołyaagóó, yá'ąąshii bee bóhólníihgo bił haz'áanii ts'ídá doo biih dadoohkah da.

MATTHEW 18:3 ပူးပေါင်းရင်းမြစ်များ

PSALMS 131:2

T'áá aaníí awéé' bimá bi'díít'ódígíí nahalingo hasht'edinisht'éego í'diishyaa; awéé' i'díít'óodgo bi'diilyeelígi át'éego shii' sizíinii hasht'edíít'e'.

ISAIAH 6:10

Díí dine'é bijéí daneelk'ahgo áádóó bijédaakałgo ánílééh índa dabiniiłch'ííł, éí doodaii' dabináá' yee da'iidoołtsééł áádóó dabijaa' yee dadi'doots'į́į́ł índa dabijéí yee ak'idadi'dootį́į́ł, áko shich'į' ninádookahgo náádabidideeshłááł.

MATTHEW 13:15

Háálá díí dine'é bijéí tsézhin nidahalin áádóó jéé'ádahodeeskał, índa daniilch'iil, doodago éí dabináá' yee da'iidoołtsééł, áádóó dabijaa' yee dadi'doots'į́į́ł, índa dabijéí yee ak'idadi'dootį́į́ł, áko shich'į' ninádookahgo náádabidideeshłááł.

MATTHEW 18:2

Nít'éé' áłchíní yázhí ła' hágo bizhdííniidgo, biníi'gi bidziisį',

MATTHEW 18:4

Éí bąą t'áá háiida díí áłchíní yázhígi át'éego a'ohgo ádaa nitsídzíkeesígíí, éí yá'ąąshii bee bóhólníihgo bił haz'áanii biyi'di aláahgo ayóó át'éii jílį́.

MATTHEW 19:14

Nidi Jesus ázhdííniid, Bíni'dii áłchíní shaa hakááh, t'áadoo shich'į' nidanoh'iní, háálá ákódaat'éhígíí yá'ąąshii bee bóhólníihgo bił haz'áanii bíí' ádaat'é.

MATTHEW 19:23

Áko Jesus éí hódahooł'aahii ábizhdííniid, T'áá aaníígóó ánihidishní, Diné at'íinii yá'ąąshii bee bóhólníihgo bił haz'áanii yiih doogáłígíí bá niłdzil.

MATTHEW 5:18

Háálá t'áá aaníí ánihidishní, Yádiłhił índa nahasdzáán bił yóó'ahóóyáajį' t'ááłáhígo dah alzhin áádóó t'ááłáhígo adeesdzo nidi bee haz'áanii bits'ą́ą́dóó doo bił yóó'ahodoogáał da, nidi ałtso bohoolyaago índa.

MATTHEW 5:20

Háálá ánihidishní, Bee haz'áanii yínda'niłtinii áádóó Férisii danilíinii biláahgo ts'ídá t'áá ákogi ádanoht'éego t'éiyá yá'ąąshii bee bóhólníihgo bił haz'áanii biih hidoohkah.

MATTHEW 6:16

Hodílzingo doo adą́ baa naahkaigo diné t'óó ádahodil'į́įgo yínííł yił nidaakaígi át'éego t'áadoo ákódanoht'éhí, éí binii'jį' haa'í lá doo ádayooł'įįł da, hodílzingo doo adą́ yaa naakaígíí éí t'óó diné yee danihiníł'į́ danízingo ádaat'į́. T'áá aaníí ánihidishní, Éí bich'į' nidadoolyéełii t'áá íídą́ą́' bee dahólǫ́.

MATTHEW 6:2

Éí bąą hojooba' ádaat'éii bíká ánánílwo'go diné t'óó áhodil'íinii ádaat'ínígi át'éego dilní t'áadoo ádílą́ąjį' diniłts'a'í. Éí kin bii' áłah nída'adleehgóó índa kintaa aztiingóó diné t'óó baa dahaniih doo biniyé ádaat'į́. T'áá aaníígóó ánihidishní, Éí hach'į' nidadoolyéełii t'áá íídą́ą́' hwee dahazlį́į́'.

MATTHEW 6:5

Áádóó diné t'óó ádahodil'į́įgo sodadilzinígi át'éego t'áadoo sodílziní, háálá éí diné danihiníł'į́į doo, danízingo kin bii' áłah nída'adleehgóó índa kintahgi naańda'aztiingóó naazį́įgo sodadilzingo bił dahoneełni. T'áá aaníí ánihidishní, Éí hach'į' nidadoolyéełii t'áá íídą́ą́' hwee dahazlį́į́'.

MARK 4:12

áko dazhníł'į́į nidi doo deizdoołtséeł da, dazdiits'a' nidi doo bik'idazhdi'dootį́įł da; doodaii' bąąhági ádadziidzaaígíí bits'ą́ąjį' ninázhdookah, áádóó há yóó'anídahididoot'ááł.

LUKE 13:24

Áhoołts'óózígo yah ahóót'i' góne' yah adahidoohkahgi yéego hádaaht'į́, háálá ánihidishní, T'óó ahayóí ákóne' yah adahidookahgi ch'ééh ádeił'į́į doo, nidi doo yídaneel'ą́ą da doo.

LUKE 22:32

Nidi ná sodeeszin, áko ne'oodlą' bee aa dzódlí doo bígééd dííleeł da, áko adíísihígíí bits'ą́ąjį' dah nídinidzáago, nik'isóó dabidziilgo áńdadíídlííł.

JOHN 1:51

Áádóó ánááhodoo'niid, T'áá aaníí, t'áá aaníígóó ándishní, Yádiłhił ąą át'éego, índa Diné Silį́į'ii bich'į' Diyin God bidiyingo nidaal'a'í dego áádóó yaago ałnánákahgo yidííłtsééł.

JOHN 3:3

Jesus áhodííniid, T'áá aaníí, t'áá aaníígóó ándishní, Diné doo náábi'dizhchį́į́góó, Diyin God bee bóhólníihgo bił haz'áanii ts'ídá doo yoołtsééł át'ée da.

JOHN 3:5

Jesus ánááhodoo'niid, T'áá aaníí, t'áá aaníígóó ándishní, Diné éí tó índa Níłch'i Diyinii doo bee nááho'dizhchį́į́góó Diyin God bee bóhólníihgo bił haz'áanii doo biih jóya' át'ée da.

ACTS 14:22

Ákwe'é ídahooł'aahii, Yéego da'iinohdlą́ągo dahinohná, bijiníigo biyahoozhniiłįįhgo bi'oodlą' yee dabidziilgo dah yikahgo ájiilaa, áádóó, Ach'į' nidahwiiłnáanii lą'í bibahididiikahgo Diyin God bee bóhólníihgo bił haz'áanii biih hidiikah, jiníigo bich'į' hadzoodzíí'.

ACTS 28:27

Háálá díí dine'é bijéí daneelk'ah, áádóó jéé'ádahodeeskał, índa daniilch'iil; doodago éí dabináá' yee da'iidoołtsééł, áádóó dabijaa' yee dadi'doots'į́į́ł, índa bijéí yee ak'idadi'dootį́į́ł, áko shich'į' ninádookahgo náádabidideeshłááł.

ACTS 3:19

Éí bąą nihibąąhági ádaat'éii nihá k'ééda'doolchǫǫł biniyé łahgo át'éego tsíńdahidohkeesgo Diyin God bich'į' dah nídahidoohkááh, áko Bóhólníihii bits'ą́ą́dóó bee ák'ééhwiitáadii nihee náhoodleeł doo.

I CORINTHIANS 14:20

Shik'isóó, t'áadoo áłchínígi át'éego nitsídaahkeesí; jó, awée'gi át'éego doo ákǫ́ǫ́ ádaat'éii doo baa ákodanohsin da, nidi hóyáanii k'ehgo nitsídaahkees.

I PETER 2:2

Awéé'chí'í abe' yídin danilínígi át'éego nihí ałdó' Diyin God bizaad abe' chin bąąh ádinii át'éego bídin danohłį́į le'. Éí bee danóohséeh doo.

II PETER 1:11

Áko nihiBóhólníihii Jesus Christ Yisdánihiiníiłii hool'áágóó bee bóhólníihgo bił haz'áanii t'áá íiyisí wózhǫ́ nihá ąą ádoolnííł.