MATTHEW 15:9 - Navajo Bible

⁹ Na'níle'dii shich'į' dahodísin, háálá diné yee nahas'áanii bina'nitin danilį́įgo yee nida'nitin.

MATTHEW 15:9 ပူးပေါင်းရင်းမြစ်များ

PSALMS 39:6

T'áá aaníí, t'áadoo le'é bízhdínéeshyęęzhígíí nahalingo diné hiná! T'áá aaníí, t'áadoo biniyéhígóó doo hasht'edadít'ée da. Diné hasht'e'ni'dii'níił łeh, nidi bíí' dooleełii éí doo bił bééhózin da!

PSALMS 73:13

T'áá aaníí t'áadoo biniyéhígóó shijéí chin bąąh ádingo áshłaa índa t'áadoo bee ádąąh dah hosist'ánígóó shíla' tánínásgis nít'éé'.

EXODUS 20:7

Bóhólníihii niDiyin God bízhi' doo dílzingóó doo ádíílíił da; jó, t'áá háiida Bóhólníihii bízhi' doo dílzingóó ájiilaaígíí bee ádihozhdiilt'i'go Bóhólníihii hak'ijį' yis'ą́ą doo.

ISAIAH 29:13

Áko Bóhólníihii ádííniid, Díí dine'é bizaad t'éí yee áhánígo shaa hakááh, áádóó bizéé' t'éí yee shaa dahaniih, nidi bijéí yee doo shit'áhíjį' nitsídaakees da áádóó dasidósinii éí diné bina'nitin bik'ehgo nidabidi'nitin.

LEVITICUS 26:16

Shí ałdó' kónihideeshłííł: t'óó báhádzidii áádóó ni'iiłganii índa naałniih nihináá' ts'ídá doo da'ooh'į́į da ánihidoolííł áádóó yínííł biih dínóohdah, índa ch'ééh k'ééda'dohdléehgo nihi'ana'í nihaa nahodikai doo.

LEVITICUS 26:20

T'áadoo biniyéhígóó nidaołdzil doo, háálá nihikéyah doo bikáá' na'nit'ą' da doo, doodaii' tsin bineest'ą' doo bąąh nídahadleeh da doo.

MALACHI 3:14

Ádadooniid, T'áadoo biniyéhígóó Diyin God bá nideiil'a'. Bóhólníihii bibik'eh hoogáałii bik'eh dahoniil'į́įgo índa t'áá ałtsoní bee Bóhólníihii binááł yínííł bił deíníikáahgo ha'át'íísh nihaa dadoodił?

MATTHEW 15:10

Áádóó diné yíl'áhígíí hágo bizhdííniidgo ábijiní, Da'íísółts'ą́ą́' áádóó díí bik'ida'doohtįįh:

MARK 7:7

Na'níle'dii shich'į' dahodísin, háálá diné yee nahas'áanii bina'nitin danilį́įgo yee nida'nitin.

I CORINTHIANS 15:2

Éí bee yisdáhóhkááh, hane' yá'át'éehii bee nihił hweeshne'ígíí t'áá dayínóhtą', t'áá hazhó'ó doo t'áá aaníí da'iisoohdląądgóogo éí t'áadoo nánídlíní da.

DEUTERONOMY 12:32

Nihich'į' bee haasdzí'ígíí ádaa daahsįįhgo bida'íínóhsin; doo ła' bíidooh'áał da, doodaii' doo ła' bididooh'áał da.

I TIMOTHY 1:4

Índa, Hane' t'óó ádaalyaii áádóó náás da'ahílchíihii doo ałtso baa hóne' ádaat'éii t'áadoo baa nitsídaahkeesí, bidiníi doo, háálá saad bee na'ídíkidii t'óó náás anoo'ahii át'é, áko Diyin God yee hoo'áałii oodlą́ bee nídidoolyéełgi doo náás ííléeh da.

TITUS 1:14

Áádóó Jew dine'é bahane' t'óó ádaalyaii, índa diné yee nahas'áanii yee t'áá aaníinii doo deinízinii doo dayíists'ą́ą' da doo biniyé ałdó' yéego dadíteh.

HEBREWS 13:9

Ał'ąą át'éego índa doo bééhózingóó na'nitin danilíinii t'áadoo yóó'adanihinii'áhí. Diyin God bee ajooba' hwe'oodlą' bitsxe'go áyiił'įįhjí yá'át'ééh, t'áadoo le'é daadą́ągo bee nida'nitinii t'áadoo yá'át'éehgo hodahideezyįįd da.

JAMES 2:20

Dooládó' diné doo hóyáanii nílíinii, ájooníiłii t'áágééd hwe'oodlą' t'áadoo nánídlíní daígíísh shił bééhodoozįįł nínízin?

REVELATION 22:18

Díí naaltsoos biyi'dóó saad ádahodooníiłii bee baa dahóóne'go dazdiizts'ą́'ígíí t'ááłá'í jinítínígo ho'nishnííh: ła'da saad bíjii'ą́ągo, Diyin God ałdó' díí naaltsoos bii' bee ach'į' nidahwiiłnáanii yaa hoolne'ígíí yee atíhodoolííł.

I SAMUEL 25:21

Íídą́ą́' David ázhdííniid, T'áá aaníí t'áadoo biniyéhígóó honoojíidi díí diné t'áá ałtsoní bá baa áháshyą́ą́ nít'éé', áko t'áadoo bóhoohya'í da. Áádóó díí diné bich'į' yá'át'éhígi íisdzaa nidi doo yá'áshónígi ánáshiidlaa.