MATTHEW 13:57 - Navajo Bible

⁵⁷ Áko hach'į' doo bił dahóózhǫǫd da. Nidi Jesus áhodííniid, Diyin God yá halne'ii t'áá ałtsogóó diné bił dajílį́, nidi t'áá hakéyahgi índa bił hajííjéé', éí doo bił ajílį́į da.

MATTHEW 13:57 ပူးပေါင်းရင်းမြစ်များ

JOHN 4:44

Háálá Jesus t'áá bí ádííniid, Diyin God yá halne'ii t'áá bí bikéyahgi diné doo bił jílį́į da.

MATTHEW 11:6

Áádóó t'áá háiida doo bił naaki danilį́į́góó shaa nitsídaakeesígíí bik'idahojidlí.

LUKE 4:24

Áko ánááhodoo'niid, T'áá aaníí ánihidishní, Diyin God yá halne'ii doo ła'da t'áá bí bikéyahgi ts'ídá doo hodi'nidzin da.

JOHN 6:61

Nidi Jesus éí hódahooł'aahii doo bił ákódaat'éégóó yaa nídaat'ínígíí doo jidiizts'ą́ą' da nidi hoł bééhoozingo ábizhdííniid, Díí saadísh bik'ee nidaałtal?

ISAIAH 53:3

Diné dahaz'įįdgo doo dahoniizį́į́'góó hats'ą́ąjį' nídaazyiz; diné yínííł jílíinii áádóó yínííł bee ade áhoot'éii hoł bééhózin; doo hanádadéézįįd daígíigi át'éego dahaz'įįd áádóó doo nihił ajílį́į da.

JOHN 6:42

Áko ádadííniid, Da' díísh doo Jesus, Jóseph biye' át'į́į da? Bizhé'é áádóó bimá béédahoniilzin. Ha'át'éegoshą' áko k'ad, Shí yá'ąąshdę́ę́' hadááyá, jiní?

LUKE 7:23

Áádóó t'áá háiida doo bił naaki danilį́į́góó shaa nitsídaakeesígíí éí bik'idahojidlí.

ISAIAH 49:7

Bóhólníihii éí Ízrel yik'é niná'ídláii, biDiyin nilíinii, éí dine'é dabi'íinii áádóó ał'ąą dine'é t'óó baa'ihgo baa nitsídaakeesii índa naat'áanii danilíinii yá naal'a'í nilíinii yich'į' kóní, Aláahgo naat'áanii danilíinii dahwiidoołtsééł áádóó deidoozįįł; naat'áanii danilíinii ałdó' bich'į' nidahodoołaał, háálá Bóhólníihii éí Ízrel dine'é biDiyin nilíinii ba'ahódlí áádóó nándiiłtį́.

ISAIAH 8:14

Áko bine' a'niichéehii nilį́į dooleeł, ákondi Ízrel dine'é t' áá áłah bich'į' tsé yiniinaa dahidigeehii índa tsé yiniinaa ádił ayoolzihii át'ée doo. Áádóó Jerúsalemgi kéédahat'ínígíí bich'į' tł'óół naneesdiz áádóó łoh nidoo'nił.

MARK 6:14

Nít'éé' aláahgo naat'áanii Hérad wolyéhígíí Jesus baa hozdiizts'ą́ą́', háálá t'áá át'éé nít'éé' bízhi' nideezdláád. Áko ání, John Tó Yee Asį́įhii daaztsą́ą́dę́ę́' náádiidzáá lá; éí bąą díí adziil bee ayóó át'éego ádahooníiłii bii' hólǫ́ǫgo yinahjį' áánííł lá.

MARK 6:3

Da' díísh doo kin ííł'íní át'į́į da? Éí Mary biyáázh, James áádóó Jóses áádóó Júdas áádóó Sáíman bínaaí nilíinii, áádóó da' dabideezhíísh doo bił kéédahwiit'į́į da? Áko hach'į' doo bił dahóózhǫǫd da.

MATTHEW 13:58

Áko doo da'oodlą́ą́góó biniinaa ákwe'é áhooníiłii ayóó ádaat'éii doo lą'í baa nijiyáa da.

MARK 6:1

Áádóó Jesus t'áá hó hakéyahgóó dah nízhdiidzá, áádóó hódahooł'aahii hakéé' dah diikai.

MARK 6:4

Áko Jesus áhodííniid, Diyin God yá halne'ii t'áá ałtsogóó diné bił dajílį́, nidi t'áá hakéyahgi áádóó hak'éí índa bił hajííjéé' bitahgi éí doo bił ajílį́į da.