LUKE 5:3 - Navajo Bible

³ Áko Sáíman bitsinaa'eeł biih jííyáago, Tábąąhdóó t'áá áháníjį' ni'níł'eeł, bizhdííniid. Áko tsinaa'eeł biyi'dóó dasneezdáago diné áłah silį́'ígíí nazneeztą́ą́'.

LUKE 5:3 ပူးပေါင်းရင်းမြစ်များ

MATTHEW 4:18

Áko Gálilii be'ek'id bąąhgóó joogááł, nít'éé' diné t'áá ła' háá'áazhgo, ła' Sáíman éí Peter wolyéhígíí, áádóó bitsilí Andrew, łóó' bee hahaltsósí taah yiłtsóosgo jiiłtsą́, háálá éí łóó' hayiileehí nilį́.

MARK 3:10

háálá lą'í náádabizhdiiłjée'go, ka nidaakaígíí t'áá ałtso hodadidiilchił danízingo hak'ijį' da'ahiljizh.

MARK 3:9

Áádóó t'óó ahojíyóigo bąą doo dahozhdoołjish da biniyé, hódahooł'aahii ábizhdííniid, Tsinaa'eeł yázhí ła' kojį' shá ninoł'eeł,

LUKE 5:2

Nít'éé' be'ek'id bąąhgi tsinaa'eeł naaki sinilgo jiiłtsą́, nidi łóó' hadayiileehí tsinaa'eeł yiyi'dę́ę́' haakaigo biłóó' bee hadahaltsósí dayiigis lá.

JOHN 8:2

Áádóó t'áá íiyisí t'ah abínígo kin bii' sohodizin bił haz'ą́ą́ góne' yah anáádzoodzáago, diné t'áá ałtso haa áłah silį́į́', áko dzineezdáago nazneeztą́ą́'.