LUKE 4:6 - Navajo Bible

⁶ áko níłch'i bida'iiníziinii binanit'a'í áhodííniid, Díí bee ídahólníihgo bił nahaz'áanii índa yee ayóó ádaat'éii t'áá át'é naa dideesh'ááł, háálá éí shaa deet'ą́, áádóó t'áá háiida baa dideesh'ááł niizį́'ígíí éí baa dideesh'ááł.

LUKE 4:6 ပူးပေါင်းရင်းမြစ်များ

ESTHER 5:11

Áko Héíman ayóó át'é jit'íinii bee ádaa hoji'niihii áádóó haye'ké danilíinii ánéelą́ą'gi bee bił hojoolne'; bee ayahoniidlįįh t'áá át'é aláahgo naat'áanii bee bił jílíinii áádóó naat'áanii danilíinii índa aláahgo naat'áanii bá naal'a'í danilíinii biláahgo yá'át'éehgo náás hodeest'e'ígíí bee bił hojoolne'.

ISAIAH 23:9

T'áá ałtso bee ádaa dahoji'niihígíí doolchǫǫł biniyé áádóó bee ił dajílíinii nihokáá' dine'é dei'į́į dooleeł biniyé t'áá ałtsoní bee Bóhólníihii yinahaz'ą́.

ISAIAH 5:14

Éí bąągo ch'į́įdiitah ayóo aldeeł áádóó bizéé' doo bí'nól'ąąh áníłtsogóó yee aldeeł, áádóó yee ayóó ádaat'éii áádóó bidine'é deíl'áhígíí áádóó yee ayóó ádaat'é ída'dólzinii índa t'áá háiida baa hoł hózhóonii éí jishcháá' góne' ajiikáah doo.

LUKE 4:7

Áko shich'į' nahosínísáago, díí t'áá át'é ni dooleeł.

JOHN 12:31

K'ad díí nahasdzáán baa náhát'į́, k'ad nahasdzáán binanit'a'í ch'íhidoolghą́ą́ł;

JOHN 14:30

Kodóó doo lą'ígóó nihich'į' yánáádeeshtih da, háálá nahasdzáán yinanit'a'í nilíinii k'adę́ę yíghááh. Éí doo shee ádíhólníih da,

JOHN 8:44

Níłch'i bida'iiníziinii binanit'a'í danihizhé'é át'é, éí bits'ą́ą́dę́ę́' dahosoolį́į́', éí nihizhé'é nilíinii laanaa nízinígíí t'éí bida'oł'į́. Éíyee' hodeeyáádę́ę́' diné neiłtseedii nilį́, áko t'áá aaníinii doo ádíidéélt'i' da, háálá t'áá aaníinii bii' ádin. Biyooch'íidgo t'áá bí át'éii yee ádaa yálti', háálá biyooch'íidii nilį́, áádóó wooch'ííd yizhé'é nilį́.

II CORINTHIANS 11:14

Áyaanída Séítan t'áá bí níłch'i bida'iiníziinii binanit'a'í nilíinii nidi, łahgo át'éego diyingo naal'a'í bits'ádi'nídínígi át'éego yí'ínídiil'įįh.

EPHESIANS 2:2

Jó, nihokáa'gi bąąhági át'éii bił nidahazt'i'ii bik'ehgo dayínóhkááh nít'éé', áádóó wódahgo bídahólníihii binanit'a'í, níłch'i bida'iiníziinii binanit'a'í, éí diné doo ak'eh dahół'íinii yiyi' naalnishii bik'ehgo naałdeeh nít'éé'.

I PETER 1:24

Háálá nihokáá' dine'é t'áá ádzíłtso ch'ilgi ádajít'é, áádóó bee ayóó ádajít'éii ch'ilátah hózhóonii nidahalin. Ch'il dahiniiłnééh, áádóó ch'ilátah hózhóonii nidahindéeh łeh.

I John 5:19

Diyin God bits'ą́ą́dóó dahoniidlǫ́ǫgo nihił béédahózin, áádóó doo yá'áshǫ́ǫ́góó naagháii nihokáa'gi t'áá át'éé nít'éé' bee bóhólníihgo ałdó' nihił béédahózin.

REVELATION 12:9

Na'ashǫ́'iitsoh ayóó'át'éii, ałk'idą́ą́' tł'iishtsohígíí, éí níłch'i bida'iiníziinii binanit'a'í, Séítan wolyéii, nahasdzáán t'áá si'ą́ą́ nít'éé' yina'alo'ii nahasdzáán bikáa'jį' bidah ahoolghan; bindaal'a'í t'áá bił bidah adabidiistł'ííd.

REVELATION 13:2

Naaldlooshii naayéé' nilíinii yiiłtsánígíí náshdóítsoh łikizhígíí nahalin, bikee' shash bikee' nahalin, bizéé' náshdóítsoh bitsiijį' ditł'ooígíí bizéé' nahalin. Áko na'ashǫ́'iitsoh t'áá bí yee bidziilii áádóó yikáá'dóó naha'áii índa bee bóhólnííh ayóó át'éii naayéé' nilíinii yeidiní'ą́.

REVELATION 13:7

Áádóó Diyin God bidiyį́į́' yich'į' anaa' áhodoolííł índa yik'eh didoodleełgo baa deet'ą́. Ał'ąą dine'é áádóó nihokáá' dine'é danilíinii áádóó bizaad ał'ąą ádaat'éii índa ał'ąą dine'é bił dah nidahaz'áanii t'áá ałtso bee bóhólníih doogo baa deet'ą́.