LUKE 4:41 - Navajo Bible

⁴¹ Áádóó diné lą'í dabiyi'dę́ę́' níłch'i bi'iiníziinii hahaazhjéé', éí dadilwoshgo ádaaní, Ni Christ Diyin God biYe' nílį́! Nidi Christ jílį́įgo bił béédahózingo bąą dzideeztehgo hadadoodzihígi t'áadoo bee bá hojiił'a' da.

LUKE 4:41 ပူးပေါင်းရင်းမြစ်များ

MATTHEW 26:63

Nidi Jesus t'áadoo ák'ihazdoodzíi' da. Nít'éé' aláahgo náá'iiłniihii ánááhodoo'niid, Diyin God hináanii binahjį' ándishní, Christ, Diyin God biYe' daats'í nílínígíí bee nihił hólne'.

MATTHEW 4:3

Áko na' íńtaahii haa níyáago áháłní, Diyin God biYe' nílį́į́ ládą́ą́' díí kǫ́ǫ́ tsé naaznilígíí bááh nídadoodleełgo bá handziih.

MATTHEW 8:16

T'áá éí bee i'íí'ání, níłch'i bi'iiníziinii bii' dahólóonii lą'í hach'į' yił neheeskai, áko t'ááłáhídi hadziidziihgo níłch'i bida'iiníziinii haz'niiskaad, índa diné bitah dahoneezgai t'áá ałtso hadaałt'é áńdajiidlaa.

MATTHEW 8:29

Nít'éé' jó'akon, éí kóníigo hadoolghaazh, Haashą' nihíléehgo ánít'į́, Jesus, Diyin God biYe' nílíinii? Atínihidi'doolníłígíí t'ah doo baa hoolzhíish da nidiísh atínihidíílíiłgo biniyé yíníyá?

MATTHEW 8:4

Áádóó Jesus áhodííniid, T'ááká diné ła'da bił hóólne' lágo, nidi nílááh dah diináahgo náá'iiłniihii bíni'dii átsé niníł'į́, áádóó nááhidoonihii t'áá Mózes yee nihoní'ánígi át'éego nááhidííłnih, áko éí bee nilóód náádzí'ígíí diné bił béédahózin doo.

MARK 1:25

Nidi Jesus éí yideeztehgo ííłní, T'áadoo ádíníní, hayi'dę́ę́' haninááh!

MARK 1:32

Íídą́ą́' i'íí'ą́ągo diné bąąh dah nahaz'ánígíí índa níłch'i bi'iiníziinii bii' dahólóonii Jesus yił yaa dahaaskai.

MARK 1:34

Áko diné t'óó ahayóí naałniih ał'ąą ádaat'éii bee bąąh dah nidahaz'áanii hadaałt'é áńdajiidlaa, índa níłch'i bi'iiníziinii lą'í dabiyi'dę́ę́' hahizneeskaad, áko níłch'i bi'iiníziinii hwéédahósingo bąą hadadoodzihígi t'áadoo bee bá hojiił'a' da.

MARK 3:11

Áádóó níłch'i danchxǫ́'ígíí nídahoołtséehgo hayaajį' anída'diilghą́ąhgo éí yéego háádadilwoshgo ádaaní, Diyin God biYe' nílíinii ánít'į́.

LUKE 4:39

Áádóó bíighahgi dziizį'go tah honiigááh, Bits'áníldóóh, bizhdííniid, áko bits'áldogo t'áá áko nídii'na'go há chooz'įįd.

JOHN 20:31

nidi Jesus éí Christ, Diyin God biYe' nilį́įgo deidoohdląąłígíí biniyé díidíígíí bik'inídaháasdzo, áko éí deinohdlą́ągo baa dadzíínóhłíigo bízhi' biniit'aa iiná nihee dahólǫ́ǫ dooleeł.

JAMES 2:19

Diyin God t'ááłá'í hólǫ́ǫgo yinídlánígíí éí yá'át'ééh. Jó, níłch'i bida'iiníziinii ákót'éego da'oodlą́ą nidi yik'ee bił daayée'go bitah dahoditłid.