LUKE 9:1 - Navajo Bible

¹ Áko naakits'áadahígíí áłah ájiilaago níłch'i bi'iiníziinii t'áá ałtso ayi'dę́ę́' hadeiniiłkaad doo biniyé, índa bąąh nidahałniihii doo át'éhí da áńdeidle' doo biniyé bee adziilii áádóó bee óhólnííh bitaazdeez'ą́,

LUKE 9:1 ပူးပေါင်းရင်းမြစ်များ

MATTHEW 16:19

Yá'ąąshii bee bóhólníihgo bił haz'ą́ągi bee ąą ńdítį́hí naa deeshnił, áko ha'át'íhída nahasdzáán bikáa'gi doo bee a'dííní'ánígíí, t'áá éí yá'ąąshdi doo bee a'deet'ą́ą da doo, índa ha'át'íida nahasdzáán bikáa'gi bee a'dííní' ánígíí, t'áá éí yá'ąąshdi bee a'deet'ą́ą dooleeł.

MATTHEW 4:24

Áko Síriya kéyah biyi'góó t'áá át'éé nít'éé' bee haa ha'niihígíí dadideezdláád, áádóó ka nidaakaígíí t'áá ałtso t'áá da'níł'ąą ádaat'éego bąąh dah nahaz'ánígíí áádóó dadiniihígíí índa níłch'i bi'iiníziinii biyi' dahólónígíí, áádóó tsi'nídadikahígíí índa bitah doo nidahwii'nánígíí haa dayiizhjaa'go hadaałt'é áńdajiidlaa.

MATTHEW 8:9

Háálá shí ałdó' shinanit'a'í hólǫ́, áádóó siláo binanit'a'í nishłį́, áko ła', Ákǫ́ǫ́ díínááł, bidishniihgo dah diighááh, náánáła', Hágo, bidishniihgo shaa yighááh, áádóó shinaalte', Kónínééh, bidishniihgo t'áá áko éí yi'iił'įįh.

LUKE 10:1

Áádóó bik'ijį' Bóhólníihii éí diné náánáła' tsosts'idiin yilt'éego néidiinil. Áko kin hadaas'áágóó índa kin naazhjaa'góó k'adę́ę dashdiigháahgo naaki níláago álą́ąjį' ajiis'a'.

LUKE 10:19

Jó'akon, tł'iish índa séígo' bik'i naałdeeh doo biniyé bee óhólnííh nihaa diní'ą́, áádóó ana'í bibee adziilii t'áá át'é bee nihídahólníih doo biniyé nihaa diní'ą́, áko ts'ídá t'áadoo atídanihidoolíłí da.

JOHN 14:12

T'áá aaníí, t'áá aaníígóó ánihidishní, T'áá háiida shijoodlą́ągo sheijólíhígíí éí díí naanish ááshłíłígíí hó ałdó' ájoolíił doo, áádóó díí naanish ááshłíłígíí biláahdi ádaat'éii ájoolíił doo, háálá shiTaa' bich'į' déyá, éí bąą.

ACTS 1:8

Nidi nihí Níłch'i Diyinii nihik'i hoole'go bee adziilii nihee dahodooleeł, áko Jerúsalemgi, índa Judíyagi t'áá át'éé nít'éé' áádóó Samériyagi, índa nahasdzáán nidanees'ą́ą́góó shá dahołne' dooleeł.

ACTS 3:16

Áko díí diné danół'ínígíí áádóó béédahonohsinígíí Jesus bízhi' bee adziilii bee bidziilgo ánábi'diilyaa, áko t'áá ánółtso nihinááł Jesus woodlą́ągo baa dzódlíhígíí bee díí diné doo bąąh tééhgóó ánábi'diilyaa.

ACTS 4:30

hadaałt'é ní'doodleeł biniyé k'íhidílnííh, áádóó nibee adziilii bee béédahózinii índa bik'ee t'óó ił ahayóigo ádahooníiłii diyingo ná naal'a'í Jesus bízhi' bee ádanile'.

ACTS 9:34

Áko Peter áhodííniid, Iiníyas, Jesus Christ náánidiisá; nídiidáahgo nitsásk'eh hasht'éénídlééh. T'áá áko náhizhdiitah.