LUKE 8:52 - Navajo Bible

⁵² Áko t'áá ałtso at'ééd éí yaa ák'idadiit'aahgo daacha, nidi ábizhdííniid, T'áadoo daahchaí, háálá at'ééd doo daaztsą́ą da, nidi t'óó ałhosh.

LUKE 8:52 ပူးပေါင်းရင်းမြစ်များ

GENESIS 23:2

Ákohgo Kírjath-árbagi t'áá ákwe'é Hííbran hoolyé; Kéínan kéyah biyi'gi Sárah daaztsą́, áko Éíbraham atínízhdindleehgo áá jiníyáago Sárah baa jííchah.

II SAMUEL 18:33

Nít'éé' aláahgo naat'áanii t'áá íiyisí bidiisnáa'go yah a'atiin bighą́ą'di haz'ą́ą́ góne' yah ííyáago yicha, áko ákóde yigáałgo ání, Aháláane', shiye' Ábsalam nílíinii, shiye', shiye' Ábsalam nílíinii, shígoyee' ná dadeestsaał nít'éé'; aháláane', Ábsalam shiye' nílíinii, shiye' nílíinii.

EXODUS 24:17

Áko Bóhólníihii bee bits'ádi'nílídígíí dził bílátahdi kǫ' naanídoonałgo Ízrel dine'é éí deiníł'į́.

ZECHARIAH 12:10

Áko David ba'áłchíní ahoolchíiłii índa Jerúsalemgi kéédahat'íinii níłch'i jooba'ii áádóó ná'ookąąhii baa dideesh'ááł, ákohgo shaa adashiizhii dashidínóoł'įįłgo t'áá hazhó'ó t'ááłá'í aye' nilíinii baa atínáhodindleehígi át'éego yaa yínííł danilį́į doo, áádóó alą́ąjį' yizhchíinii daaztsą́ągo baa atínáhodindleehgo bizhé'é yéego baa yichaígi át'éego yéego yaa daacha doo.

MATTHEW 11:17

Tsin bee í'dílzoołí bee nihá nidasii'ne', nidi doo da'oołzhiizh da; nihich'į' atídadiniidlį́į́', nidi nihí t'áadoo atídasidinoohdlį́į' da.

LUKE 23:27

Nít'éé' diné t'óó ahayóí áádóó asdzání éí Jesus yaa ák'idadiit'aahgo daachago Jesus yikéé' nánízą́.

LUKE 23:48

Áko diné áłah daazlį́į'ii, áhóót'įįdígíí dayiiłtsą́ągo, biyid nídeineests'ingo anáhaaskai.

LUKE 8:51

Áádóó Jéí'iras bighandi jiníyáago, diné náánáła' doo bił yah azhdookahgóó bee hojiił'a', t'áá hazhó'ó Peter áádóó James áádóó John índa at'ééd bizhé'é áádóó bimá t'éiyá.

LUKE 8:53

Áko daaztsą́ągo bił béédahózingo t'óó haa daadloh.

JOHN 11:4

Jesus éí yidiizts'ą́ą'go ádííniid, Díí da'atsaahígíí doo bik'ee da'dootsaał da, nidi Diyin God ayóó át'éii bee bééhodoozįįłígíí biniyé át'é, áko Diyin God biYe' t'áá éí bee ayóó ájít'éego áhodi'doolnííł ałdó' biniyé át'é.