LUKE 7:9 - Navajo Bible

⁹ Áko Jesus díidí yidiizts'ą́ą'go hak'ee t'óó bił ahóóyóí, áádóó názyizgo diné bikéé' nooyéłígíí áyidííniid, Ánihidishní, Oodlą́ bee aa dzódlí kót'éii Ízrel dine'é bitahgi nidi t'ah doo ła' bik'ínísháah da.

LUKE 7:9 ပူးပေါင်းရင်းမြစ်များ

MATTHEW 15:28

Áko Jesus ánáázhdoo'niid, Asdzání, dooládó' ne'oodlą' bee a'íínílíii ayóó át'éé lá! T'áá íinínízinígíí bik'ehgo ná ádoonííł. T'áá áko bich'é'é náábi'diilzá.

MATTHEW 8:10

Áko Jesus éí yidiizts'ą́ą'go t'óó bił ahóóyóí, áádóó bikéé' nidaakaígíí áyidííniid, T'áá aaníí ánihidishní, Oodlą́ ayóó át'éii Ízrel dine'é bitahgi nidi, t'ah doo kót'éii bik'ínísháah da.

MATTHEW 9:33

Áko níłch'i bi'iiníziinii hanoolchą́ą'go, diné doo yáłti' da yę́ę yáłti' silį́į́', áko diné áłah nilínígíí kódaaníigo t'óó bił adahayóí, Ízrel dine'é bitahgi t'ah doo ákóhánéehgo yiiltséeh da.

LUKE 7:10

Áádóó siláo yinanit'a'í éí yiyííł'aadígíí hooghangi nákai, nít'éé' éí naal'a'í yá'át'ééh násdlį́į́' lá.

LUKE 7:50

Áko asdzání éí áyidííniid, Ne'oodlą' bee aa dzíínílíii yisdánííłtį́; nił hózhǫ́ǫgo náádááł.

LUKE 7:8

Háálá shí ałdó' shinanit'a'í hólǫ́, áádóó siláo binanit'a'í nishłį́, áko ła', Ákǫ́ǫ́ díínááł, bidishniihgo dah diighááh; náánáła', Hágo, bidishniihgo shaa yighááh, áádóó shinaalte', Kónínééh, bidishniihgo t'áá áko éí áyiił'įįh.