LUKE 7:7 - Navajo Bible

⁷ áádóó t'áadoosti'ee doo nidááh deesháał da nidi. T'óó saad bee handziih, áko shá naal'a'í náádidoodááł.

LUKE 7:7 ပူးပေါင်းရင်းမြစ်များ

PSALMS 107:20

Hane' yich'į' áyiilaago hadaałt'é áńdayiidlaa áádóó áho'niidįįd yę́ę bits'ą́ąjį' yisdáhóónil.

PSALMS 33:9

Háálá t'óó hadzoodzíi'go bohoolyaa, áádóó hadzoodzíi'go nahasdzáán niilts'id.

EXODUS 15:26

kóníigo, Bóhólníihii nihiDiyin God biinéé' hazhó'ó deísółts'ą́ą'go áádóó yá'át'éehgo binááł ádaahníiłgo, áádóó bibik' eh ó'oo'níiłii índa yee nihwiiz'áanii t'áá ałtso deísółts'ą́ą'go bik'eh dahonoł'į́įgo naałniih éí Ííjip dine'é bik'ijį' kóshłaaígíí doo ła' nihik'ijį' kódeeshłíił da, háálá shí, Bóhólníihii hadaałt'é ánánihoodlíiłii nishłį́.

MARK 1:27

Áádóó t'áá ádzíłtso t'óó hoł adahayóigo nida'ahízhdílkidgo ádajiní, Díí lá ha'át'íí át'é? Jó, na'nitin ániidíii át'é! Níłch'i danchxǫ́'í nidi bee óhólnííh yee yich'į' hahadziihgo bik'eh dahół'į́.

LUKE 4:36

Áko t'áá ádzíłtso t'óó hoł adahayóigo áda'ahizhdi'ní, Díí saadígíishą' ha'át'íí át'é? Háálá bee óhólníihii índa bee adziilii bee níłch'i danchxǫ́'íii yich'į' hahadziihgo diné biyi'dę́ę́' hahaazhjéé'!

LUKE 5:13

Áko Jesus k'ídeesníi'go hodeelchidgo áháłní, Íinisin lą́ą; łóód nąąh óodįįh. T'áá áko łóód ats'íís yiyáanii naałdzidii hąąh ásdįįd.

LUKE 7:6

Áko Jesus yił dah diikai. Bighan t'áá áyídí hadziihgo, siláo binanit'a'í bik'isóó ła' hach'į' ayííł'a'go áháłní, Bóhólníihii shaa wóóya' lágo, háálá shighan góne' shił yah adíínáałgi doo bą́ą́h nishłį́į da,

LUKE 7:8

Háálá shí ałdó' shinanit'a'í hólǫ́, áádóó siláo binanit'a'í nishłį́, áko ła', Ákǫ́ǫ́ díínááł, bidishniihgo dah diighááh; náánáła', Hágo, bidishniihgo shaa yighááh, áádóó shinaalte', Kónínééh, bidishniihgo t'áá áko éí áyiił'įįh.

DEUTERONOMY 32:39

K'ad shí t'éí Diyin God nishłį́įgo shaa ákodanoohsįįh; diyin shíká análwo'ii doo ła' hólǫ́ǫ da; na'astseed áádóó hinááh áda'ashłe'; tída'dishłe' áádóó ná'ásdziih; doo nidi ła' shílák'eedóó háázhdoołtéełgo bízhneel'ání da.

I SAMUEL 2:6

Bóhólníihii na'ałtseed áádóó hinááh áńda'adle'; jishcháa'jį' i'iiłnííh áádóó jishcháá'dę́ę́' náá'di'yiiłjeeh.