LUKE 7:41 - Navajo Bible

⁴¹ Jesus áhodííniid, Béeso a'iiníiłii léi' diné nidilt'éego yąąh hayííł'á; ła' ashdladi neeznádiin denériyas, náánáła' éí ashdladiin.

LUKE 7:41 ပူးပေါင်းရင်းမြစ်များ

ISAIAH 50:1

Bóhólníihii kóní, Nihimá yóó'adíí'áanii háadish binaaltsoos bik'ehgo ałts'á'iit'aashii siłtsooz? Shąąh hayííł'áii bich'į' nanihiyíłnii'ígíí háísh éí át'į́? Jó, doo ákwii ádaot'įįdii biniinaa nida'ádiyoołnii' índa bee haz'áanii dahooti'ii biniinaa nihimá yóó'abi'doot'ą́.

JEREMIAH 3:11

Bóhólníihii áshíłní, Ízrel dine'é t'ą́ą́' anáhátłíishii éí Júdah dine'é doo bazh'dí'nóodlíí át'éii yiláahgo t'áá ákogi át'éego í'diilyaa.

NUMBERS 27:3

Nihizhé'é yę́ę honoojíidi ádin; éí Kórah yił ahíikaigo Bóhólníihii yich'į' nidaalteeh nít'é'ígíí doo yił naakai da nít'éé', nidi t'áá bí ádił ni'iisíihgo daaztsą́, áko biye'ké éí t'áadoo hazlį́į' da.

MATTHEW 18:28

Nidi t'áá éí naal'a'í ch'íníyáago yił nidaal'a'ígíí ła' neeznádiin denériyas yąąh hayííł'áhígíí yik'íníyá, áko éí yisiłgo kóníigo yizák'íidiiníihgo yaa nídiidzá, Nąąh hááł'áhígíí shá niná'nídlé, yiłní.

MATTHEW 6:12

Áádóó t'áá nihich'į' bąąhági ádaaníiłii bá yóó'adahidiit'aahígi át'éego nich'į' nida'ayiilzíhígíí nihá yóó'ahidí'aah.

MARK 6:37

Nidi ábijiní, T'áá nihí bada'nołtsóód. Áko ádahałní, Dah didiikahgo daats'í denériyas naakidi neeznádiin bíighahgo bááh nidahidiilnihgo nihá deidooyį́į́ł?

LUKE 11:4

Áádóó nich'į' nida'ayiilzíhígíí nihá yóó'anáhidí'aah, háálá t'áá nihí nihich'į' bąąhági ádaaníiłii t'áá ałtso bá yóó'anídahidiit'aah, áádóó nihí hodínóotahjį' nihi'óółnííh lágo, [nidi bąąhági át'éii bits'ą́ąjį' yisdánihiyínííł].

LUKE 12:48

Nidi binanit'a'í íinízinii doo bił bééhózinii, éí biniinaa nídí'nóolghałii doo áyiilaagóó, éí doo yéego nídí'nóolghał da. T'áá háiida t'óó ahayóí baa deet'ánígíí éí t'óó ahayóí bínéídóokił, áádóó t'áá háiida t'óó ahayóí baiszįįdígíí éí t'ah aláhídi ánéelą́ą'go bínéídóokił.

LUKE 13:4

Doodaii' da' tseebííts'áadah yilt'éego Sailóomgi dego nízaadgóó astł'ingo ya'ii'áhígíí bik'iiłdáazgo nabistseedii, da' éísh Jerúsalemgi kéédahat'ínígíí t'áá ałtso yiláahgo bąąhági ádaadzaa danohsin?

LUKE 7:40

Áádóó Jesus haadzíi'go áhodííniid, Sáíman, bee nich'į' hadeesdzihii hólǫ́. Áko ádííniid, Ha'át'íishą', Na'nitiní?

LUKE 7:47

Éí bąą ándishní, Habąąhági át'éii t'óó ahayóígíí há yóó'anídoot'ą́ągo bąą, t'áá íiyisí ayóó'í'jó'ní, nidi t'áá háiida a'ohgo há yóó'anídoot'ánígíí, t'áá éí a'ohgo í'jó'ní.

ROMANS 3:23

Jó, diné t'áá ádzíłtso ádił nida'dziisdzíí', áko Diyin God yee ayóó át'éii bi'oh dahizhnil'ąąh.

ROMANS 5:20

Diyin God bibee haz'áanii diné yeidiní'ą́, áko éí binahjį' bąąhági ádaat'ínígíí bił nibéédahwiizįįh, ákondi bąąhági ádaat'į́įgo hoolzhish nidi, t'ah náábíláahgo Diyin God baa joozba'.