MATTHEW 15:4 - Navajo Bible

⁴ Háálá Diyin God ání, Nizhé'é índa nimá nił nilį́įgo íínísin, áádóó, T'áá háiida bizhé'é, doodaii' bimáda yiyíídzí'ígíí, t'áá aaníí hodi'yoolyééł, níigo yee has'ą́.

MATTHEW 15:4 ပူးပေါင်းရင်းမြစ်များ

EXODUS 20:12

Nizhé'é índa nimá nił nilį́įgo íínísin; Bóhólníihii niDiyin God éí kéyah nihaiidee'aahígíí bikáa'gi as'ahgóó hinínáa doo.

LEVITICUS 20:9

Háálá t'áá háiida éí hazhé'é, doodaii' hamá dadzódziihígíí ts'ídá hodi'yoolyééł; hazhé'é, doodaii' hamá dzíídzí'ígíí bąą hadił t'áá hó hak'éidoot'ih.

EXODUS 21:17

Áko t'áá háiida hazhé'é, doodaii' hamá jéédzí'ígíí t'áá aaníí hodi'yoolyééł.

DEUTERONOMY 5:16

Nizhé'é índa nimá nił nilį́įgo íínísin; jó, Bóhólníihii niDiyin God ákót'éego nich'į' yee haadzíí', áko as'ahgóó hinínáa doo índa nihá yá'át'éehgo áhooníiłgo Bóhólníihii nihiDiyin God éí kéyah nihaidiní'ánígíí bikáa'gi ákónít'ée doo.

PROVERBS 23:22

Nizhé'é nishchíinii yísíníłts'ą́ą́', áádóó nimá haastihgo t'áadoo ni'íní.

LEVITICUS 19:3

T'áá ánółtso nihimá índa nihizhé'é nihił danilį́į doo, áádóó shiháá'áyį́į́h jį́ hodiyingo ádeínóhsin doo; jó, shí Bóhólníihii nihiDiyin God nishłį́.

MATTHEW 19:19

Nizhé'é índa nimá nił nilį́įgo íínísin, áádóó, T'áá ni ádíí'ní'nínígi át'éego bił kééhót'íinii ayóó'ííní'ní.

EPHESIANS 6:1

Áłchíní danohłíinii, Bóhólníihii binahjį' danihishchíinii bik'eh dahonoł'į́, háálá éí ts'ídá t'áá ákogi é'él'íinii át'é.

PROVERBS 20:20

T'áá háiida bizhé'é, doodaii' bimá yiyíídzíi'go éí bee hool'iní nitsisgo chahałhiłígíí nahalingo hwe'iina' nidoolt'ih.

DEUTERONOMY 27:16

T'áá háiida hazhé'é, doodaii' hamá doo hoł nilíinii hóyée'go há ha'doodzih: áko diné t'áá ałtso ádadidooniił, T'áá ákót'ée doo.

ROMANS 3:31

Ákót'éego da'iiniidlánígíí daats'í binahjį' bee haz'áanii nahjį' kwíilyaa? Ts'ídá dooda lą́ą! Da'iiniidlánígíí binahjį' bee haz'áanii ílį́įgo ádeíníilzin.

PROVERBS 30:17

Diné bizhé'é t'óó yánahałt'i'ii, áádóó bimá doo yik'eh hół'į́į́góó t'óó yi'íinii, éí gáagii hanáá' hadeidiyoonił, áádóó atsáyáázh hanáá' deidooldił.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

ISAIAH 8:20

Bee haz'áanii áádóó yee haadzíi'ii baa ákodanohsin; díí saadígíí doo yik'ehgo yádaałti'góogo, adinídíín bii' ádaadingo biniinaa ákódaaní.

MATTHEW 15:3

Áko ábizhdííniid, Ha'át'íishą' biniyé nihí ałdó' nihi'é'él'į' biniinaa Diyin God yee has'áanii bilááh nidahidołtaał?

MATTHEW 15:5

Nidi nihí ádadohní, T'áá háiida bizhé'é, doodaii' bimáda, T'áá ha'át'íhída bee nihíká adeeshwoł yę́ę éí Diyin God baa deet'ą́, yiłnínígíí,