LUKE 3:7 - Navajo Bible

⁷ Éí bąą t'óó ahojíyóí tó bee dahodi'doolzįh biniyé baa dziiskaígíí áhodííniid, Tł'iish ba'áłchíní danohłíinii! Háishą' Diyin God t'óó báhádzidgo bibee até'él'íinii bits'ą́ąjį' dah dadínóohchééh nihidííniid?

LUKE 3:7 ပူးပေါင်းရင်းမြစ်များ

GENESIS 3:15

Áádóó ni índa asdzání bił ałk'ee diní'niihgo ádeeshłííł; na'áłchíní índa éí ba'áłchíní yił ałk'ee dadi'niihgo ádeeshłííł; éí nitsiits'iin yidoołjish; ni éí bikétal dííłjish.

ISAIAH 59:5

Tł'iish báhádzidii biyęęzhii yii' hadahakáahgo ádeile', áádóó na'ashjée'ii bitł'óól nideiniłdiz; biyęęzhii t'áá háiida yiyííyą́'ígíí éí dadootsaał, áádóó yists'ilígíí bits'ą́ą́dóó tł'iish báhádzidii hadoogááł.

MATTHEW 12:34

Tł'iish ba'áłchíní danohłíinii, doo yá'ádanoht'ééhgóoshą' haa yit'éego éí yá'át'éehii bee hadahohdziih doo? Háálá t'áá hajéí bii' hólónígíí t'áá éí bee yájíłti' łeh.

MATTHEW 23:33

Na'ashǫ́'ii danohłíinii, tł'iish ba'áłchíní danohłíinii, hool'áágóó ti'hoo'nííh bił haz'ą́ąjį' ánihwiit'aahígíishą' haa yit'éego baa dáádidoohkah?

MATTHEW 3:6

Bibąąhági ádaat'éii yee ádaa dahoolne'go Jórdan tooh nílínígíí biyi' tó bee dadzíísį́į́'.

JOHN 8:44

Níłch'i bida'iiníziinii binanit'a'í danihizhé'é át'é, éí bits'ą́ą́dę́ę́' dahosoolį́į́', éí nihizhé'é nilíinii laanaa nízinígíí t'éí bida'oł'į́. Éíyee' hodeeyáádę́ę́' diné neiłtseedii nilį́, áko t'áá aaníinii doo ádíidéélt'i' da, háálá t'áá aaníinii bii' ádin. Biyooch'íidgo t'áá bí át'éii yee ádaa yálti', háálá biyooch'íidii nilį́, áádóó wooch'ííd yizhé'é nilį́.

ACTS 13:10

áháłní, Níłch'i bida'iiníziinii binanit'a'í biyázhí nílíinii, na'adlo' índa ináhoodǫ́ǫ́s t'áá ałtso yinichįįhii, ts'ídá t'áá ákogi ádaat'éii t'áá ałtso bits'ą́ą́jí nílíinii, da' Bóhólníihii bee k'éhézdongo honít'i'jí nahoneeshtł'iizh ádanile'ígíísh doo nidííłt'ih da?

I THESSALONIANS 1:10

Índa Diyin God biYe' daaztsą́ą́dę́ę́' néidiisáii yá'ąąshdę́ę́' nídoodáłígíí biba' ádanoht'éego ałdó' yee nihaa nidahalne'. Jó, Diyin God t'óó báhádzidgo bibee até'él'íinii yee atí'doolíiłgo bich'į' hoolzhishígíí bits'ą́ąjį' Jesus yisdánihiinííł.

HEBREWS 6:18

Áko naaki góne' haz'ą́ ts'ídá doo łahgo ánáo'ne' át'éii yee Diyin God doo biyooch'ííd wóle' át'ée da. Áko éí binahjį' nihí doo yá'át'éehii bik'ee Diyin God bich'į' adahiniichą́ą'ii yá'át'éehii nihidáahdi hólóonii bíká nihił chodahoo'íinii deidiiltsołgo yéego bee chánah daniidlį́į doo.

I John 3:8

Bąąhági ájít'ínígíí éí níłch'i bida'iiníziinii binanit'a'í bits'ą́ą́dę́ę́' hojílǫ́, háálá níłch'i bida'iiníziinii binanit'a'í éí t'áá hodeeyáádę́ę́' bąąhági áánííł. Diyin God biYe' éí níłch'i bida'iiníziinii binanit'a'í binaanish íidoołdįįł yiniyé níyá.