MATTHEW 17:4 - Navajo Bible

⁴ Áko Peter éí Jesus áyidííniid, Bóhólníihii, kwe'é neiikaígíí dooládó' yá'át'éeh da; íinínízin ládą́ą́' kwe'é chaha'oh táa'go nidadii'nił, ła' ni ná, ła' éí Mózes bá, áádóó ła' éí Iiláíjah bá.

MATTHEW 17:4 ပူးပေါင်းရင်းမြစ်များ

PSALMS 16:11

Iiná bá honít'i'ígíí shił bééhózingo áshiinilaa; honílǫ́ǫgi t'áá íiyisí bee ił hózhóonii hólǫ́; ninish'náájí baa honeeninii hólǫ́ǫgo ahóyéel'á.

PSALMS 4:6

Lą'í éí ádaaní, Háísh yá'át'éehii nihił yit'íní íidoolííł? Bóhólníihii, ninii' bits'ádi'nílíidii bee nihik'i diiłdlaad!

ISAIAH 33:17

Aláahgo naat'áanii yee ayóó ánóolninii yidííłtsééł; kéyah doo deeghánídi haz'ánígíí deiníł'į́į doo.

ZECHARIAH 9:17

Dooládó' yee yá'ádaat'éehii áádóó yee danizhóníii ayóó át'ée da! Tł'oh naadą́ą́' bee tsíłkéí dabíiyis dooleeł áádóó wáin ániidíii bee ch'ikéí bízháán nidaakaii dabíiyis dooleeł.

MATTHEW 17:3

Áádóó jó'akon, Mózes índa Iiláíjah éí Jesus yił ałch'į' yádaałti'go dajiiłtsą́.

LUKE 9:33

Ákódzaago diné éí Jesus yits'ą́ą́' dah dii'áazhgo Peter éí Jesus áyidííniid, Bóhólníihii, dooládó' yá'át'éeh da kwe'é neiikaígíí; haa'íshą' chaha'oh táa'go ádadiilnííł, ła' ni ná, ła' Mózes bá, ła' éí Iiláíjah bá, nidi bee hadzoodzí'ígíí doo hoł bééhózingóó ázhdííniid.

JOHN 17:24

ShiTaa', shaa hínínilígíí honishłǫ́ǫdi shił dahólǫ́ǫ le' laanaa nisin, áko bee ayóó ánísht'éii shaa dííní'ánígíí deidoołtsééł, háálá nahasdzáán t'ah doo niit'aahdą́ą́' ayóó'áshííní'ní.

JOHN 7:2

Ákohgo Jew dine'é éí chaha'ohgi hodílzingo áłah nída'ałeeh baa hoolzhiizh.

PHILIPPIANS 1:23

Háálá díí naakigo haz'ánígíí t'áá íiyisí baa nitséskees. Dashdooya'go Christ bił hojílǫ́ǫ laanaa nisin, háálá áájí íiyisí yá'át'ééh.

I John 3:2

Ayóó'ánihósh'níinii, k'ad Diyin God ba'áłchíní daniidlį́. Ádaniit'ée dooleełii t'ah doo bééhózin da nidi, Christ nádzáago t'áá bí át'éhígi ádaniit'é dadiidleełgo nihił béédahózin, háálá ázhnoolninígíí nihił béédahodoozįįł.

REVELATION 21:23

Éí kin haal'áadi jį́honaa'éí, doodaii' tł'éhonaa'éí ádin, háálá Diyin God bee bits'ádi'nílíidii bee adinídíín, áádóó Dibé Yázhí nilíinii bee adinídíinii nilį́.