LUKE 3:3 - Navajo Bible

³ áko John éí Jórdan tooh binaagóó kéyah t'áá át'é yii' nahalne'go tádíghááh. Łahgo át'éego Diyin God bich'į' tsínádahodiikeesgo habąąhági át'éii há yóó'iididoo'áałgo tó bee ho'didoolzįhjí yee na'neeztą́ą́',

LUKE 3:3 ပူးပေါင်းရင်းမြစ်များ

MATTHEW 3:11

Łahgo át'éego Diyin God bich'į' tsíńdahidohkeesgo bąąhági ádanoht'é yę́ę bits'áhóhkáahgo tó bee danihisį́į́h, nidi shikéédę́ę́' náájoodáłígíí éí shiláahgo ájít'é, áko hakee' yish łéeł dooígíí doo bą́ą́h nishłį́į da; hó t'éí Níłch'i Diyinii índa kǫ' bee danihidzisį́įh doo.

LUKE 1:16

Ízrel bidine'é lą'í yilt'éego biBóhólníihii t'áá éí biDiyin God yich'į' t'ą́ą́' ninéidiyoo'ish.

LUKE 1:77

bidine'é bibąąhági át'éii yá yóó'iididoo'ááł, éí bee yisdá'iildéehii bił béédahodoozįįł biniyé,

LUKE 4:1

Áko Jesus, Níłch'i Diyinii bii' hadeezbingo Jórdandę́ę́' nádzá, áádóó Níłch'i Diyinii dahodiisáago

JOHN 1:28

Díí Jórdan tooh wónaanídi, Béthanii hoolyéedi, John tó yee da'íísį́'ígi áhóót'įįd.

JOHN 3:26

Áko John baa jíkaigo ádabizhdííniid, Na'nitiní, Jórdan biláahdi bił nani'aashgo baa hwíínílne'ígíí, jó'akon, t'áá éí tó yee asį́įhgo diné t'áá ałtso baa hakááh.

ACTS 13:24

T'ah doo jíghááhgóó John t'áá átséedi Ízrel dine'é t'áá ałtso łahgo át'éego Diyin God bich'į' tsínáhodiikeesgo tó bee hodi'doolzįhjí yee neineeztą́ą́'.

ACTS 19:4

Ákohgo Paul ádííniid, Łahgo át'éego tsínáhodiikeesgo bąąhági át'éii áts'áhidit'aahgo tó bee alzį́į́hjí John tó yee asį́į́h nít'éé'. Diné yił halne'go ádííniid, Shikéédę́ę́' náánáádáłígíí deidoohdląąłgo baa dadzíídóohłiił. Éí Christ Jesus ááhyiłní.

ACTS 22:16

Áko k'ad ha'át'íí biniyé na'áhodílziid? Nídiidáahgo tó bee ni'dólzį́įhgo Bóhólníihii bízhi' yínízhíigo Diyin God bich'į' ádił ni'iyínílzí'ígíí ałtso nąąh táídoogis, shizhdííniid.