LUKE 7:3 - Navajo Bible

³ Áko Jesus baa hozdiizts'ą́ą'go, Áádę́ę́' shaazhdoogáałgo shá naal'a'í náábizhdidoołááł, jiníigo Jew dine'é aląąjį' naazíinii Jesus bich'į' ajííł'a'.

LUKE 7:3 ပူးပေါင်းရင်းမြစ်များ

MATTHEW 8:5

Áádóó Kapérniyamgi jiníyáago siláo neeznádiin yilt'éego binanit'a'í nilį́į́ léi' hach'į' niníyáago náhookąąh,

LUKE 7:2

Áádóó siláo neeznádiin yilt'éego yinanit'a'í ła' bá naal'a'í ayóogo bił nilínígíí, éí daatsaahgo dadootsaałjį' ahoolzhiizh lá.

LUKE 7:4

Áko Jesus yaa yíkaigo, t'áá íiyisí nídayooskango ádaaní, Díí bá ádííníiłii t'áá yą́ą́h nilį́,

LUKE 8:41

Áko diné ła' Jéí'iras joolyéhígíí, áłah ná'ádleehgo á dah názhnídaahígíí Jesus baazhníyáago bich'į' nitsizhdinígo'go níjookąąhgo ábijiní, Shighangóó díínááł.

LUKE 9:38

Áádóó jó'akon, diné yíl'áhígíí ła' hadoolghaazhgo ání, Na'nitiní, nánooshkąąh, shiye' nilíinii t'áá éí t'éiyá she'awé'ígíí shá dínííł'įįł;

JOHN 4:47

Éí Judíyadóó Gáliliijį' Jesus níyáhígíí jíínii', áko baazhníyáago nídzooskango ájíní, Kapérniyam góyaa díínáałgo shiye' náábididííłááł, háálá doo baa dzoos'níi' da.

PHILEMON 1:10

Onésimas, Christ bee shiye' nilíinii, bá nánooshkąąh, éí awáalyaadi sédáago oodlání k'ehgo bizhé'é sélį́į́'.