LUKE 5:2 - Navajo Bible

² Nít'éé' be'ek'id bąąhgi tsinaa'eeł naaki sinilgo jiiłtsą́, nidi łóó' hadayiileehí tsinaa'eeł yiyi'dę́ę́' haakaigo biłóó' bee hadahaltsósí dayiigis lá.

LUKE 5:2 ပူးပေါင်းရင်းမြစ်များ

MATTHEW 4:18

Áko Gálilii be'ek'id bąąhgóó joogááł, nít'éé' diné t'áá ła' háá'áazhgo, ła' Sáíman éí Peter wolyéhígíí, áádóó bitsilí Andrew, łóó' bee hahaltsósí taah yiłtsóosgo jiiłtsą́, háálá éí łóó' hayiileehí nilį́.

MATTHEW 4:21

Áádóó dah náázdiidzáago Zébedii biye'ké t'áá ła' háá'áazhii nilį́įgo, éí James áádóó bitsilí John, bizhé'é Zébedii tsinaa'eeł biyi' yił naháaztą́ągo łóó' bee hadahaltsósí hasht'éédeidle'go jiiłtsą́, áádóó hágo bizhdííniid.

MARK 1:16

Áádóó Gálilii be'ek'id bąąhgóó joogááł, nít'éé' Sáíman índa bitsilí Andrew łóó' bee hahaltsósí taah yiłtsóosgo jiiłtsą́, háálá éí łóó' hayiileehí nilį́.

MARK 1:19

Áádóó t'áá áyídígóó joogááł, nít'éé' James éí Zébedii biye' áádóó bitsilí John, éí tsinaa'eeł biyi'gi łóó' bee hadahaltsósí hasht'éédeidle'go jiiłtsą́.

LUKE 5:1

Ákódahoodzaago Genésaret be'ek'id bąąhgóó dzizį́įgo, diné yíl'áhígíí Diyin God bizaad deididoots'į́į́ł biniyé hach'į' ałk'i naakai.

LUKE 5:3

Áko Sáíman bitsinaa'eeł biih jííyáago, Tábąąhdóó t'áá áháníjį' ni'níł'eeł, bizhdííniid. Áko tsinaa'eeł biyi'dóó dasneezdáago diné áłah silį́'ígíí nazneeztą́ą́'.

JOHN 1:40

Nizhdilt'éego John yáłti'go jidiizts'ą́ą'go t'áá áko Jesus bikéé' dashdii'ázhígíí éí ła' Andrew át'į́, Sáíman Peter yił háá'áázh.