LUKE 4:7 - Navajo Bible

⁷ Áko shich'į' nahosínísáago, díí t'áá át'é ni dooleeł.

LUKE 4:7 ပူးပေါင်းရင်းမြစ်များ

PSALMS 72:11

Aláahgo naat'áanii danilíinii t'áá ałtso hayaajį' nitsidadidoogoh; ał'ąą dine'é t'áá ałtso há nidaal'a' doo.

ISAIAH 45:14

Bóhólníihii kóní, Ííjip kéyahdóó ádaalyaii índa Iithiyópiya kéyahdóó naalyéhé danilíinii áádóó Sabíya dine'é danineezígíí naa hidookahgo níí' dadooleeł; nikéé' nihidookah; béésh da'ahólzha'í yee bida'astł'ǫ́ǫgo naa hidookahgo nich'į' nitsidadidoogoh áádóó nídanookąąhgo ádadidooniił, T'áá aaníí, Diyin God nił hólǫ́; diyin ła' doo nááhódlǫ́ǫ da.

ISAIAH 46:6

Azis biyi'dóó óola hadayiinííł áádóó béésh łigaii dah deidiileehgo atsidii shódayoołt'eehgo éí diyin bidi'níinii ádeile'; yich'į' nitséédadigohgo t'áá aaníí yich'į' nidahałá.

MATTHEW 2:11

áko kin góne' yah ajookai nít'éé' ashkii áłts'íísígíí bimá Mary t'áá bił dajiiłtsą́, áko Jesus bich'į' nitsidazdeezgo'go bich'į' nidahodzisá, índa hanaalye'é da'ílíinii ąą ádajiilaago, óola áádóó tsin bijeeh łikání halchinii fránkinsens índa mir wolyéii baa dajiiznil.

LUKE 17:16

áko Jesus yich'į' nitsidinígo'go yich'į' ahééh niizį́į́'. Éí Samériya dine'é jílį́įgo ájít'į́.

LUKE 4:6

áko níłch'i bida'iiníziinii binanit'a'í áhodííniid, Díí bee ídahólníihgo bił nahaz'áanii índa yee ayóó ádaat'éii t'áá át'é naa dideesh'ááł, háálá éí shaa deet'ą́, áádóó t'áá háiida baa dideesh'ááł niizį́'ígíí éí baa dideesh'ááł.

LUKE 4:8

Áádóó Jesus hanáánáádzíi'go ííłní, [Séítan nílíinii, shidinínáágóó aninááh, háálá] kót'éego bee ak'e'ashchį́: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

LUKE 8:28

Éí Jesus yiyiiłtsą́ągo, hadoolghaazhgo yiyaajį' nitsidinígo', áádóó yéego ádííniid, Haashą' shíléehgo ánít'į́, Jesus, Diyin God Aláahgo Ayóó'át'éii biYe' nílíinii? Nánooshkąąh, atíshóólééh lágo.

REVELATION 22:8

Díí yidiizts'ą́'ígíí áádóó yiyiiłtsánígíí éí shí John ásht'į́. Áko díí dasidéts'ą́ą'go áádóó deiłtsą́ągo diyingo naal'a'í díidí shił ííshją́ą́ áyiilaii bich'į' nahodeeshłaał biniyé biyaajį' nitsidinígo'.

REVELATION 4:10

naadiin dį́į́' hastóíígíí éí bikáá'dóó nahat'áii yikáá'dóó dah sidáii yidáahjį' tsé'yaa nídaniljołgo, hool'áágóó ahóyéel'áágóó hináanii yich'į' nidahałá, índa bikáá'dóó nahat'áii bidáahjį' binaat'á ch'ah adayiiníiłgo kódaaní:

REVELATION 5:8

Naaltsoos néidii'ą́ągo, ha'át'íí shį́į́ dahináanii dį́'ígíí índa naadiin dį́į́' hastóí t'ááłá'í nítínígo tsin tł'óół bąąh daneelzhee'go bee nida'a'néii dah dayítįįh, índa óola łeets'aa' biyi'dóó tsin bijeeh dilidgo łikání halchinígíí bii' hadadeezbingo dah dayíkaah, éí Diyin God bidiyį́į́' bisodizin ádaat'éego, éí yił Dibé Yázhí nilíinii bidáahjį' tsé'yaa daneeshjool.