LUKE 9:2 - Navajo Bible

² índa Diyin God bee bóhólníihgo bił haz'áanii baa dahojilne' doo biniyé, áádóó hadaałt'é áńdazh'doodlííł ałdó' biniyé adziis'a'.

LUKE 9:2 ပူးပေါင်းရင်းမြစ်များ

MATTHEW 10:5

Jesus kóníigo díí diné naakits'áadahgoígíí ayiis'a', Doo Jew dine'é danilíinii t'ááká bitahjį' dadohkááh yíila', áádóó Samériya dine'é ła' bikin haal'áajį' dadohkááh lágo,

MATTHEW 13:19

T'áá háiida yá'ąąshii bee bóhólníihgo bił haz'áanii saad baa hozhdiits'į́į́h, nidi doo bik'izh'diitįįhgóó, bąąhági át'éii nilíinii yigháahgo, hajéí biyi' saad k'idoolyáhígíí hááyii'nííł; éí atiinjį' ahineezdee'ígíí ájít'į́.

MATTHEW 24:14

Áádóó yá'ąąshii bee bóhólníihgo bił haz'áanii baa Hane' Yá'át'éehii nahasdzáán nidahonees'ą́ą́góó, ał'ąą dine'é t'áá ałtso bee hwéédahodoozįįł biniyé bee hoł dahodoonih, áko áadi índa nihodoogááł.

MATTHEW 3:2

Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MARK 16:15

Áko ábizhdííniid, Nihílááh, nahasdzáán nidanees'ą́ąjį' diné t'áá át'é hane' yá'át'éehii bee bił dahołne'.

MARK 6:12

Áko dashdiikaigo, Diné danohłíinii, łahgo át'éego tsíńdahidohkeesgo nihibąąhági ádaat'éii bits'áhóhkááh, dajiníigo nidahodzisne'.

LUKE 10:1

Áádóó bik'ijį' Bóhólníihii éí diné náánáła' tsosts'idiin yilt'éego néidiinil. Áko kin hadaas'áágóó índa kin naazhjaa'góó k'adę́ę dashdiigháahgo naaki níláago álą́ąjį' ajiis'a'.

LUKE 10:11

Nihikintahdóó łeezh nihikee' bee łibá daazlį́'ígíí nihik'ijį' ádąąh deiildééh, ákondi díí nihił béédahózin le', Diyin God bee bóhólníihgo bił haz'áanii bee nihaa honíyá.

LUKE 10:9

ákwe'é bitah doo dahats'ídígíí hadaałt'é áńdaahdle'go, Diyin God bee bóhólníihgo bił haz'áanii bee nihaa honíyá, dabidohní.

LUKE 16:16

Bee haz'áanii Mózes baa deet'áanii índa Diyin God yá dahalne'ii binaaltsoos John níyáhíjį' bee nihoolzhiizh, áádóó wóshdę́ę́' Diyin God bee bóhólníihgo bił haz'áanii baa hane' yá'át'éehii baa hodeezne', áko diné t'ááłá'í nítínígo t'áá bizááká yiih hijeeh.

LUKE 9:11

Diné t'óó ahayóí éí bił béédahoozingo, hakéé' yíkai, áko baa hoł hózhǫ́ǫgo Diyin God bee bóhólníihgo bił haz'áanii bee bich'į' hadzoodzíí', áádóó hadaałt'é nídeeshdleeł danízinígíí éí hadaałt'é áńdajiidlaa.