LUKE 7:8 - Navajo Bible

⁸ Háálá shí ałdó' shinanit'a'í hólǫ́, áádóó siláo binanit'a'í nishłį́, áko ła', Ákǫ́ǫ́ díínááł, bidishniihgo dah diighááh; náánáła', Hágo, bidishniihgo shaa yighááh, áádóó shinaalte', Kónínééh, bidishniihgo t'áá áko éí áyiił'įįh.

LUKE 7:8 ပူးပေါင်းရင်းမြစ်များ

LUKE 7:7

áádóó t'áadoosti'ee doo nidááh deesháał da nidi. T'óó saad bee handziih, áko shá naal'a'í náádidoodááł.

LUKE 7:9

Áko Jesus díidí yidiizts'ą́ą'go hak'ee t'óó bił ahóóyóí, áádóó názyizgo diné bikéé' nooyéłígíí áyidííniid, Ánihidishní, Oodlą́ bee aa dzódlí kót'éii Ízrel dine'é bitahgi nidi t'ah doo ła' bik'ínísháah da.

ACTS 23:17

Áko Paul éí siláo binanit'a'í ła' hágo yidííniidgo ííłní, Díí dinééh siláo aląąjį' binanit'a'í bił baa díí'ash, háálá t'áadoo le'é yee yił hodoolnih.

ACTS 23:23

Áádóó siláo neeznádiingo binanit'a'í naaki hágo yidííniidgo ííłní, Siláo naakidi neeznádiin, áádóó siláo łį́į́' nidabiyéhígíí tsosts'idiingo, índa tsiidétáán nideijaahii naakidi neeznádiingo, hózhǫ́ hiłiijį́į'go Sesaríyajį' doonééł biniyé hasht'eohłééh.

ACTS 23:26

Shí Kládiyas Lísiyas nishłíinii, Fííliks naat'áanii ił nílíinii k'é nidishní.

ACTS 23:31

Ákohgo siláo t'áá bee bich'į' ha'oodzíí' yę́ęgi át'éego, tł'ée'go Paul yił dah diikaigo Antípatris hoolyéegi yił níná.

ACTS 24:23

Áádóó Fííliks éí siláo neeznádiingo binanit'a'í áyidííniid, Paul baa áhólyą́, áádóó bíni'dii t'áá bí nízingóó nahaltsaadgo dabich'oonéhígíí bá nidaal'a' doo biniyé baa nídaakahígíí t'áadoo bits'ą́ąjį' kóníł'íní.

ACTS 25:26

Nidi íiyisí bee haa ch'íhodeesh'áałgo shinanit'a'í bee bich'į' ak'e'deeshchíiłii éí t'áá ádin. Éí bąągo nihidááhdę́ę́' nihonílóóz, Agrípa aláahgo naat'áanii nílíinii, ni íiyisí nidááhdę́ę́' nihonílóóz, áko nidahódéelkidóó bik'ijį' bééhózingo bee ak'e'deeshchíiłii hólǫ́ǫ doo.

COLOSSIANS 3:22

Naalte' danohłíinii, nihokáa'gi nihinanit'a'í t'áá ałtsojį' bik'eh dahonoł'į́. T'óó bináałgo bił hóshǫ́ t'éiyá biniyé ádaaht'į́įgo éí dooda, nidi nihijéí tł'ááhdę́ę́' Bóhólníihii dadíínóhsingo nihinanit'a'í bik'eh dahonoł'į́.