LUKE 4:2 - Navajo Bible

² honoojíidi dízdiin hwiiską́, áadi níłch'i bida'iiníziinii binanit'a'í hóneeztą́ą́'. Áko éí neiłka'ígíí biyi' t'áadoo ajííyą́ą' da; t'áá éí neiłka'ígíí bíighah azlį́į'go índa dichin dzizlį́į́'.

LUKE 4:2 ပူးပေါင်းရင်းမြစ်များ

GENESIS 3:15

Áádóó ni índa asdzání bił ałk'ee diní'niihgo ádeeshłííł; na'áłchíní índa éí ba'áłchíní yił ałk'ee dadi'niihgo ádeeshłííł; éí nitsiits'iin yidoołjish; ni éí bikétal dííłjish.

I KINGS 19:8

Áádóó nízhdii'na'go ajííyą́ą́' áádóó tó joodlą́ą'go Diyin God biDził Hórebgóó dízdiin jį́ áádóó dízdiin tł'éé' éí ch'iyánígíí bee hadziilgo jiníyá.

ESTHER 4:16

Nílááh, Shúshan kin haal'áagi Jew dine'é kéédahat'ínígíí áłah ánílééh, áko hodílzingo doo adą́ shá baa hoolzhiizhgo tł'éé' bíighah áádóó shá bíighah, t'áadoo da'ohsání, t'áadoo da'ohdlání tágí jį́ adooleeł. Áko nihí ádaaht'ínígi át'éego shí áádóó ch'ikéí shá nidaal'a'í ałdó' hodílzingo doo adą́ bił baa nideeshkah. Áko bee haz'áanii doo bik'ehdii da, nidi aláahgo naat'áanii bich'į' deesháałgo éí biniinaa dadeestsaałgo dadeestsaał.

EXODUS 24:18

Áko Mózes éí k'os biih jííyáago dziłghą́ą'jį' hajiyá áádóó Mózes éí dziłghą́ą'di nijigháago dízdiin jį́ áádóó dízdiin tł'éé' azlį́į́'.

EXODUS 34:28

Áko Mózes éí Bóhólníihii bił hojílǫ́ǫgo dízdiin jį́ áádóó dízdiin tł'éé' azlį́į́'; t'áadoo ajiyání áádóó t'áadoo ajidlání. Áádóó tsé dilkǫǫhii bikáa'gi saad bee aha'deet'áanii bee ak'e'jishchį́; éí neeznáago bik'eh ó'oo'níiłii át'é.

JONAH 3:7

Áádóó aláahgo naat'áanii índa bikéédę́ę́' naat'áanii danilíinii éí bee nihoot'áanii kóníigo Níneveh kin haal'áagi t'áá níłtéél nít'éé' baa dahane'go ádayiilaa, Diné áádóó nidaaldlooshii, da'alį́į́' dah danéelkaadii t'ááká ha'át'íhída dayólįh lágo; bíni'dii t'áadoo da'ayání índa t'áadoo da'adlání doo,

MATTHEW 21:18

Áádóó abínígo kin haal'áágóó níjoodáałgo dichin dzizlį́į́'.

MATTHEW 4:2

Áko t'áadoo ajiyání dízdiin jį́ índa dízdiin tł'éé' azlį́į́'dóó bik'ijį' índa dichin dzizlį́į́'.

LUKE 4:3

Níłch'i bida'iiníziinii binanit'a'í áhodííniid, Diyin God biYe' nílį́į́ ládą́ą́' díí tsé bááh nídoodleełgo bá handziih.

JOHN 4:6

Ákwe'é Jéíkab bitóhahadleeh, áko Jesus ch'ééh jideeyáago tóhahadleeh bíighahgi jineezdá, ałní'ní'ą́ągo daats'í.

DEUTERONOMY 9:18

Áko t'áá átséédą́ą́' íisdzaa yę́ęgi át'éego Bóhólníihii bich'į' tsé'yaa shishjoolgo dízdiin jį́ áádóó dízdiin tł'éé' azlį́į́'; t'áadoo bááh ła' yishání índa t' áadoo tó ła' yishdlání, háálá nihibąąhági át'éii t'áá át'é bee ádił da'íínółzíihgo Bóhólníihii binááł ts'ídá doo yá'áshónígi ádaaht'ínígíí bee Bóhólníihii bádahoshoołchįįdgo hashké niidzį́į́'.

DEUTERONOMY 9:25

Kót'éego t'áá átséédą́ą́' íisdzaa yę́ęgi át'éego Bóhólníihii bich'į' tsé'yaa shishjoolgo dízdiin jį́ índa dízdiin tł'éé' ná'iisíkan, háálá Bóhólníihii ánihi'niiłdįįdgo haadzíí' nít'éé'.

DEUTERONOMY 9:9

Tsé dilkǫǫhii hasht'eelyaii bikáa'gi bik'e'ashchíinii nídideeshnił biniyé dziłghą́ą́'góó hasíyáh yę́ędą́ą́', Bóhólníihii bibee aha'deet'áanii nihił áyiilaago, tsé dilkǫǫhii bikáa'gi yee ak'e'ashchį́įgo áyiilaii nídiishníiłgo dziłghą́ą'di dízdiin jį́ índa dízdiin tł'éé' azlį́į́'; t'áadoo bááh ła' yíyą́ą' da, doodaii' t'áadoo tó ła' yishdlą́ą' da.

HEBREWS 2:18

T'áá hó nahóhodi'nitaahgo ti'hodzooznii', éí bąą nabídahodi'nitaahii bíká azhdoolwołgo bilááshneel'ą́.

HEBREWS 4:15

Nihá aláahgo náá'iiłniihii doo danihidziilígíí bąą nihaa a'ááh dínóozįįłgi yíneel'ą́. Ts'ídá t'áá ałtsojį' t'áá nihígi át'éego nabíhodi'neestą́ą́', nidi doo bąąhági ádzaa da.

I SAMUEL 17:16

Filístiya dine'é éí abínídóó e'e'áahjį' hach'į' náhididáahgo dízdiin jį́ azlį́į́'.