LUKE 4:4 - Navajo Bible

⁴ Nít'éé' Jesus haadzíi'go ííłní, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

LUKE 4:4 ပူးပေါင်းရင်းမြစ်များ

EXODUS 23:25

Bóhólníihii nihiDiyin God bich'į' nidahohłáa doo, áko nihich'iyą' índa nihito' łą́ągo yee nihik'ijidlíi doo, áádóó naałniih nihiníí'dóó nahgóó kódeeshłííł.

ISAIAH 8:20

Bee haz'áanii áádóó yee haadzíi'ii baa ákodanohsin; díí saadígíí doo yik'ehgo yádaałti'góogo, adinídíín bii' ádaadingo biniinaa ákódaaní.

JEREMIAH 49:11

Áłchíní bizhé'é bąąh ádaasdįįdígíí bíni' t'áá ákǫ́ǫ́ nidaakaigo shí baa áháshyą́ą doo, áádóó asdzání bąąh ádahasdįįdii nii' kéédahat'íinii háni'dii shaa dadzólí.

MATTHEW 4:4

Jesus haadzíi'go ání, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

MATTHEW 6:31

Éí bąą, Ha'át'íí lá dadiidį́į́ł lá? doodaii', Ha'át'íí lá dadiidlį́į́ł lá? doodaii', Ha'át'íí lá bee hadadiniit'ée dooleeł lá? t'áadoo dadohníigo ádił nídahodołchiłí.

LUKE 22:35

Áádóó ábizhdííniid, Dah na'ayizii áádóó azis bee na'aljidí índa ké ba'aaníii t'áágééd danihííł'aad yę́ędą́ą́', da' íídą́ą́'ásh t'áadoo le'é bídin danohłį́į́ nít'éé'? Áko ádadííniid, Dooda lą́ą.

LUKE 4:10

háálá kót'éego bee ak'e'ashchį́: Diyin God éí bidiyingo nidaal'a'í naa ádahalyą́ągo íidoolííł,

LUKE 4:3

Níłch'i bida'iiníziinii binanit'a'í áhodííniid, Diyin God biYe' nílį́į́ ládą́ą́' díí tsé bááh nídoodleełgo bá handziih.

LUKE 4:8

Áádóó Jesus hanáánáádzíi'go ííłní, [Séítan nílíinii, shidinínáágóó aninááh, háálá] kót'éego bee ak'e'ashchį́: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

EPHESIANS 6:17

Áádóó béésh ch'ah bee yisdá'iildéehii índa Níłch'i Diyinii bidiltłish nídahidoohnííł, jó, Diyin God bizaad éí diltłish át'é.

DEUTERONOMY 8:3

Áádóó a'ohgo áda'díínółzin ánihósin áádóó t'óó dichin bééda'ayoohnííh ánihósingo mána wolyéii doo nihił béédahózin da nít'éé' yę́ę, índa danihizhé'é yę́ę ałdó' doo bił béédahózin da nít'éé' yę́ę nihiyiyíísą́ą́', áko díí nihił béédahózingo ánihidoolííł: diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.