LUKE 9:8 - Navajo Bible

⁸ ła' éí ádaaní, Iiláíjah yę́ę nádzáá lá, áádóó náádaała' éí, Ałk'idą́ą́' Diyin God yá dahalne'ii yę́ę ła' daaztsą́ą́dę́ę́' náádiidzáago át'į́į́ lá, náádadi'ní.

LUKE 9:8 ပူးပေါင်းရင်းမြစ်များ

MATTHEW 16:14

Áko ádadííniid, Ła' éí John Tó Yee Asį́įhii yę́ę át'į́, daniłní, ła' éí Iiláíjah, náánáła' éí Jeremáíyah, éí náádoodago Diyin God yá dahalne'ii yę́ę ła' át'į́, daniłní.

MATTHEW 17:10

Áko hódahooł'aahii kódaaníigo nidahódééłkid, Ákoshą' ha'át'íí biniyé bee haz'áanii yínda'niłtinii éí Iiláíjah áłtsé doogááł daaní?

MARK 6:15

Náánáła' ádaaní, Iiláíjah át'į́. Náánáła' ánáádadi'ní, Ałk'idą́ą́' Diyin God yá dahalne'ii yę́ęgi át'éego ła' Diyin God yá halne'ii át'į́į́ lá.

MARK 8:28

Áko hoł dahoolne'go ádaaní, Ła' John Tó Yee Asį́įhii yę́ę át'į́; náánáła' éí Iiláíjah yę́ę át'į́, nidi náánáła' éí Diyin God yá halne'ii yę́ę ła' át'į́, daaní.

LUKE 9:19

Áko hoł dahoolne'go ádaaní, John Tó Yee Asį́įhii yę́ę át'į́, nidi ła' éí, Iiláíjah át'į́, daaní; náánáła' éiyá, Ałk'idą́ą́' Diyin God yá dahalne'ii yę́ę ła' daaztsą́ą́dę́ę́' náádiidzáago át'į́, daaní.

JOHN 1:21

Áko nináádahódééłkid, Ákoshą' háí ánít'į́? Da' Iiláíjahásh ánít'į́? Áko ázhdííniid, Doo éí ásht'į́į da. Áádóó nináádahódééłkidgo ádaaní, Diyin God yá halne'ii yígháhígíí, éí daats'í ánít'į́? Áko, Dooda, náázhdoo'niid.