LUKE 8:8 - Navajo Bible

⁸ Náánáła' éí łeezh yá'át'éehjį' ahineezdee'go dadínéesą́, áko bineest'ą' dahazlį́į'go neeznádiindi bilááh nídaasdlį́į́'. Kót'éego baa nídzíst'įįdgo yéego hadzoodzíi'go ájíní, T'áá hajaa' hólǫ́ǫgo azdiits'a'ígíí háni' ajíists'ą́ą́'.

LUKE 8:8 ပူးပေါင်းရင်းမြစ်များ

GENESIS 26:12

Áízak éí kéyah yikáá' k'i'díílá, áko t'áá éí yihahígíí biyi' neeznádiindi ánánéelą́ą'go há bilááh násdlį́į́', áádóó Bóhólníihii hak'ijisdli'.

PROVERBS 20:12

Ajaa' adiits'a'ii índa anáá' oo'íinii éí t'áá áłah Bóhólníihii ábiilaa.

PROVERBS 8:1

Hódzą́ éí dilwosh. Bee ak'i'diitįįhii éí nahwiiniih. T'áá aaníí ya'?

JEREMIAH 13:15

Da'íísółts'ą́ą́', nihijaa' dadóoł'á áádóó t'áadoo ádaa dahoh'niihí, háálá Bóhólníihii haadzíí'.

JEREMIAH 25:4

Bóhólníihii bá nidaal'a'ii t'áá ałtso Diyin God yá dahalne'ii danilíinii nihich'į' ałnááyiis'aad, nidi t'áadoo da'íísóołts'ą́ą' da, índa da'íídóołts'įįł biniyé t'áadoo bíká dah dadínóoht'ą́ą da.

MATTHEW 11:15

T'áá hajaa' hólǫ́ǫgo azdiits'a'ígíí háni' ajíists'ą́ą́'.

MATTHEW 13:23

Índa łeezh yá'át'éehii biyi'jį' ahineezdee'ígíí, éí saad jidiits'a'go bik'izhdi'yiitįįhígíí ájít'į́; éí t'áá aaníí honeest'ą' haleehgo, ła' neeznádiindi, ła' hastą́diindi, ła' tádiindi bilááh ninádahadleeh.

MARK 4:20

Nidi łeezh yá'át'éehii biih hineezdee'ígíí éí saad deidiits'į́įhgo nídeidiyiilééh, áádóó bineest'ą' dahaleehgo ła' tádiindi, ła' hastą́diindi, ła' neeznádiindi bilááh ninádahadleeh.

MARK 4:23

Diné ła'da hajaa' hólǫ́ǫgo azdiits'a'ígíí éí háni' ajíists'ą́ą́'.

MARK 4:8

Índa náánáła' łeezh yá'át'éehjį' ahineezdee'go dadínéesą́ą́dóó nidahineesą́ągo bineest'ą' dahazlį́į́', ła' tádiindi, ła' hastą́diindi, ła' neeznádiindi bilááh nídaasdlį́į́'.

MARK 7:16

[Diné ła'da hajaa' hólǫ́ǫgo azdiits'a'ígíí háni' ajíists'ą́ą́'.]

LUKE 14:35

Ákót'įįhgo dá'ák'eh biniyé da'alį́į́' bichaan deesk'idii bitah doojih nidi, t'áadoo yee choo'íní da, áko éí diné t'óó yóó'iiłka'. T'áá hajaa' hólǫ́ǫgo azdiits'a'ígíí, háni' ajíists'ą́ą́'.

LUKE 8:15

Índa łeezh yá'át'éehjį' ahineezdee'ígíí éí saad deidiizts'ą́ą'go dabijéí t'áá aaníinii áádóó yá'ádaat'éehii yee saad dayótą', áádóó ha'ahóní bee bineest'ą' bąąh nídahoodleeł.

LUKE 8:7

Áádóó náánáła' ch'il dadeeníinii bitahgóó ahineezdee', áko ch'il dadeeníinii bilááh daneesą́ągo ałtso bííghą́ą́'.

EPHESIANS 2:10

Háálá Diyin God ánihijiilaii niidlį́. Christ bee yá'át'éehgo ádeii'níił doo biniyé ánihijiilaago éí baa nideiikai dooleełii t'áá bítséedi nihá binahodziz'ą́.

COLOSSIANS 1:10

Bóhólníihii bą́ą́h da'nohłį́įgo t'áá ałtsojį' bił dahonohshǫ́ǫgo dayínóhkáah dooígíí, áádóó naanish yá'ádaat'éehii t'áá ałtso bee nihits'ą́ą́dóó aneest'ą' nidahwiileeh dooígíí, índa Diyin God béédahonohsingo bee náás danóohséeh dooleełígíí nihá bíká sodiilzin.

REVELATION 13:9

T'áá háiida daz'diits'a'ii háni'dii ajíists'ą́ą́'!

REVELATION 2:11

T'áá háiida daz'diits'a'ii éí Níłch'i Diyinii da'oodlání áłah nídaadleehii kwííłníigo yee yił halne'ígíí háni'dii dajíists'ą́ą́'! T'áá ak'eh deesdlį́'ígíí naakidi ná'ní'néhígíí doo bidééłníi da doo.

REVELATION 2:7

T'áá háiida daz'diits'a'ii Níłch'i Diyinii éí da'oodlání áłah nídaadleehii kwííłníigo yee yił halne'ígíí háni'dii dajíists'ą́ą́'! T'áá ak'eh deesdlį́'ígíí Diyin God bikéyah hózhónígi iiná tsin sikaadii bąąhdóó adooyį́įłgo baa dideesh'ááł.

REVELATION 3:13

T'áá háiida daz'diits'a'ii Níłch'i Diyinii éí da'oodlání áłah nídaadleehii kwííłníigo yee yił halne'ígíí háni'dii dajíists'ą́ą́'.

REVELATION 3:6

T'áá háiida daz'diits'a'ii Níłch'i Diyinii éí da'oodlání áłah nídaadleehii kwííłníigo yee yił halne'ígíí háni'dii dajíists'ą́ą́'.