MATTHEW 11:4 - Navajo Bible

⁴ Áko Jesus hach'į' haadzíi'go áhodííniid, Nihílááh nídóhkááh, áádóó dadoohts'a'ígíí índa daah'ínígíí bee John bił dahodoołnih,

MATTHEW 11:4 ပူးပေါင်းရင်းမြစ်များ

MATTHEW 11:3

Jesus ábijiní, Da' niísh, Doogááł, hodoo'niidę́ę ánít'į́, éí doodago náánáła' daats'í bíká dadíit'į́į' doo?

MATTHEW 11:5

doo da' oo'ínígíí da'oo'į́ áńdaalne', áádóó nida'niłhodígíí nidaakai áńdaalne', łóód ats'íís yiyáanii naałdzidii bee bąąh dah nidahaz'ánígíí hadaałt'é áńdaalne', áádóó bijédaakałígíí da'diits'a' áńdaalne', áádóó daneeznánígíí nááhidiiljeeh, índa badahojoobá'ígíí hane' yá'át'éehii bee bił dahane', dabidohní.

MATTHEW 15:30

Nít'éé' diné t'óó ahayóí haa haaskai, ła' nida'niłhod, ła' doo da'oo'į́į da, ła' doo yádaałti' da, ła' bąąh dah nidahaz'ą́, áádóó náádaała' ka nidaakaígíí lą'í yił haa haaskaigo hayaajį' nidayiizhjaa', áko náádabizhdiyiisá,

MATTHEW 21:14

Nít'éé' diné doo da'oo'ínígíí índa nida'niłhodígíí kin bii' sohodizin bił haz'ą́ągi haa haaskaigo, náádahizhdiyiisá.

MATTHEW 8:3

Áko Jesus k'ídeesníi'go hodeelchid kóníigo, Íinisin lą́ą; łóód nąąh óodįįh. T'áá áko łóód ats'íís yiyáanii naałdzidii yę́ę hąąh ásdįįd.

JOHN 14:11

ATaa' bii' honishłǫ́ǫgo áádóó aTaa' shii' hólǫ́ǫgo dashiinohdlą́; éí doodago naanish ááshłíłígíí binahjį' dashiinohdlą́.

JOHN 5:36

Nidi John yee shaa nahalne'ígíí biláahdi ayóó át'éego bee shaa nááháne'ii hólǫ́, háálá naanish ła' dadeeshłíiłgo biniyé aTaa' sheidiní'ánígíí, ts'ídá t'áá díí naanish baa naasháhígíí, t'áá éí aTaa' shiníł'a'go shaa dahalne'.