LUKE 7:16 - Navajo Bible

¹⁶ Áko t'áá ałtso t'óó bił daayée'go Diyin God yaa dahaniihgo ádaaní, Diyin God yá halne'ii ayóó át'éii nihitahgi nídiidzáá lá! áádóó, Diyin God bidine'é yíká adoolwoł yiniyé yaa níyáá lá!

LUKE 7:16 ပူးပေါင်းရင်းမြစ်များ

PSALMS 65:9

Diyin God bitooh hadeezbingo ch'ínílį́įgo bee nahasdzáán nínáníłtłohgo bikáá' nida'nt'ą'go ánáádlííł. Éí hasht'einilaago nihokáá' dine'é bá álástsii' hólǫ́ǫgo íínísin.

EXODUS 4:31

Áko diné da'oosdląąd, áádóó Bóhólníihii éí Ízrel dine'é yaa honíle'ígíí índa ti'dahooníihgo yaa ákoniizį́'ígíí yaa dahodiizts'ą́ą́', ákohgo yaa ádaadzaago yich'į' nidahasá.

JEREMIAH 33:9

Kin haal'áa dooleełígíí éí nihokáá'góó ał'ąą dine'é danilíinii yaa dahaniih doo, áádóó ayóó át'éego yaa nitsídaakees doo, áko éí bee bi'dójíhígíí t'áá íiyisí bąą shił hózhǫ́ǫ doo. Yá'át'éehii bá baa naasháhígíí t'áá át'é ał'ąą dine'é yaa dahodiits'a' doo. Yá'át'éehii bá baa naasháhígíí índa t'áá ałtsoní bee áda'azįįdgo bá íínísinígíí éí t'áá ałtso biniinaa ał'ąą dine'é nídaaldzid doo, áádóó bitah dahoditłid doo.

MATTHEW 15:31

áko diné áłah nilínígíí éí diné doo yádaałti'ii yádaałti'go, áádóó bąąh dah nidahaz'áanii doo ádaat'éhígóó, áádóó nida'niłhodii yá'át'éehgo nidaakaigo, índa doo da'oo'íinii da'oo'į́ áńdaalyaago, éí dayiiłtsą́ągo bik'ee t'óó bił adahóóyóí; áko Ízrel biDiyin God yaa dahaznih.

MATTHEW 21:11

Áko hoł nooyéłígíí ádadííniid, Díí Jesus, Diyin God yá halne'ii, Gáliliidi Názareth hoolyéédóó át'į́.

MATTHEW 28:8

Áko nídzíldzid nidi, t'áá íiyisí hoł hózhǫ́ǫgo tséní'ootsééldóó tsxį́įłgo dashdii'áázh, áko bídahooł'aahii hane' baa nízhdoo'ááł biniyé dah ahizhdíníilchą́ą́'.

MATTHEW 9:8

Nít'éé' diné yíl'áhígíí éí dayiiłtsą́ągo nídaasdzííd, áádóó Diyin God éí bee óhólnííh ákót'éii nihokáá' dine'é yeidiní'ánígíí bąą Diyin God yaa dahaznih.

LUKE 1:65

Áko hanaagóó kéédahat'ínígíí t'áá ałtso bik'ee bił dahóóyéé' dahazlį́į́'. Áádóó díí ádaha'nínígíí Judíya kéyahgi dził naaznilígóó t'áá át'éé nít'éé' nidadeezdláád,

LUKE 1:68

Bóhólníihii, Ízrel biDiyin God éí baa ha'niih! Háálá bidine'é yaa níyáago nááyiisnii'go hááyoo'nil,

LUKE 19:44

áádóó niyi'di kéédahat'ínígíí t'áá bił ni'jį' andi'yoolghą́ą́ł, índa tsé t'ááłá'í nidi doo ałk'i dah si'ą́ą́góó ádeidoolíłígíí éí bił neidoołkááł, háálá Diyin God naa níyáhígíí t'áadoo baa ákoninizį́į' da.

LUKE 2:20

Áko nida'niłkaadii t'áá hoł dahóóne'ígi át'éego dazdiizts'ą́'ígíí índa dajiiłtsánígíí t'áá ałtso bąą Diyin God ayóó át'é dajiníigo índa baa dahojiniihgo t'ą́ą́' níjíkai.

LUKE 24:19

Áko áhodííniid, Haash dahóót'įįd? Áádóó ábizhdííniid, Jó, Názarethdóó Jesus ábi'dool'įįdígíí éí Diyin God yá halne'ii nilį́įgo Diyin God índa diné t'áá ałtso binááł ayóó ádaat'éii áyoolíiłgo áádóó bizaad ayóó át'éego na'iiłnáago baa nitsáhákees nít'éé'.

LUKE 5:26

Áko t'áá ałtso t'óó bił adahayóigo Diyin God yaa dahaznih áádóó t'áá bił daayée'go ádaaní, Díí jį́ doo nihił béédahózin da yę́ę daníil'į́į́'.

LUKE 5:8

Sáíman Peter éí yiyiiłtsą́ągo Jesus yiyaajį' nitsidinígo'go kójíní, Bóhólníihii nílíinii, shits'ánínááh, háálá bąąhági ááníiłii nishłį́.

LUKE 7:15

Áádóó neezdáago, ayá'niiłti'. Áádóó hamá yaa náhoníłtį́.

LUKE 7:39

Áko éí Férisii hágo hodííniidii díí yiyiiłtsą́ągo, t'áá biyi'ídi ání, Díí diné Diyin God yá halne'ii nilį́įgo, díí asdzání hódílnihígíí át'íinii hoł bééhózin doo nít'éé', háálá asdzání bąąhági ááníiłii nilį́.

LUKE 8:37

Áko éí haz'ą́ądi áádóó binaagóó Gádara dine'é bikéyahdi diné kéédahat'íinii t'áá ałtso nídahookąąhgo ádaaní, Nílááh nówehdi naniná, háálá t'áá íiyisí nídaasdzííd, áko tsinaa'eeł biih jííyáago hoł dah ní'dii'éél.

LUKE 9:19

Áko hoł dahoolne'go ádaaní, John Tó Yee Asį́įhii yę́ę át'į́, nidi ła' éí, Iiláíjah át'į́, daaní; náánáła' éiyá, Ałk'idą́ą́' Diyin God yá dahalne'ii yę́ę ła' daaztsą́ą́dę́ę́' náádiidzáago át'į́, daaní.

JOHN 1:21

Áko nináádahódééłkid, Ákoshą' háí ánít'į́? Da' Iiláíjahásh ánít'į́? Áko ázhdííniid, Doo éí ásht'į́į da. Áádóó nináádahódééłkidgo ádaaní, Diyin God yá halne'ii yígháhígíí, éí daats'í ánít'į́? Áko, Dooda, náázhdoo'niid.

JOHN 1:25

nidahódééłkidgo ádahałní, Christ, doodaii' Iiláíjah, doodaii' Diyin God yá halne'ii doo nílį́į́góó ałdó', ha'át'éegoshą' áko tó bee ísį́į́h?

JOHN 4:19

Asdzání ánááhodi'ní, Kwá'ásiní, k'ad lą́ą shił bééhoozin ni, Diyin God yá halne'ii nílį́į́ lá.

JOHN 6:14

Áko Jesus habee adziilii bee bééhózinii baa nijiyáhígíí dayiiłtsą́ągo ádadííniid, Díí t'áá aaníí Diyin God yá halne'ii nahasdzáán bikáa'gi doogááł hodoo'niidii át'į́į́ lá.

JOHN 9:17

Diné doo oo'į́į da nít'é'ígíí ánáádeidoo'niid, Nishą' ííní'į́ ániilaaígíí ha'át'íí bidiní? Áko ázhdííniid, Diyin God yá halne'ii nilį́, bidishní.

ACTS 5:5

Ákohgo Ananáíyas díí jidiizts'ą́ą'go, naa'ajíígo'go hajííyol. Áko t'áá ájít'é díí dajíínii'go t'áá íiyisí bik'ee hoł yéé' dahazlį́į́'.

ACTS 7:37

Díí Mózes éí Ízrel dine'é áyidííniid, Bóhólníihii nihiDiyin God shííł'aadígi át'éego nihik'isóó bitahdę́ę́' bá halne'ii ła' nihich'į' yidooł'aał [éí dadidoohts'į́į́ł].

GALATIANS 1:24

Áko shinahjį' Diyin God yaa dahaniih.

DEUTERONOMY 18:15

Bóhólníihii nihiDiyin God nihich'į'go halne'í nihits'ą́ą́dę́ę́' t'áá éí nihik'isóó bits'ą́ą́dę́ę́' shígi át'éii ła' néididoołááł; éí deísółts'ą́ą' doo.