MATTHEW 17:2 - Navajo Bible

² Ákohgo t'áá binááł łahgo ázhnoolningo áho'diilyaa, hanii'jį' jį́honaa'éí nahalingo bits'ádi'nílííd silį́į́', ha'éé' łigaigo bee adinídíín nahalin silį́į́'.

MATTHEW 17:2 ပူးပေါင်းရင်းမြစ်များ

PSALMS 104:2

Éé' ák'ídzísti' nahalingo ák'idi'nildíingo ádíí'nílzin; níbaal nahalingo yá ahééhiníkaadgo íinilaa;

SONG OF SOLOMON 6:10

Hayoołkááł nahalingo déez'į́'ígíí háísh át'į́? Ooljéé' nahalingo nizhóní, jį́honaa'éí nahalingo bits'ádi'nídíín, áádóó siláo yinéełii bidah na'at'a'í dah deíłtsóosgo ałkéé' deíkáahgo bik'ee ił ahayóí nahalin.

MATTHEW 17:1

Áko hastą́ą́h yiską́ą́dóó bik'ijį' Jesus, éí Peter áádóó James índa bitsilí John ałdó' dziłghą́ą́'góó t'áá sáhí hajizh'eezh.

MATTHEW 17:3

Áádóó jó'akon, Mózes índa Iiláíjah éí Jesus yił ałch'į' yádaałti'go dajiiłtsą́.

MATTHEW 28:3

Atsiniltł'ish i'diłdla'ígi ánoolnin, áádóó bi'éé' éí yas nahalingo łigai.

MARK 9:3

áko ha'éé' [yasgi át'éego] t'áá íiyisí łigaigo bits'ádi'nílííd silį́į́', nahasdzáán bikáa'gi t'áadoo ákót'éego łigaii ó'óle'í da.

LUKE 9:29

Áko sozdilzingo, hanii'jį' łahgo ánoolningo ályaa, áádóó ha'éé' łigaigo bits'ádi'nílííd silį́į́'.

JOHN 1:14

Saadígíí éí diné dzizlį́į́', áádóó ajooba' áádóó t'áá aaníinii hwii' hadeezbingo nihitahgóó kééhojit'į́į́ nít'éé'; aTaa' nilíinii t'ááłá'í bá yizhchínígíí yee ayóó át'éii bee ayóó ájít'éhígíí daníil'į́į́'.

JOHN 17:24

ShiTaa', shaa hínínilígíí honishłǫ́ǫdi shił dahólǫ́ǫ le' laanaa nisin, áko bee ayóó ánísht'éii shaa dííní'ánígíí deidoołtsééł, háálá nahasdzáán t'ah doo niit'aahdą́ą́' ayóó'áshííní'ní.

ROMANS 12:2

Nihokáá' bił nidahazt'i'ii bik'ehgo t'áadoo dahinohnání, nidi Diyin God nihíni' ániidí ánáyoodlíiłgo łahgo át'éego iiná ániidíii bee dahinohnáa le', áko Diyin God yee íinízinii nihił béédahózin doo. Jó, yee íinízinii éí nihá yá'át'ééh, áádóó t'áá bí bił yá'át'ééh índa hadaałt'éii át'é.

REVELATION 10:1

Nít'éé' náánáła' diyingo naal'a'í ayóó ábóodziilii yá'ąąshdę́ę́' hadahooleełgo yiiłtsą́, k'os yee hadít'éego, nááts'íílid bitsiits'iin binázt'i', binii' éí jį́honaa'éí nahalin, bijáád éí kǫ' náázíinii nahalin.

REVELATION 20:11

Nít'éé' bikáá'dóó nahat'áii ayóo da'át'éego łigai léi' índa yikáá'dóó dah sidáii t'áá bił náánéiłtsą́. Éí nahasdzáán áádóó yádiłhił ts'ídá doo néidooltsééłgóó hats'ą́ą́dóó bił yóó'ahóóyá.