LUKE 4:5 - Navajo Bible

⁵ Nít'éé' níłch'i bida'iiníziinii binanit'a'í hoł híi'áázh, áko nahasdzáán bikáa'gi bee ídahólníihgo bił nahaz'áanii t'áá ałtso dzineesk'oł nahalingo bik'izhdooghał biniyé hach'į' yit'íní áyiilaa,

LUKE 4:5 ပူးပေါင်းရင်းမြစ်များ

JOB Naaltsoos Biyi' Job Baa Hane'ii 20:5

diné doo yá'áshóonii t'óó kónígháníjį' ak'idiyaa danilį́, áádóó t'óó áhodil'íinii yee bił hózhónígíí t'óó deiltse'.

PSALMS 73:19

Dooládó' t'áadoo hooyání ábidi'dooldįįł da lá! Bik'eda'íyée'ii ałtso ádaboołdįįł lá!

MATTHEW 24:14

Áádóó yá'ąąshii bee bóhólníihgo bił haz'áanii baa Hane' Yá'át'éehii nahasdzáán nidahonees'ą́ą́góó, ał'ąą dine'é t'áá ałtso bee hwéédahodoozįįł biniyé bee hoł dahodoonih, áko áadi índa nihodoogááł.

MATTHEW 4:8

Náá'áłdó' níłch'i bida'iiníziinii binanit'a'í dził aghánáhóó'áajį' hoł hanáánásht'áazhgo, nahasdzáán bikáa'gi bee ídahólníihgo bił nahaz'áanii áádóó yee ayóó ádaat'éii t'áá ałtso hoł yit'íní áyiilaa,

I CORINTHIANS 15:52

béésh łitsoii dilní akée'di ádííniidgo índa jineesk'ołígi át'éego tsxį́įłgo łahgo ádanihidi'doolnííł. Háálá béésh łitsoii dilní ádidooniił, áádóó daneeznánígíí doo náádadínóo'nééłgóó náádidooljah, áádóó nihí łahgo ádanihidi'doolnííł.

I CORINTHIANS 7:31

áádóó nihokáa'gi dahólóonii chodayooł'ínígíí doo chodayooł'į́į da nidahalingo dahináa doo. Háálá díí nihokáá' áhoot'éhígíí bił yóó'ahodoogááł.

II CORINTHIANS 4:17

Háálá díí áłts'íísígo t'óó kónígháníjį' ti'hwii'níhígíí, éí t'áadoo beełt'éhígóó t'áá íiyisí aa ha'niih nihá hasht'eilééh. Áko díí aa ha'niih éí hool'áágóó hólóonii doo niit'éehii át'é.

EPHESIANS 2:2

Jó, nihokáa'gi bąąhági át'éii bił nidahazt'i'ii bik'ehgo dayínóhkááh nít'éé', áádóó wódahgo bídahólníihii binanit'a'í, níłch'i bida'iiníziinii binanit'a'í, éí diné doo ak'eh dahół'íinii yiyi' naalnishii bik'ehgo naałdeeh nít'éé'.

EPHESIANS 6:12

Háálá bitsį' áádóó bidił dahólóonii doo bił da'ahiigą́ą da, nidi doo daat'į́į́góó aláahdi bídahólníihii, áádóó dabidziilii, áádóó díí k'ad nahasdzáán bikáa'gi chahałheeł bee bídahólníihii, índa níłch'i bida'iiníziinii t'áadoo bee néelą́'ígóó yádiłhił biyi' nahaz'ą́ądi dahólóonii bił da'ahiigą́.