MATTHEW 13:3 - Navajo Bible

³ Nít'éé' kójíníigo lą'ígóó hane' bee ak'idi'dootį́įłii bee bich'į' yájííłti', K'éé'dídléehii léi' álástsii' k'iididooléélgóó ch'íníyá.

MATTHEW 13:3 ပူးပေါင်းရင်းမြစ်များ

PSALMS 49:4

Hódzą́ągo yáti' yínísts'ą́ą' doo; tsin tł'óół bąąh daneelzhee'go bee nida'a'néii bee na'a'néego saad doo bééhózinii hazhó'ó bee nihił hodeeshnih.

PSALMS 78:2

Hane' bee ak'idi'dootį́įłii bee hahideesdzih; ałk'idą́ą́' bee nida'nitinii doo bééhózin da yę́ę bee hadeesdzih;

EZEKIEL 17:2

Diné nílíinii, saad nanil'ingo béédi'dootį́įłii ła' bee handziih, áádóó Ízrel dine'é hane' bee ak'idi'dootį́įłii ła' bee bich'į' handziih;

EZEKIEL 20:49

Nít'éé' ádíshní, Bóhólníihii Diyin God nílíinii! Hane' bee ak'idi'dootį́įłii yaa nahalne' ya', dashiłní.

MICAH 2:4

Éí bijį́ ła'da yéego atínídindleehgo niheel'į́įgo yichago yee nihá nahodoołt'ih kóníigo, Ałtso ásiidįįd; shidine'é daabíi'ii łahgo áyiilaa; dooládó' lá shits'ą́ą́jí hasdlį́į' da! Nihits'ą́ą́jí danilíinii éí nihikédaayah yitaideez'ą́.

HABAKKUK 2:6

Díí t'áá ałtso bee haa hane'go t'óó há nidahałt'i'go ádahodidooniił, Doo hwíí'góó k'ee'ąązhnoołt'į́įłii hach'į' doo hojooba' ájíníi da! Haa nízáágóoshą' ákót'ée doo? Jó, éí t'áá hó ąąh hazdinootsii bee hade áhoot'é íz'dólzin.

MATTHEW 13:4

Áko álástsii' ła' nihiyiiłkaad nít'éé' ła' atiinjį' ahineezdee'. Atiinjį' ahineezdee'ígíí tsídii nidahaast'a'go ałtso yaa nahodeeskai.

MATTHEW 13:53

Ákohgo Jesus, éí hane' bee ak'idi'dootį́įłii ałtso yaa hoolne'go, áádóó dah diiyá,

MATTHEW 22:1

Nít'éé' Jesus kóníigo hane' bee ak'idi'dootį́įłii yee hach'į' hanáánáádzíí',

MATTHEW 24:32

Fig sikaadii binahjį' hane' bee ak'idi'dootį́įłii nihił béédahoozįįh: jó, éí bits'áoz'a' dit'ódí yileeh áádóó índa bit'ąą' néitsohgo k'adę́ę ch'ínáshį́įgo nihił béédahózin łeh.

MARK 12:1

Nít'éé' hane' bee ak'idi'dootį́įłii bee bich'į' ayázh'niiłti'go ájíní, Diné ła' ch'il na'atł'o'ii k'izhdííláago tsé binaa ahénátł'ingo ájiilaa, áádóó ákwii ch'il na'atł'o'ii yiljizh dooleełgi hahodziiznil, índa bikáá'dóó ha'alzídí hajíítł'ingo dego nízaadgóó yaa'áago ájiilaa, áko ch'il na'atł'o'ii yaa ádahalyą́ą dooleełii baa dzisįįdgo náánáła' kéyahgóó ajííyá.

MARK 12:12

Áko hodi'dooltsoł ch'ééh daniizį́į́', nidi diné yíl'áhígíí yéédaaldzid, háálá éí hane' bee ak'idi'dootį́įłii binahjį' bí baa níjít'į́įgo bee hadzoodzíi'go yaa ákodaniizį́į́', áko hats'ą́ąjį' dah dahidiikai áádóó yóó'aheeskai.

MARK 3:23

Áko bee haz'áanii yínda'niłtinii hágo bizhdííniidgo hane' bee ak'idi'dootį́įłii binahjį' ábijiní, Haash yit'éego Séítan t'áá bí ha'ídínóolchééł?

MARK 4:13

Áko Jesus áhodííniid, Da' díí hane' bee ak'idi'dootį́įłiísh t'áadoo bik'ida'dootą́ą da? Ákoshą' haa yit'éego hane' bee ak'idi'dootį́įłii t'áá ałtso bik'idadi'doohtį́į́ł?

MARK 4:33

T'áá yik'ida'dootą́'ígi át'éego hane' bee ak'idi'dootį́įłii lą'í bee diné nazneeztą́ą́';

LUKE 12:41

Peter áhodííniid, Bóhólníihii, da' díí hane' bee ak'idi'dootį́įłiísh nihí nihich'į' bee háínídzíí', diné t'áá ałtso daats'í bich'į'?

LUKE 8:10

ábijiní, Nihí nihich'į'go, Diyin God bee bóhólníihgo bił haz'áanii bee na'nitinii doo bééhózin da yę́ę éí nihił béédahózin dooleełgo nihaa deet'ą́, nidi náádaała'ígíí bich'į' éí hane' bee ak'idi'dootį́įłii bee na'nitinii át'é, áko dazhníł'į́į nidi doo deizdoołtséeł da, dazdiits'a' nidi doo bik'i'dazhdi'dootį́įł da.

JOHN 16:25

Díí t'áá ałtso hane' bee ak'idi'dootį́įłii binahjį' nihich'į' hahásdzíí', nidi bich'į' hoolzhish, hane' bee ak'idi'dootį́įłii binahjį' doo nihich'į' hanáádeesdzih da, nidi t'áá bééhózínígo aTaa' bee nihił hodeeshnih.