MATTHEW 10:2 - Navajo Bible

² Áko naakits'áadahgo daal'aadii éí kódaolyé: áłtséhígíí Sáíman, éí Peter wolyéhígíí, áádóó yił háá'áázh Andrew; Zébedii biye'ké, James índa yił háá'áázh John;

MATTHEW 10:2 ပူးပေါင်းရင်းမြစ်များ

MATTHEW 17:1

Áko hastą́ą́h yiską́ą́dóó bik'ijį' Jesus, éí Peter áádóó James índa bitsilí John ałdó' dziłghą́ą́'góó t'áá sáhí hajizh'eezh.

MATTHEW 20:20

Nít'éé' Zébedii biye'ké bimá yił haa yíkaigo t'áadoo le'é yíídóokił biniyé Jesus yich'į' nitsidinígo'.

MATTHEW 26:37

Áko Peter índa Zébedii biye' nidilt'éego bił dashdiikai, nít'éé' t'áá íiyisí yíní biih jíítłizh áádóó nitsidzídzá.

MATTHEW 4:18

Áko Gálilii be'ek'id bąąhgóó joogááł, nít'éé' diné t'áá ła' háá'áazhgo, ła' Sáíman éí Peter wolyéhígíí, áádóó bitsilí Andrew, łóó' bee hahaltsósí taah yiłtsóosgo jiiłtsą́, háálá éí łóó' hayiileehí nilį́.

MATTHEW 4:21

Áádóó dah náázdiidzáago Zébedii biye'ké t'áá ła' háá'áazhii nilį́įgo, éí James áádóó bitsilí John, bizhé'é Zébedii tsinaa'eeł biyi' yił naháaztą́ągo łóó' bee hadahaltsósí hasht'éédeidle'go jiiłtsą́, áádóó hágo bizhdííniid.

MARK 1:29

T'áá áko kin bii' áłah ná'ádleehídóó dashdiikai, áko Sáíman índa Andrew bighan góne' James índa John bił yah ajookai.

MARK 13:3

Nít'éé' Dził Álivz binániidi kin bii' sohodizin binaashiijí dzineezdáago, Peter áádóó James áádóó John índa Andrew t'áá sáhí nidahódééłkidgo ádaaní,

MARK 6:30

Áádóó dajool'aadígíí t'áá ádzíłtso Jesus baa náádziiskaigo ádajíít'įįdígíí índa bee nidaz'neeztą́'ígíí t'áá ałtso Jesus bee bił dahojoolne'.

LUKE 11:49

Éí bąą Diyin God bibee hódzáanii ałdó' ádííniid, Diyin God yá dahalne'ii índa daal'aadii hach'į' dadeesh'aał, ła' nidazdoołtsił, áádóó ła' éí atídazhdoolííł,

LUKE 22:14

Áádóó áajį' ahoolzhiizhgo daal'aadii bił bikáá' adání bich'į' dasdineezbin.

LUKE 22:8

Áko Jesus éí Peter índa John ayííł'a'go ííłní, Nihílááh, atis'adeesdzá bee bééhániihgo yidánígíí dadiidį́į́ł biniyé hasht'edoohłííł.

LUKE 5:10

James índa John éí Zébedii biye'ké nilį́įgo, Sáíman yił ałch'odaa'níhígíí ałdó' ákódaadzaa. Áádóó Jesus éí Sáíman áyidííniid, T'áadoo bik'ee nił yé'í; kodóó náásgóó diné niłnée doo.

LUKE 9:10

Áko daal'aadii nákaigo, ádáát'įįdígíí yee hoł dahoolne'. Áko dashdii'eezhgo Bethséyida hoolyéego kin haal'áhígíí bit'áahjį' t'áá sáhí bił jíkai.

JOHN 12:22

Áko Philip éí Andrew yaa níyáago yee yił hoolne', áádóó Andrew índa Philip éí Jesus yaa ní'áazhgo yee yił nááhoolne'.

JOHN 13:23

Áko Jesus hódahooł'aahii ła', ayóó'ájó'nínígíí, hayid yíniiłtį́,

JOHN 20:2

Áko dashdiilwodgo, Sáíman Peter áádóó ła' íhooł'aahii, Jesus ayóó'ábó'nínígíí, baa jílwodgo ábizhdííniid, Tséní'ootsééldóó Bóhólníihii nihits'ą́ą́' yóó'adeistį́į́ lá, áko nideistį́įdi doo nihił béédahózin da.

JOHN 21:2

Ákwii Sáíman Peter, áádóó Thomas, éí Naakií hodi'nínígíí, áádóó Natháneiyel éí Kéínadę́ę́' naagháhígíí, éí kéyah Gálilii biyi'dóó, áádóó Zébedii biye' nidilt'éego, índa ła' Jesus bíhooł'aahii nidilt'éego bił ahíjiikai.

JOHN 21:20

Áko Peter nídzízyiz, nít'éé' íhooł'aahii Jesus ayóó'ábó'nínígíí hakéé' yigáałgo jiiłtsą́, éí da'jííyą́ą́ nít'é'ígi Jesus biyid binahjį' dziztį́įgo, Bóhólníihii, háishą' ninándidoo'ááł? bizhdííniidii.

JOHN 21:24

Díí íhooł'aahii haa hwiinít'ínígíí hoł bééhózingo baa hojilne', áádóó t'áá hó díidíígíí bee ak'e'jishchį́, áko baa hojilne'ígíí éí t'áá aaníigo nihił béédahózin.

JOHN 6:67

Áko Jesus éí naakits'áadahígíí bich'į' hadzoodzíi'go ábizhdííniid, Da' nihíísh ałdó' shits'ádoohjah?

JOHN 6:70

Jesus ánááhodoo'niid, Da' shíísh doo naakits'áadah nołt'éego nánihidiinil da, nidi ła' níłch'i bi'iiníziinii nohłį́?

JOHN 6:71

Éí Sáíman, Iskáriyat biye' nilíinii, Júdas ábijiní, háálá t'áá éí nináhodidoo'ááł, éí naakits'áadahígíí ła' atah nilį́.

JOHN 6:8

Nít'éé' hódahooł'aahii ła' Andrew, Sáíman Peter yił háá'ázhígíí, áhodííniid,

ACTS 1:13

Ákwii níjíkaigo, ná'ádeídi nidzíiztání góne' yah aníjookai, éí díí ádaat'į́, Peter áádóó John áádóó James áádóó Andrew, Philip áádóó Thomas, Barthálemew áádóó Matthew, James éidí Alfíyas biye', áádóó Sáíman Zélat yolyéhígíí índa Júdas éí James yił háá'áázh nilínígíí.

ACTS 1:26

Áko nídidooltéełii biniyé yáá'iilt'e' ádajiilaa, nít'éé' Matháíyas nídiiltį́, áko éí daal'aadii ła'ts'áadahígíí bił ho'déélta'.

ACTS 12:2

Áko Hérad bizaad k'ehgo John bínaaí James diltłish bee seesyį́.

ACTS 3:1

Łah yaa adeez'ą́ągo sohodizin baa hoolzhiizhgo Peter áádóó John éí kin bii' sohodizin bił haz'ą́ą́ góde joo'ash.

I CORINTHIANS 15:7

Ákóne' James bich'į' yit'íní ízh'diilyaa, náá'ákóne' daal'aadii t'áá ałtso bich'į' yit'íní ínáázh'diilyaa.

EPHESIANS 4:11

Áko ła' daal'aadii dadooleeł, ła' Diyin God yá dahalne' doo, ła' hane' yá'át'éehii yaa dahalne' doo, ła' da'oodlání yá naazį́ dadooleeł, áádóó ła' na'nitiní danilį́į doogo Christ hataideez'ą́.

HEBREWS 3:1

Éí bąą shik'isóó, Diyin God bidiyį́į́' danohłíinii, yá'ąąshdę́ę́' atah nihíká áhodoo'niidii, Christ Jesus hazhó'ó baa nitsídaahkees, éí na'nitin woodláanii bihidiikaígíí yiniyé yil'aadii índa yá aláahgo náá'iiłniihii nilį́.

I PETER 1:1

Shí Peter, Jesus Christ yá yil'aadii nishłíinii. Pántas, Galéíshiya, Kapadóshiya, Éízha, índa Bithíniyagóoda tabidi'nooskaadgo áadi dé'éyóní danilį́įgo kéédahat'íinii bich'į' naaltsoos áshłééh.

II PETER 1:1

Shí Sáíman Peter, Jesus Christ yá naal'a'í áádóó yá yil'aadii nishłíinii, NihiDiyin God áádóó Yisdánihiiníiłii Jesus Christ yee ts'ídá t'áá ákogi át'éii bee, t'áá nihí da'iiniidlánígi át'éego oodlą' bee aa hodzódlí ílíinii shódayoost'e'ii bich'į' naaltsoos áshłééh.

II JOHN 1:1

Da'oodlání yá aląąjį' sizíinii nishłį́įgo, asdzání éí Diyin God ats'ábiníłtíinii ba'áłchíní t'áá bił t'áá aaníinii binahjį' ayóó'óósh'níinii bich'į' naaltsoos áshłééh. Doo t'áá shí t'éiyá ayóó'ádanihósh'níi da, nidi t'áá aaníinii bił béédahózinii ałdó' t'áá ałtso ayóó'ádanihó'ní,

III JOHN 1:1

Da'oodlání yá aląąjį' sizíinii nishłį́įgo, Géíyas ayóó'óó'níinii, t'áá aaníinii binahjį' ayóó'óósh'níigo, bich'į' naaltsoos áshłééh.

REVELATION 1:1

T'óó hodíínáá'ígo ádahodooníiłii Jesus Christ bá nidaal'a'í yich'į' íidoolííł biniyé Diyin God bił yit'íní áyiilaa, áádóó John éí Christ bá naal'a'í jílíinii hach'į' bidiyingo naal'a'í yiníł'a'go hoł yit'íní áyiilaa.

REVELATION 1:9

Shí John, nihínaaí nishłíinii, Jesus bił łá'í daniidlį́įgo ti'hoo'nííh áádóó aláahgo bee bóhólníihgo bił haz'áanii índa nízaadgóó ha'ahóní nihił ałts'ą́ą́' da'nisk'iiz. Diyin God bizaad baa hashne'go índa Jesus bá hashne'go biniinaa táyi'dę́ę́' kéyah háá'áago Pátmos hoolyéedi nishi'deeltį́.

REVELATION 18:20

Yá'ąąshii nílíinii, Diyin God bidiyį́į́' danohłíinii, daal'aadii danohłíinii índa Diyin God bá dahołne'ii baa nihił dahózhǫ́ǫ le'! Háálá Diyin God nihá hainíst'įįdgo há nihoní'ą́!

REVELATION 22:8

Díí yidiizts'ą́'ígíí áádóó yiyiiłtsánígíí éí shí John ásht'į́. Áko díí dasidéts'ą́ą'go áádóó deiłtsą́ągo diyingo naal'a'í díidí shił ííshją́ą́ áyiilaii bich'į' nahodeeshłaał biniyé biyaajį' nitsidinígo'.