LUKE 3:1 - Navajo Bible

¹ Áko Taibííriyas Síízar ts'ídá aláahgo naat'áanii nilį́įgo ashdla'áadah náhááh góne', áádóó Pántiyas Páílat éí Judíya yinanit'a'í nilį́įgo, Hérad éí Gáliliidi naat'áaniishchíín nilį́įgo, Hérad yił háá'ázhígíí, Philip, éí Ituríya índa Trakonáítis kéyahdi naat'áaniishchíín nilį́įgo, índa Laiséíniyas éí Ábiliindi naat'áaniishchíín nilį́įgo,

LUKE 3:1 ပူးပေါင်းရင်းမြစ်များ

GENESIS 49:10

Naat'á gish Júdah doo bighadootį́įł da; Éí Sháíloh níyáajį' naat'áanii bigish bikee' bita'dę́ę́' doo hadootį́įł da, Áádóó éí bá diné áłashdooleeł.

MATTHEW 14:1

Áko íídą́ą́' Hérad, naat'áaniishchíín jílíinii, Jesus baa hozdiizts'ą́ą'go

MATTHEW 14:3

Háálá Hérad éí hatsilí Philip be'asdzą́ą́ Heródiyas wolyéii biniinaa John jiiłtsood, áko be'dziztł'ǫ́ǫgo awáalyaa góne' yah ajííłt'e'.

MATTHEW 14:6

Nidi Hérad bi'dizhchį́į́ yę́ęjį' anáhoolzhiizhgo, áłah silį́'ígíí binááł Heródiyas bich'é'é oolzhiizhgo Hérad yił hóóshǫǫd,

MATTHEW 22:17

Éí bąą díí haash yit'éego baa nitsíníkeesgo bee nihił hólne'. Síízar bich'į' tax nahalyéegoósh bee haz'ą́, dooda daats'í?

MATTHEW 27:2

áko hweda'aztł'ǫ́ǫgo dah dahodiilóóz, áádóó [Pántiyas] Páílat naat'áanii nilíinii yaa dahodeez'ą́.

MARK 6:17

Háálá Hérad t'áá hó, hasiláo John bíká ajííł'a'go John yiyiiłtsood, áko ye'eztł'ǫ́ǫgo awáalyaa góne' yah ayííłt'e'. Háálá Hérad t'áá hó hatsilí Philip be'asdzą́ą́ Heródiyas bighajíltį́įgo bá'dzízyeh.

MARK 6:21

Nít'éé' Heródiyas bá ashja hoodzaa, háálá Hérad bi'dizhchį́ yę́ęjį' anáhoolzhiizhgo naat'áanii danilį́įgo áyaa nei'nilígíí áádóó siláo binanit'a'í danilíinii índa Gáliliidóó aląąjį' naazíinii bá da'ííyą́ą́'.

LUKE 13:31

Ts'ídá ákohgo Férisii danilíinii ła' yíkaigo ádahodííniid, Nílááh, kodóó háájída dínááh, háálá Hérad hodiyeesxééł nó'ní.

LUKE 2:1

Ákwe'é yoołkááł yę́ędą́ą́' nahasdzáán yikáá' diné kéédahat'ínígíí t'áá ałtso dabízhi' naaltsoos bik'idadoodzohgo, Síízar Agástas yee nihoní'ą́.

LUKE 23:24

Áko Páílat éí diné dayókeedígíí bi'doolnííł biniyé bee lą́ adzisłį́į́'.

LUKE 3:19

Nidi John éí Hérad naat'áaniishchíín nilíinii, bitsilí be'asdzą́ą́ Heródiyas yolyéhígíí yiniinaa, índa bąąhági ádzaaígíí t'áá ałtso yiniinaa yich'ahóóshkeed,

LUKE 9:7

Hérad, naat'áaniishchíín nilíinii, ádahóót'įįdígíí t'áá ałtso yiyíínii'go bik'ee t'óó bił haada, háálá ła' ádaaní, John yę́ę daaztsą́ą́dę́ę́' náádiidzáá lá,

ACTS 23:26

Shí Kládiyas Lísiyas nishłíinii, Fííliks naat'áanii ił nílíinii k'é nidishní.

ACTS 24:27

Nidi áádóó naaki nááhaigo Pórshas Féstas éí Fííliks naat'áanii nilį́į́ nít'éé' yę́ęgi naat'áanii nilį́į doo biniyé níyá, áádóó Fííliks éí Jew dine'é bił dahodeeshǫǫł niizį́į'go, Paul t'áá awáalyaa sidáa doogo yee nihoní'ą́ągo dah diiyá.

ACTS 26:30

Áádóó [ákózhdííniidgo] aláahgo naat'áanii índa naat'áanii áádóó Bernáísii índa yił dah naháaztáanii yił nídiijéé',

ACTS 4:27

T'áá aaníí ákódzaa, diyingo ná naal'a'í Jesus, ats'éiníłtíinii, yich'į' nídahididookah biniyé Hérad áádóó Pántiyas Páílat éí doo Jew dine'é danilíinii índa Ízrel dine'é danilíinii yił áłah daazlį́į́',