LUKE 7:23 - Navajo Bible

²³ Áádóó t'áá háiida doo bił naaki danilį́į́góó shaa nitsídaakeesígíí éí bik'idahojidlí.

LUKE 7:23 ပူးပေါင်းရင်းမြစ်များ

MATTHEW 11:6

Áádóó t'áá háiida doo bił naaki danilį́į́góó shaa nitsídaakeesígíí bik'idahojidlí.

LUKE 2:34

Símiyan hak'i sodoolzingo hamá Mary áyidííniid, Jó'akon, díí awéé' bik'ee Ízrel dine'é lą'í naa'ahidínóodah índa lą'í náhididookah biniyé niiltį́, áádóó Diyin God bits'ą́ą́dę́ę́' bee ééhózinii nilį́įgo diné lą'í bits'ą́ą́jí yádaałti' doo,

LUKE 7:22

Áko Jesus hach'į' hanáánáádzíi'go áhodííniid, Nihílááh nááht'ash, díidí woołtsánígíí índa disoots'ą́'ígíí bee John bił hodoołnih: doo da'oo'ínígíí da'oo'į́ áńdaalne', nida'niłhodígíí nidaakai áńdaalne', łóód ats'íís yiyáanii naałdzidii bee bąąh dah nidahaz'ánígíí hadaałt'é áńdaalne', áádóó bijédaahkałígíí da'diits'a' áńdaalne', daneeznánígíí nááhidiiljeeh, badahojoobá'íígíí hane' yá'át'éehii bee bił dahane', dohníigo.

LUKE 7:24

Áko John bá naal'a'í dah nídiit'áazhgo, Jesus éí áłah ílínígíí yich'į' John baa ayázh'niiłti'go ájíní, Ha'át'íishą' dadínóoł'įįłgo honoojíígóó nidasoohkai? Lók'aa' níyol bighádígíí daats'í?

I CORINTHIANS 2:14

Nidi Níłch'i Diyinii doo hwii' hólóonii éí Diyin God biNíłch'i Diyinii yee ak'ijidlíii doo hwee haleeh da. Éí t'áá ádzaaí át'é jinízin, áko doo hoł bééhoozį́į́' át'ée da, háálá éí Níłch'i Diyinii k'ehgo ak'izhdiitą́ągo t'éiyá t'áá yíní át'éii hoł bééhodoozįįł.