LUKE 4:1 - Navajo Bible

¹ Áko Jesus, Níłch'i Diyinii bii' hadeezbingo Jórdandę́ę́' nádzá, áádóó Níłch'i Diyinii dahodiisáago

LUKE 4:1 ပူးပေါင်းရင်းမြစ်များ

I KINGS 18:12

Kóhodoonííł, t'áá nits'ą́ą́' dah diiyáhí Bóhólníihii biNíłch'i doo shił bééhózinígóó háajigo shį́į́ nił dah didoo'ash, áko Éíhab baa níyáago bił hweeshne'go ch'ééh hanineeztą́ą'go shidiyoołhééł, nidi shí, ná naal'a'í nishłíinii t'áá áłchíní nishłį́į́dę́ę́' Bóhólníihii díínísin.

I KINGS 19:4

Áádóó hó éí honoojíígóó ła'a jį́ oodááł bíighahjį' nizhníyáago gad biyaagi dzineezdá, áko dazdootsaałígíí ádá jííkeedgo ájíní, K'adí, shiBóhólníihii nílíinii, she'iina' náádiidlé, háálá dashizhé'é yę́ę doo bitisdi ánísht'ée da.

ISAIAH 61:1

Diyin God biNíłch'i Diyinii shił hólǫ́, háálá badahojoobá'íii éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'; bijéí daneezgaígíí hasht'éédadeeshdlííł, índa daasnáanii éí béédahididoochiłígíí bee bił dahashne' doo biniyé áádóó bida'astł'óonii awáalyaadóó bá ąą dadidootį́įłgo baa hashne' doo biniyé shiníł'a',

EZEKIEL 3:14

Áko níłch'i éí dashidiiłtį́įgo yóó'ashííłtį́; Bóhólníihii t'áá íiyisí shik'i déesnii'go shitah nahwiiłnáago índa shináháshch'íi'go shił nahonchiihgo dah diiyá.

MATTHEW 3:16

Áádóó Jesus tó bee ho'doolzį́į'go táyi'dę́ę́' háádzísdzá, nít'éé' jó'akon yá' ąąsh ąą ádzaa, áádóó Diyin God biNíłch'i Diyinii hasbídí nahalingo Jesus bik'ijį' hadahooleełgo áádóó bik'i dah neezdáago jiiłtsą́.

LUKE 2:27

Áádóó Níłch'i Diyinii hoł ééhósingo kin bii' sohodizin bił haz'ą́ą́ góne' yah ajííyáago Jóseph índa Mary éí bee haz'áanii bee é'él'ínígíí bik'ehgo ázh'doolííł biniyé, Jesus awéé' nilį́įgo yah ajííłtį́,

LUKE 3:3

áko John éí Jórdan tooh binaagóó kéyah t'áá át'é yii' nahalne'go tádíghááh. Łahgo át'éego Diyin God bich'į' tsínádahodiikeesgo habąąhági át'éii há yóó'iididoo'áałgo tó bee ho'didoolzįhjí yee na'neeztą́ą́',

LUKE 3:38

Kéínan éí Íínas biye', Íínas éí Seth biye', Seth éí Ádam biye', Ádam éí Diyin God biye'.

LUKE 4:14

Áádóó Níłch'i Diyinii bibee adziil yee Jesus Gáliliijį' nádzá, áádóó bee baa hane'ígíí kéyah t'áá át'éé nít'éé' bikáá'góó adahosiists'ą́ą́'.

LUKE 4:18

Bóhólníihii biNíłch'i Diyinii shił hólǫ́, háálá badahojoobá'íígíí éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'. [Bijéí daneezgaígíí hasht'éédadeeshdlííł biniyé,] daasnáanii éí béédahididoochiłígíí bee bił dahashne' dooleeł biniyé, doo da'oo'ínígíí da'oo'į́ nídadoodleeł biniyé shiníł'a',

JOHN 1:32

Áko John haa ch'íhoní'ą́ągo ání, Yádiłhił biyi'dę́ę́' Níłch'i Diyinii hasbídí nahalingo hak'ijį' bidah hooleełgo yiiłtsą́, áko t'áá ákwii dah neezdá.

JOHN 3:34

Jó, Diyin God biníł'a'ígíí éí Diyin God bizaad yee yáłti', háálá éí Níłch'i Diyinii t'áadoo bí'neel'ąąhí eidii'aah;

ACTS 1:2

áádóó wóshdę́ę́' dadool'aałii bitadziizlá'ígíí bee hodzis'áanii Níłch'i Diyinii bee baazhdiní'ą́ áádóó índa yá'ąąshgóó aho'dooltį́įjį', éí t'áá ałtso naaltsoos bikáá' íishłaa.

ACTS 10:38

Diyin God éí Jesus Názarethdóóígíí Níłch'i Diyinii yee índa bee adziilii yee ats'éiníłtį́, áádóó yá'át'éehii yaa naagháago níłch'i bida'iiníziinii binanit'a'í atídabił'íinii t'áá ałtso hadaałt'é áńdeidle'go Diyin God bił hólǫ́ǫgo, tádííyáhígíí baa nahazne'.

ACTS 8:39

Táyi'dę́ę́' háájísht'áazhgo, Bóhólníihii biNíłch'i Diyinii éí Philip néidiiłtį́, áádóó yúnak t'áadoo náhoołtsą́ą da, nidi bił hózhǫ́ǫgo nihináánádzá.