LUKE 4:8 - Navajo Bible

⁸ Áádóó Jesus hanáánáádzíi'go ííłní, [Séítan nílíinii, shidinínáágóó aninááh, háálá] kót'éego bee ak'e'ashchį́: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

LUKE 4:8 ပူးပေါင်းရင်းမြစ်များ

II KINGS 19:15

Áko Heziikáíyah éí Bóhólníihii yich'į' kóníigo sodoolzin, Ízrel biDiyin God Bóhólníihii nílíinii, diyingo naal'a'í chérabim bita'gi honílóonii, t'áá ni t'éiyá nihokáá'góó bee ídahólníihii t'áá ałtso biDiyin God nílį́; yádiłhił índa nahasdzáán íinilaa.

PSALMS 83:18

Áko nahasdzáán bikáá'góó t'áá níłtéél nít'éé' t'áá ni t'éiyá, Bóhólníihii yinílyéhígíí, Aláahgo Ayóó'át'éii nílį́įgo diné bił béédahózin le'.

ISAIAH 2:11

Éí yoołkáałdi diné bibee ádaa dahodzódli' noolninii wóyahgo ádoolnííł áádóó ayóó át'éego ádaa deidzódli'ii a'ohgo ádoolnííł índa Bóhólníihii t'éiyá ayóó át'ée dooleeł.

MATTHEW 16:23

Nidi Peter bits'ą́ąjį' nídzízyizgo ábizhdíiniid, Séítan nílíinii, shidinínáágóó aninááh! Shiníłtł'aii nílį́, háálá doo Diyin God k'ehgo nitsíníkees da, nidi diné k'ehgo t'éí nitsíníkees.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

LUKE 4:4

Nít'éé' Jesus haadzíi'go ííłní, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

LUKE 4:7

Áko shich'į' nahosínísáago, díí t'áá át'é ni dooleeł.

DEUTERONOMY 10:20

Bóhólníihii nihiDiyin God dadíínóhsin, áádóó t'áá bí t'éí bá nidaał'a', áádóó t'áá bí t'éí bąąh dashoojéé' índa bízhi' bee ádee hadahidohdziih.

DEUTERONOMY 6:13

Bóhólníihii nihiDiyin God dadíínóhsin áádóó bá nidaał'a' índa bízhi' bee ádee hadahidohdziih.

JAMES 4:7

Éí bąą Diyin God baa ádadiyoht'aah. Níłch'i bida'iiníziinii binanit'a'í bich'į' nidaałdzilgo nihits'ádoolwoł.

I PETER 5:9

Nihe'oodlą' bee éí bich'į' haleebee nidaałdzil. Jó, nahasdzáán bikáa'gi t'áá níłtéél nít'éé' Christ bee nihik'isóó danilíinii t'áá ákót'éego ti'dahooníihgo nihił béédahózin.

REVELATION 19:10

Áko biyaajį' nitsidinígo' bich'į' nahodeeshłaał biniyé, nidi áshidííniid, T'áadoo ánít'íní! Ni áádóó nik'isóó Jesus baa hane'ii dayoodlánígíí yił nidaal'a'í ła' ásht'į́. Diyin God bich'į' nahółá! Háálá Jesus baa hane'ii bee náásgóó ádahodooníiłii bee baa dahojilne'.

REVELATION 22:9

Nidi áshidííniid, T'áadoo ánít'íní! Ni áádóó nik'isóó Diyin God yá dahalne'ii índa díí naaltsoos biyi'dóó saad yik'eh dahół'ínígíí yił nidaal'a'í ła' ásht'į́. Diyin God bich'į' nahółá!

I SAMUEL 7:3

Ákohgo Sámuel éí Ízrel dine'é t'áá ałtso ábizhdííniid, Danihijéí t'áá át'é bee Bóhólníihii bich'į' nináhóhkááh, áko diyin dabidi'níinii áádóó Áshtarath diyin dabidi'níinii yóó'adahidoh'aah; danihijéí Bóhólníihii baa dahidoh'aah, áádóó t'áá bí t'éiyá bá nidaał'a'; ákódaaht'į́įgo t'éiyá Filístiya dine'é bits'ą́ąjį' yisdánihidoonił.