LUKE 8:3 - Navajo Bible

³ áádóó Joána éí Kúza, Hérad bikin yaa áhályáanii be'asdzą́ą́, áádóó Suzána, índa sáanii náádaała' éí binaalye'é yee háká anájahígíí ałdó' hoł tádookai.

LUKE 8:3 ပူးပေါင်းရင်းမြစ်များ

I CHRONICLES 29:14

Nidi shíshą' éí ha'át'íí nishłį́ áádóó shidine'éshą' ha'át'íí ádaat'į́įgo t'áá nihí ádeiniidzingo kót'éego ada'iyee'nil? Háálá t'áá ałtsoní nits'ą́ą́dę́ę́' hólǫ́ áádóó t'áá níi'ii naa nídahii'nil.

ISAIAH 23:18

Áádóó binaalye'é éí Bóhólníihii baa náhidit'aah doo; baa hadeełígíí doo hasht'e'niyiiníił da doo, nidi éí Bóhólníihii yá nidaal'a'ígíí chodayooł'į́įgo yik'é da'ayą́ą doo, índa yee hadadít'ée doo.

MATTHEW 14:1

Áko íídą́ą́' Hérad, naat'áaniishchíín jílíinii, Jesus baa hozdiizts'ą́ą'go

MATTHEW 14:3

Háálá Hérad éí hatsilí Philip be'asdzą́ą́ Heródiyas wolyéii biniinaa John jiiłtsood, áko be'dziztł'ǫ́ǫgo awáalyaa góne' yah ajííłt'e'.

MATTHEW 14:6

Nidi Hérad bi'dizhchį́į́ yę́ęjį' anáhoolzhiizhgo, áłah silį́'ígíí binááł Heródiyas bich'é'é oolzhiizhgo Hérad yił hóóshǫǫd,

MATTHEW 2:11

áko kin góne' yah ajookai nít'éé' ashkii áłts'íísígíí bimá Mary t'áá bił dajiiłtsą́, áko Jesus bich'į' nitsidazdeezgo'go bich'į' nidahodzisá, índa hanaalye'é da'ílíinii ąą ádajiilaago, óola áádóó tsin bijeeh łikání halchinii fránkinsens índa mir wolyéii baa dajiiznil.

MATTHEW 20:8

Áádóó i'íí'ą́ągo, ch'il na'atł'o'ii bee bóhólníihii éí bik'ehgo na'anishígíí ííłní, Nidaalnishí hágo bidiní, áádóó bich'į' nidi'yíílééł, akée'di dadeeshnishígíí éí áłtsé, índa áłtsé dadeeshnishígíí éí akéédę́ę́'.

MATTHEW 25:40

Áádóó Aláahgo Naat'áanii hach'į' t'ą́ą́' háádoodzihgo áhodidooniił, T'áá aaníí ánihidishní, Díí shik'is ła' ts'ídá hojooba' ádaat'éii bá baa nidasoohkaígíí, éí shí shá baa nidasoohkai.

MATTHEW 26:11

Háálá badahojoobá'íígíí t'áá áłahjį' nihitaa daakai, nidi shí éí doo t'áá áłahjį' nihitaasháa da.

MATTHEW 27:55

Ákwe'é ałdó' asdzání lą'í nízaadę́ę́' dadéez'į́į'go naazį́, éí Gáliliidę́ę́' Jesus yá nidaal'a'go yikéé' yíkai;

LUKE 24:10

Jó, Mary Mágdaliin áádóó Joána áádóó Mary, James bimá, índa sáanii náádaała', díí áhoodzaaígíí daal'aadii bee bił dahojoolne',

JOHN 12:6

Díí hadzoodzí'ígíí doo t'áá aaníí badahojoobá'íígíí baa nitsídzíkeesgo hadzoodzíi' da, háálá ani'įįhii jílį́, jó, béeso bizis niji'áago, béeso yiih dayiiníłígíí jini'įįh.

ACTS 13:1

Áko Ántiyak hoolyéegi da'oodlání áłah nádleehii bitahgi Diyin God yá dahalne'ii índa nida'nitiní hólǫ́ǫ́ lá, éí díí ádaat'į́, Bárnabas áádóó Símiyan, éí Náíjer yolyéhígíí, índa Sairíiniidę́ę́' Lúshiyas, áádóó Mánayen, Hérad naat'áaniishchíín bił bidi'neeszánígíí índa Saul.

II CORINTHIANS 8:9

Háálá nihiBóhólníihii Jesus Christ bibee ajooba' nihił béédahózin, jó, éí azhą́ at'į́į nidi, bahojoobá'í silį́į́', háálá nihá bahojoobá'í silį́'ígíí binahjį' nihí da'dooht'įįł.

PHILIPPIANS 4:22

Diyin God bidiyį́į́' t'áá ałtso k'é danihiłní, Síízar, aláahgo naat'áanii bighandóóígíí íiyisí ákódaaní.

I TIMOTHY 5:10

Yá'át'éehgo ájoonííł ha'níigo haa hane'go, ha'áłchíní yá'át'éehgo hizniséego, ha'ałk'ee nídaakahígíí bich'į' hoł ílį́įgo, Diyin God bidiyį́į́' bikee' bá tánínádzígis áádóó bich'į' nidahwii'náanii bíká aníjílwo'go, índa naanish yá'ádaat'éehii t'áá ałtso baa nijigháago t'éiyá atah házhi' ádoolnííł.