LUKE 7:30 - Navajo Bible

³⁰ nidi Férisii danilíinii índa bee haz'áanii yínda'niłtinii éí Diyin God binahat'a' doo ádá deinidzin dago biniinaa, John tó yee dabidoosį́łígíí doo deinízin da nít'éé'.

LUKE 7:30 ပူးပေါင်းရင်းမြစ်များ

PROVERBS 1:25

Bee nanihinishtinii t'áadoo nánídlínígóó baa nitsídasookééz, áádóó nihich'ahoshishkéhígíí doo danoozį́į' da.

JEREMIAH 8:8

Áko ha'át'íí biniyé ádadohní, Dahoniidzą́ągo Bóhólníihii bibee haz'áanii nihił hólǫ́? Nidi shoo, naaltsoos ííł'íní tó bee ak'e'alchíhí doo ákót'éégóó yee ak'e'ashchį́įgo wooch'ííd áyiilaa.

MATTHEW 22:35

Áko ła', bee haz'áanii yik'eh hoo'į́įgo yína'niłtiní nilį́į́ léi' háka'iiłhilgo nahódééłkid,

LUKE 13:34

Jerúsalem, Jerúsalem nílíinii, Diyin God yá dahalne'ii naniłtseedii, áádóó nich'į' nídabi'dil'aahígíí bił nidziyíłne'ii! T'áá naa'ahóóhai bit'a' biyaa góne' biyázhí anéí'niłígi át'éego haadashą' néelą́ą'di na'áłchíní áłah ánéishdlaa doo nít'éé', nidi éí doo danohsin da!

LUKE 20:6

Doodaléi', Diné bits'ą́ą́dóó, dadii'niidgo la', diné t'áá yíl'áá nít'éé' nihił nidazdiyoołniił, háálá John éí t'áá aaníí Diyin God yá halne'ii nilį́į́ nít'éé' dayó'ní.

LUKE 7:31

Bóhólníihii ání, K'ad diné ahoolchíłígíishą' ha'át'íí bił ahąąh nideeshniłgo binahjį' baa hodeeshnih, áádóó ha'át'íishą' nidahalin?

ACTS 20:27

háálá Diyin God binahat'a' t'áadoo nihits'ąą nanéł'į́į' da, nidi t'áá át'é bee nihił nahosisne'.

ROMANS 10:21

Nidi Ízrel dine'é ááhyiłníigo ánáádoo'niid, Diné doo ak'eh dahół'íinii áádóó bízhą́ da'ílíinii shá bíighah shíla' t'áá ałch'ishjí bee bich'į' dah deeshnih nít'éé'.

II CORINTHIANS 6:1

Áko Diyin God bił neiilnishii Diyin God bibee ajooba' t'áadoo biniyéhígóó t'áadoo nídahidoohłéhí nihidii'níigo nánihiikąąh,

GALATIANS 2:21

Diyin God bibee ajooba' doo nahjį' kóshłéeh da, háálá bee haz'áanii éí Diyin God binááł diné ts'ídá t'áá ákogi ádaat'é ádeiile'go t'áadoo biniyéhígóó Christ daaztsą́ą doo nít'éé'!

EPHESIANS 1:11

Diyin God íinízingo binahat'a' bik'ehgo t'áá ałtsoní ła'yoolííł. Binahat'a' bik'ehgo t'áá átséedi nánihidiinilgo Christ bee nihíí' dadooleełii ałdó' nihaa deet'ą́.