MATTHEW 17:3 - Navajo Bible

³ Áádóó jó'akon, Mózes índa Iiláíjah éí Jesus yił ałch'į' yádaałti'go dajiiłtsą́.

MATTHEW 17:3 ပူးပေါင်းရင်းမြစ်များ

I KINGS 17:1

Nít'éé' Gíliyad kéyahgi kéédahat'íinii ła' Tíshbeh diné nilį́įgo Iiláíjah éí Éíhab ííłní, Bóhólníihii Ízrel biDiyin God bidááhdóó sézínígíí ts'ídá t'áá aaníí hiná; ákót'éego ts'ídá t'áá aaníí díí deíhááh góne' dahtoo' doo náhádleeh da doo índa doo nahałtin da doo, nidi ádíshnínígíí bik'ehgo t'éiyá.

MALACHI 4:5

Bóhólníihii beiníłką́ądi ayóó át'éego índa bik'ee t'óó ił ahayóigo ha'doo'áłígíí t'ah bítséedi Diyin God yá halne'ii Iiláíjah nihaa deesh'aał, jó'akon.

MATTHEW 17:2

Ákohgo t'áá binááł łahgo ázhnoolningo áho'diilyaa, hanii'jį' jį́honaa'éí nahalingo bits'ádi'nílííd silį́į́', ha'éé' łigaigo bee adinídíín nahalin silį́į́'.

MATTHEW 17:4

Áko Peter éí Jesus áyidííniid, Bóhólníihii, kwe'é neiikaígíí dooládó' yá'át'éeh da; íinínízin ládą́ą́' kwe'é chaha'oh táa'go nidadii'nił, ła' ni ná, ła' éí Mózes bá, áádóó ła' éí Iiláíjah bá.

MARK 9:4

Áádóó Iiláíjah índa Mózes, Jesus yił ałch'į' yádaalti'go dajiiłtsą́.

LUKE 1:17

Iiláíjah yee át'éé nít'éé' yę́ę índa yee bidziil nít'éé' yę́ę bee Bóhólníihii yilą́ąjį' yigáał doo, áko azhé'é danilíinii t'áá bijéí tł'ááhdę́ę́' bada'áłchíní dayoosánígo áńdeidoodliił índa doo ak'eh dahół'íinii éí t'áá ákogi ádaat'éii bibee hódzáanii yik'eh dayíkáahgo áńdeidoodliił. Diné éí Bóhólníihii yiba' hasht'e'ádadólzingo íidoolííł yiniyé doogááł.

LUKE 16:16

Bee haz'áanii Mózes baa deet'áanii índa Diyin God yá dahalne'ii binaaltsoos John níyáhíjį' bee nihoolzhiizh, áádóó wóshdę́ę́' Diyin God bee bóhólníihgo bił haz'áanii baa hane' yá'át'éehii baa hodeezne', áko diné t'ááłá'í nítínígo t'áá bizááká yiih hijeeh.

LUKE 24:27

Áádóó Mózes índa Diyin God yá dahalne'ii binaaltsoos t'áá ałtso t'áá dadeezt'i'dóó, éí t'áá hó áhodi'doolníiłgi Diyin God bizaad bee ak'eda'ashchínígíí t'áá ałtso hazhó'ó yee hoł hoolne'.

LUKE 24:44

Áko ábizhdííniid, Díí saadígíí éí t'ah nihił naashkai yę́ędą́ą́' bee nihich'į' haasdzíí', éí bee haz'áanii Mózes baa deet'áanii áádóó Diyin God yá dahalne'ii índa sin biyi' shí shaa dahalne'go yee ak'eda'ashchínígíí bidahodoolníłígíí át'é.

LUKE 9:33

Ákódzaago diné éí Jesus yits'ą́ą́' dah dii'áazhgo Peter éí Jesus áyidííniid, Bóhólníihii, dooládó' yá'át'éeh da kwe'é neiikaígíí; haa'íshą' chaha'oh táa'go ádadiilnííł, ła' ni ná, ła' Mózes bá, ła' éí Iiláíjah bá, nidi bee hadzoodzí'ígíí doo hoł bééhózingóó ázhdííniid.

JOHN 1:17

Háálá bee haz'áanii éí Mózes binahjį' aa deet'ą́, nidi ajooba' índa t'áá aaníinii éí Jesus Christ binahjį' nihee hazlį́į́'.

DEUTERONOMY 18:18

Shá halne'ii nábidideeshłáałgo t'áá hó hak'isóó bitahdóó nigi át'éii ła' biideesįįł, áko shizaad bizadeeshłéełgo yee hach'į' yáłti' dooígíí éí bee bich'į' hahásdzíi'ii t'éí ííł'į́į doo.

DEUTERONOMY 34:10

Áko Ízrel dine'é bitahgóó Diyin God yá halne'ii t'áá Mózes yę́ęgi át'éii Bóhólníihii yił ahééhólzinii t'áadoo ła' bi'diiltsą́ą da.