MATTHEW 15:3 - Navajo Bible

³ Áko ábizhdííniid, Ha'át'íishą' biniyé nihí ałdó' nihi'é'él'į' biniinaa Diyin God yee has'áanii bilááh nidahidołtaał?

MATTHEW 15:3 ပူးပေါင်းရင်းမြစ်များ

MATTHEW 15:2

Ha'át'éegoshą' nídahooł'aahii nihizází yę́ę bi'é'él'į' doo yik'ehgóó ádaat'ée da? Háálá ada'niiyį́įhgo bíla' doo táádeigis da.

MATTHEW 15:4

Háálá Diyin God ání, Nizhé'é índa nimá nił nilį́įgo íínísin, áádóó, T'áá háiida bizhé'é, doodaii' bimáda yiyíídzí'ígíí, t'áá aaníí hodi'yoolyééł, níigo yee has'ą́.

MARK 7:13

Ákót'éego nihí nihi'é'él'į' yił ahoolchíiłii éí bee Diyin God bizaad doo idééłníígóó ádaał'į́. Áádóó ákódaat'éhígíí lą'í baa naahkai.

COLOSSIANS 2:23

Díí bee nahaz'áanii t'áá hó íiznízingo áádóó a'ohgo ájít'é ízh'díl'į́įgo índa hats'íís bich'į' nahojiiłnáago bee nahojiłáhígíí t'óó t'áá aaníí bee hojíyą́ nahojílin, nidi hats'íís yidánoolníinii doo ni'kwííléeh dago biniinaa doo ílį́į da.

COLOSSIANS 2:8

Ła'da nihokáá' dine'é bił ééhózinígíí bik'ehgo ak'i'diitįįhii índa t'áadoo nánídlínígóó anót'ááh nilíinii yee danihółnééh lágo. Jó, nihokáá' dine'é bi'é'él'į' yik'ehgo ádaat'é, índa nihokáá' dine'é binahagha' ałtah áát'eełii yik'ehgo ádaat'é, éí doo Christ yik'ehgóó ádaat'ée da.

TITUS 1:14

Áádóó Jew dine'é bahane' t'óó ádaalyaii, índa diné yee nahas'áanii yee t'áá aaníinii doo deinízinii doo dayíists'ą́ą' da doo biniyé ałdó' yéego dadíteh.