LUKE 3:8 - Navajo Bible

⁸ Éí bąą łahgo át'éego Diyin God bich'į' tsíńdahidohkeesgo beełt'éego nihits'ą́ą́dóó aneest'ą' dahóle', áádóó t'óó ádaa dadzíínóhdlíigo t'áá nihiyi'ídi, Éíbraham yę́ę éí nihizhé'é nilį́, t'áadoo dadohníní, háálá ánihidishní, Diyin God díí tsé kǫ́ǫ́ naaznilígíí bee Éíbraham ba'áłchíní íidoolíiłgo yíneel'ą́.

LUKE 3:8 ပူးပေါင်းရင်းမြစ်များ

NEHEMIAH 5:11

Díí baa nánihooshkąąh: t'áá díí jį́ bidáda'ak'eh, ch'il na'atł'o'ii deíl'áhígíí, áliv tsin deíl'áhígíí, dabikin índa dabibéeso, tł'oh naadą́ą́', wáin, ak'ah neeznádiin daníjaa'ígíí éí t'ááłá'í shijaa' bíighahgo baa nídahididooh'ááł.

EZEKIEL 33:24

Diné nílíinii, Ízrel bikéyahdi doo nidaagháhígóó nahaz'ą́ą́góó ákǫ́ǫ́ diné kéédahat'ínígíí ádaaní, Éíbraham éí t'áá łah dilt'éhí nít'éé', áko kéyah bíí' silį́į́', nidi nihí éí t'óó ahonii'yóí, áko t'áá aaníí kéyah nihíí' dooleełgo nihaa deet'ą́.

MATTHEW 21:43

Éí bąą ánihidishní, Diyin God bee bóhólníihgo bił haz'áanii nihighadidoot'ááł, índa náánáła' dine'é éí bits'ą́ą́dóó aneest'ą' nídahoodleeł doo biniyé baa didoot'ááł.

MATTHEW 3:8

Éí bąą łahgo át'éego Diyin God bich'į' tsíńdadohkeesgo beełt'éego nihits'ą́ą́dóó aneest'ą' dahóle',

MATTHEW 3:9

áádóó t'óó ádaa dadzíínóhdlíigo t'áá nihiyi'ídi, Éíbraham yee' nihizhé'é nilį́, t'áadoo dadohníní, háálá ánihidishní, Diyin God díí tsé kǫ́ǫ́ naaznilígíí bee Éíbraham ba'áłchíní íidoolíiłgo yíneel'ą́.

LUKE 13:25

Kin bee bóhólníihii nídidoo'nahgo dádi'doołkał, áko nihí t'áá tł'óo'di nidasoozį́įgo, dáádílkał nídanołts'ingo ádadohníi doo, Bóhólníihii, [Bóhólníihii,] nihá ąą ánílééh. Áko ánihididooniił, Nidaahkaidę́ę́' doo shił bééhózin da.

LUKE 13:26

Áko índa ádadidoohniił, Ninááł da'iidą́ą́' áádóó da'iidlą́ą́', áádóó nihikintahgi na'nítin nít'éé'.

LUKE 14:9

áko nihi'níłnii'ígíí níyáago ándidooniił, Bik'i dah sínídáhígíí díí diné baa ní'aah, áko t'óó baa yádíníízįįłgo t'áá a'ohgo ádaat'éii dah nídinibįįhgi dah díníídaał.

LUKE 19:40

Áko haadzíi'go ání, Ánihidishní, Azhą́ díí dadiiłheel nidi, tsé nidi hadadidoolwosh.

LUKE 19:9

Nít'éé' Jesus áhodííniid, Díí jį́ bee yisdá'iildéehii díí hooghanígi hazlį́į́', jó, éí ałdó' Éíbraham bits'ą́ą́dóó oochíiłii ła' jílį́.

LUKE 5:21

Áko bee haz'áanii yínda'niłtinii índa Férisii danilíinii nida'ídí'níiłkidgo ádaaní, Díí Diyin God í'diilyaago hahadziihígíishą' háí át'į́? Háishą' ádił ni'iidzííh á yóó'iidii'aah? Diyin God t'éiyá ni.

JOHN 8:33

Áádóó ánáádahodoo'niid, Nihí Éíbraham bits'ą́ą́dóó da'ahílchíihii daniidlį́, áko ts'ídá t'áadoo diné ła' binaalte' dasiidlį́į' da. Ákoshą' ha'át'éego, Nihéédadidoochił, diní?

JOHN 8:39

Áko hanáádaasdzíi'go ádahodííniid, Éíbraham éí danihizhé'é nít'éé'. Jesus ánááhodoo'niid, Éíbraham ba'áłchíní danohłį́įgo la', Éíbraham yaa naayáhígíí baa naahkai doo nít'éé'.

ACTS 26:20

Damáskasdi kéédahat'ínígíí áłtsé, áádóó Jerúsalemgi índa Judíyagi t'áá át'éé nít'éé' índa doo Jew dine'é danilíinii kóbidishníigo bee bił dahweeshne', Łahgo át'éego tsíńdahidohkeesgo Diyin God bich'į' dah nídahidoohkááh, áádóó łahgo át'éego tsíńdadookézígíí beełt'éé góne' t'áá ákwii ádaahnííł.

ROMANS 4:16

Éí bąą Éíbraham bi'oodlą' binahjį' ba'áłchíní náás da'ahidoolchíłígíí t'áá ałtso t'áádóo nídí Diyin God yee bá nihoní'áanii bíí' dadooleeł biniyé Diyin God bibee ajooba' yee bá nihoní'ą́. Jó, bee haz'áanii bik'eh ádajít'éhígíí doo éí t'éiyá da, nidi Éíbraham hwe'oodlą' bik'ehgo joogááł yę́ęgi át'éego hwe'oodlą' bik'ehgo dajíkáahii ałdó' hwíí' dadooleeł. Háálá da'iiniidláanii t'áá áníiltso Éíbraham yę́ę nihizhé'é jílį́.

ROMANS 9:7

Áádóó t'áá ádzíłtso doo Éíbraham ba'áłchíní dajílį́į da, azhą́ t'áá éí bits'ą́ą́dę́ę́' daho'déechíihii dajílį́į nidi, háálá Diyin God ábidííniid, Áízak bits'ą́ą́dóó na'áłchíní náás ahoolchíiłii bíká ádahodoo'niid.

PHILIPPIANS 1:11

Áádóó Jesus Christ bee ts'ídá t'áá ákogi é'ét'é bineest'ą' nihee nídahoodleeł doo biniyé nihá bíká sodiszin, áko éí bee Diyin God ayóó ájít'éhígíí bééhodoozįįł, índa bee haa ha'niih doo.