LUKE 22:2 - Navajo Bible

² Áko aláahgo nááda'iiłniihii índa bee haz'áanii yínda'niłtinii haash yit'éego Jesus deidiyoołhéłígíí ch'ééh yíkadadilts'i', háálá diné yéédaaldzid.

LUKE 22:2 ပူးပေါင်းရင်းမြစ်များ

MATTHEW 12:14

Nidi Férisii danilíinii ch'ékaigo haa nídaast'įįd, áádóó ha'át'éegoda dahodiyoołhéłígíí yee hondahaz'ą́.

MATTHEW 21:38

Nidi ch'il na'atł'o'ii yaa ádahalyánígíí haye' dayiił tsą́ągo áda'ahidoo'niid, Díí ch'il na'atł'o'ii bíí' dooleełígíí át'į́į́ lá; sołtį', dadiyiilyééł, áko bíí' dooleeł yę́ę nihíí' dadooleeł.

MATTHEW 26:2

Nihił béédahózingo naakiiską́ągo atis'adeesdzá bee bééhániihii baa hoolzhíísh, ákohgo tsin ałnáoszid bikáa'jį' Diné Silį́į'ii bił i'doolkałgo ninádidoot'ááł.

MARK 14:1

Áko atis'adeesdzá bee bééhániihii áádóó díík'ǫsh t'áágééd bááh ályaii hodílzingo áłah ná'ádleeh éí naaki jį́ hadziih. Áko aláahgo nááda'iiłniihii áádóó bee haz'áanii yínda'niłtinii éí Jesus t'áá nahont'inee deidoołtsoł áádóó deidiyoołhéłígíí yíkadadilts'i',

LUKE 20:19

T'áá ákwii oolkiłígíí biyi' bee haz'áanii yínda'niłtinii índa aláahgo nááda'iiłniihii hodi'dooltsoł ch'ééh daniizį́į́', nidi diné yéédaaldzid, háálá éí hane' bee ak'idi'dootį́įłii binahjį' bí baa níjít'į́įgo bee hadzoodzíi'go yaa ákodaniizį́į́'.

JOHN 11:57

Jó, aláahgo nááda'iiłniihii índa Férisii danilíinii yee dahooł'a'go ádadííniid, Diné t'áá háiida Jesus naagháhígi hoł bééhózinígíí éí baa hozhdoolnih, áko deidiiltsoł.

ACTS 4:27

T'áá aaníí ákódzaa, diyingo ná naal'a'í Jesus, ats'éiníłtíinii, yich'į' nídahididookah biniyé Hérad áádóó Pántiyas Páílat éí doo Jew dine'é danilíinii índa Ízrel dine'é danilíinii yił áłah daazlį́į́',